MAARKOS 13:19 - Tepehuano Tepehuán del Sureste (Durango)

¹⁹ Na guꞌ janoꞌ na paiꞌ dhuuk puiꞌ tum duñiaꞌ, giilhim jir tulhiiñaraꞌ kaꞌ jix ioꞌm, cham tuꞌ puiꞌ na mɨt jax jum tulhiiñak gu jaiꞌ bɨjɨk, janoꞌ nat dɨr jup duu gu Dios dhi oiꞌñgaꞌn. Guꞌ jaꞌpji jix ioꞌm ji na baꞌ pɨk bar daipuꞌ kaꞌ, cham jɨꞌxkat puiꞌ ka tum duñiaꞌ gatuuk, na guꞌ ba tum kuugalhdhaꞌ.

MAARKOS 13:19 ပူးပေါင်းရင်းမြစ်များ

MATEO 24:21

Na guꞌ janoꞌ na paiꞌ dhuuk puiꞌ tum duñiaꞌ, giilhim jir tulhiiñaraꞌ kaꞌ jia, cham tuꞌ puiꞌ na mɨt jax jum tulhiiñak ba bubua gu jaiꞌ janoꞌ dɨr nat gu Dios jup duu dhi oiꞌñgaꞌn yaꞌ juugɨt, guꞌ jaꞌp jix ioꞌm ji na puiꞌ tum duñiaꞌ na baꞌ pɨk pu bar daipuꞌ kaꞌ. Miꞌ dhɨr baꞌ cham jɨꞌxkat paiꞌ dhuuk gio puiꞌp ka tum duñiaꞌ gatuuk, na guꞌ pu bɨɨx ba tum kuugalhdhaꞌ.

MAARKOS 10:6

Guꞌ matgam jaꞌpjani jaꞌk na aagix janoꞌ dɨr nat paiꞌ dhuuk jup duu gu Dios dhi oiꞌñgaꞌn, na guꞌ puiꞌ tu uaꞌñix gu ñioꞌkiꞌñ mi uꞌuan taꞌm nap jum kaiꞌch: “Gook pɨx ya ja doꞌñcho gu jaꞌtkam, maaꞌn chioꞌñ gio maaꞌn ubii.”

MAARKOS 13:18

Baꞌ aañ pu kaiꞌch na pim gammɨjɨ tu aꞌgadaꞌx dhaam jaꞌk buiñor gu Dios na baꞌ cham janoꞌ pɨk puiꞌ tum duñiaꞌ na paiꞌ dhuuk jix jɨɨpiꞌñ kaꞌ.

MAARKOS 13:20

Nat guꞌ puiꞌ pu tɨi ɨp gu Dios na janoꞌ na paiꞌ dhuuk tum kuugalhdhaꞌ, cham mɨk jir tulhiiñaraꞌ kaꞌ, na guꞌx ja joiꞌgɨꞌn guiꞌ nam jɨꞌk ba tɨ jɨɨgiꞌñ buiñor, cham aaꞌ nam mɨk yaꞌ oipot giilhim jum tulhiiñdhaꞌ. Noꞌ guꞌ cham tu daasaꞌ gɨt na jɨꞌx juugɨt jir tulhiiñaraꞌ kaꞌ, bɨɨx jam dho pu koꞌyaꞌ gɨt. ¿Jaroo gip jix ñakooꞌ na giilhim jum tulhiiñdhaꞌ?

NAT JAX TƗ TƗƗ GU JUAN 7:14

Baꞌ aañ jup tɨtda: ―Cham ji nañ maat. Noꞌ pich miꞌ dhɨr iam jiñ aaꞌñ jiñ jaduuñ nap jix maat. Baꞌ guiꞌ xiñ aagiꞌñ ɨp, jup jiñ chɨtda: ―Jir diꞌ am dho guiꞌ nam giilhim jum tulhiiñaimɨk mu jaꞌp oiꞌñgaꞌn bhaan nam duduakat gu ja tutkuꞌ bhaan, gio nam gammɨjɨ pux biiñak kat buiñor gu Dios siam jum tulhiiñ. Baꞌ xib yammɨ jaꞌk bap tuꞌiiꞌ am jix bhaiꞌm taatɨt, nat guꞌ bɨɨx dappaam tu ja uañ gu ja uaꞌtulhdharaꞌ guch Xoiꞌkam, dhiꞌ na jaꞌp ji buusan na gux kɨɨꞌ kasnir, kɨꞌn gu ɨꞌraꞌn nat jaax bhaan gu kuruus, na mɨt guꞌ soiꞌm ɨlhdhak tɨ jɨɨꞌñ buiñor.