MAARKOS 12:13 - Tepehuano Tepehuán del Sureste (Durango)

¹³ Baꞌ mɨkkat gu gɇꞌgɇrkam jum aaꞌndam mu joochxi mɨt gu Jesuus jɨꞌkchi guiꞌ nam pariseos jum tɨɨtɨꞌndaꞌ gio jɨꞌkchi ɨp gu Eroodis gu jaꞌtkam tugiꞌñ nam sap tɨkkapuꞌ, sap baꞌ noꞌt moo jax ji chɨi na cham jir am gu tuꞌ nam tɨkkaꞌ, bax bhaaiꞌn kaꞌ nam jax dhuuji iattulhdhaꞌ.

MAARKOS 12:13 ပူးပေါင်းရင်းမြစ်များ

MATEO 16:6

Baꞌ tu ja aꞌgidhim gu Jesuus gu noonbiꞌñ, jup ja tɨtdaim: ―Moo pim cham ja kɇkɇɇdaꞌ guiꞌ nam pariseos jum tɨɨtɨꞌndaꞌ gio guiꞌ nam saduseos jup jum tɨɨtɨꞌndaꞌ, nam guꞌ joidham jix bhaiꞌ xi buadaꞌ nam tu aꞌgadaꞌ, jaꞌp ji buusan na jax guiꞌ na kɨꞌn jappukar gu paan na giilhim jix chu iaꞌñdharaꞌ.

MAARKOS 12:14

Baꞌ mu ɇɇk jup tɨtda am: ―Aach bhaiꞌ ma jiich jaduuñ nap jich aagiꞌñdhaꞌ noꞌr am nach aach jax ɨlhiiꞌñ, nach guꞌx maat nap aap sɨlhkam jup kaiꞌchdhaꞌ nap paiꞌ dhuuk tu aꞌgadaꞌ, gio nap cham jax tɨ ɨlhiiꞌñ sia kum giilhim jum aꞌga, nap guꞌ bhaankam tu aꞌga na jax jix aaꞌ gu Dios, cham tuꞌ nam jax jaꞌk ɨlhiiꞌñ gu jaꞌtkam. Tɨɨꞌ nap guꞌ moo cham jaroiꞌ ɨɨbhiꞌñ, sia ku tɨir gɇꞌkam. Baꞌ jaꞌp tuꞌm jachich bham tɨkkam: ¿Jir am aa nach namkiꞌñdhaꞌ gux ioꞌm gɇꞌkam Rooma kam Seesar tɨɨgim guiꞌ na jɨꞌk aagix nach tu namkiꞌñdhaꞌ, kaꞌ cham aa? Dhiꞌ pɨx kɨꞌn jachich moo bhaiꞌ xi jii, noꞌr am nach namkiꞌñdhaꞌ piam ku guꞌ cham.

MAARKOS 3:6

Baꞌ bhaakuk jotmodaꞌ jii mɨt guiꞌ nam pariseos jum tɨɨtɨꞌndaꞌ bhammɨ jaꞌk ja bui gu jaꞌtkam tugiꞌñ gu Eroodis guiꞌ na sap jir gɇꞌkam kaꞌ, nam sap baꞌ bhaiꞌ xi chu aꞌgai maap nam jax jaꞌk duuji muꞌaaꞌ gu Jesuus.

MAARKOS 8:15

Baꞌ nammɨ gama jaꞌk nam ba jiimchuꞌ, jup ja tɨtda gu Jesuus: ―Moo pim cham ja kɇkɇɇdaꞌ guiꞌ nam pariseos jum tɨɨtɨꞌndaꞌ gio guiꞌ nam kaichuꞌ gu Eroodis. Nam guꞌ jaꞌp ji buusan na jax guiꞌ na kɨꞌn jappukar gu paan, giilhim jix chu iaꞌñdharaꞌ.

LUUKAS 11:54

nam miꞌ pɨx mamaiꞌchɨk noꞌ sap moo puiꞌp ɨlhiiꞌñ nam jax ɨlhiiꞌñ dɨɨlh gu tuꞌ, piam ku guꞌ sap cham, dai nam ba ja aagiꞌñdhaꞌ gu ja gɇꞌgɇrkam tuk.