MAARKOS 11:33 - Tepehuano Tepehuán del Sureste (Durango)

³³ Miꞌ puiꞌ cham ka bhaiꞌ nam jax tɨꞌyaꞌ, dai na mɨt jup xi chɨɨdak gu Jesuus: ―Cham ji nach maat nat jaroiꞌ bha joot gu Juan. Baꞌp ja tɨtda gu Jesuus: ―Dho bak guꞌ aañ puiꞌ cham jup jam aagiꞌñdhaꞌ nat jaroiꞌ bhañ joot.

MAARKOS 11:33 ပူးပေါင်းရင်းမြစ်များ

MATEO 15:14

Chaꞌpim jax jum aagɨt ja nɨiꞌñdhaꞌ dhiꞌ dhi jaꞌtkam, nam guꞌ dhiꞌ jaꞌp pɨx ji buan na jax gu cham ñiññia kam nam ja baiꞌñchuꞌ gu jaiꞌ cham ñiññia kam. Baꞌ gu jax chuꞌm cham ñia kam noꞌ tɨi baiꞌñchuꞌ gu jumai cham ñia kam, maap jam dho miꞌ paiꞌ suulhgiaꞌ jax chuꞌm tɨ dɨꞌn kɨr.

MATEO 16:4

Pu chuutuꞌm gu jaꞌtkam nam cham tuꞌ kaꞌm tɨ nɨiꞌñ, aañ cham tuꞌ ja tɨɨꞌñchudaꞌ gux kɨɨꞌp jum duukam, sia kum bhaiꞌ tɨi aaꞌ. Dai gatuuk nam jiñ chɨgiaꞌ nañ iampɨx puiꞌ jaꞌk jup jiñ dhuñiaꞌ na jax gu Jonaas. Baꞌ daipuꞌ xi ja tɨɨdak pu jii.

MATEO 21:27

Baꞌ puiꞌ cham bhaaiꞌ nam jax tɨɨdaꞌ, dai nam jup tɨtda pɨx: ―Chaam ji nach maat nat jaroiꞌ bha joot gu Juan. Baꞌp ja tɨtda gu Jesuus: ―Dho bak aañ puiꞌ cham jup jam aagiꞌñdhaꞌ ku gi nat jaroiꞌ bhañ joot nañ baꞌ yaꞌ puiꞌ tu bua.

MAARKOS 11:32

Cham dho bhaiꞌ jia noꞌ chich puiꞌ jaꞌk tɨɨꞌn. Na guꞌ noꞌch jax jup tɨtda na mɨt dɨɨlh chia gu jaꞌtkam, puiꞌ cham jup jir am. Cham aaꞌ am nam tu aagaꞌ, nam guꞌx bhaiꞌx maat nam muiꞌ jaꞌtkam tɨ jɨɨgiꞌñ na gu Juan bhaankam tu aꞌgimɨk gu Dios.

MAARKOS 12:1

Miꞌ dhɨr baꞌ gio bhaiꞌp ji chu ja aꞌgi gu Jesuus bhaan ji uaꞌrgidhak maaꞌn gu ɨꞌxchadam, jup ja tɨtda: ―Maaꞌn gu maaꞌnkam tu darsak gu uubas, gio baꞌ nat tu kuu miꞌ nat jɨꞌx juugɨt tu darai. Miꞌ dhɨr baꞌ moop tɨ kɨɨꞌmpi na paiꞌx bhaaiꞌn kaꞌ nam ba kɨiꞌñdhaꞌ, gio baꞌ nat mi kɨi maaꞌn gu tɇb bhiꞌñbak na baꞌ bhaiꞌ dhɨr bhaan naiꞌ tɨ nɨiꞌñdhaꞌ na tu nuukaꞌndaꞌ. Guꞌ ji na guꞌ moo ampɨk jup bar jimdam mɨk jaꞌk, baꞌ miꞌ xi ja doꞌñchok jɨꞌkchi gu jaꞌtkam nam miꞌ ka tu juandaꞌ, pu jii baꞌ.

JUAN 3:10

Baꞌ gu Jesuus jup tɨtda: ―¿Gi jax jum duu pich jiñ jaduuñ? Nap saak aap maadɨt jir diꞌ gu ja gɇꞌgɇrkam tuk gu jaꞌtkam yaꞌ dhi Israel, na baꞌ puiꞌ ni jɨꞌx kup jix maatɨt jiñ kɇɇ nañ jax kaiꞌñkam jup jum tɨtda.

JUAN 9:27

Baꞌ guiꞌp ja tɨtda ɨp gio: ―Dho gi nañ guꞌ tɨi ba jam aagiꞌñ, guꞌ ji na pim guꞌ cham jiñ jɨɨgiꞌñ. ¿Kaꞌ na pim jix aaꞌ aa na pim tɨ jɨɨꞌñdhaꞌ buiñor ku pim baꞌx aaꞌ nañ pɨx mu dɨr bhaiꞌ ji kɨksadaꞌ nañ jam aagiꞌñdhaꞌ?

ROOMA KAM 1:28

Ku guꞌ dɨɨlh ji gu Dios nat xi ja doꞌñcho pɨx nam puiꞌ jaꞌk jum duñiaꞌ, gio nam pu tu duñiaꞌ nam jax jix aaꞌ dɨɨlh, na mɨt guꞌ cham aa nam miꞌ puiꞌ jimiaꞌ na jax jix aaꞌ, na mɨt guꞌ dai bhaan ba tɨtɨɨꞌñcho gu tuꞌ na cham jir kɨɨꞌ. Baꞌ cham jax bua siam chi baꞌ pum buimɨk jax ñam ɨlhiiꞌñ dɨɨlh, sia ku tɨi cham jir am.

2 KORIINTO KAM 3:15

Cham maatɨt kɇɇ am na jax kaiꞌñkam jup jum kaiꞌch sia kum tɨi tu jiñkaiꞌñ guiꞌ nat jɨꞌk Moisees tu uaꞌnak, na guꞌ jaꞌp ji buusan na guiꞌ pɨx jannulh ja soobhiꞌñ gu ja moom nam baꞌ cham maatɨt kaayaꞌ.