MAARKOS 11:24 - Tepehuano Tepehuán del Sureste (Durango)

²⁴ Aañ moo jam aagiꞌñ noꞌ pim tuꞌ yaꞌ dɨr mu taan guñ Gɨꞌkoraꞌ jix dhaam jaꞌk soiꞌm ɨlhdhat, noꞌ pim moo pɨx pum aaꞌ nar puiꞌ kaꞌ na pim jax tɨɨdaꞌ, puiꞌ dho ji buusniaꞌ.

MAARKOS 11:24 ပူးပေါင်းရင်းမြစ်များ

MATEO 18:19

’Baꞌ noꞌ pimɨt jɨꞌk gook maap xi chu aꞌgak ma tu daanɨ buiñor guñ Gɨꞌkoraꞌ, jam makiaꞌ dho na pim tuꞌ taandaꞌ, aañ moo yaꞌ pu jam tɨtda.

MATEO 21:22

Guꞌ baꞌ puꞌñi ɨp noꞌ pim bɨɨx jam jujur kɨꞌn jix biiñak buiñor guñ Gɨꞌkoraꞌ, jam makiaꞌ dho tuꞌ na pim taandaꞌ.

MAARKOS 11:25

Baꞌ na pim paiꞌ dhuuk tu aꞌgadaꞌ jix dhaam jaꞌk buiñor guñ Gɨꞌkoraꞌ, noꞌ pim ampɨk tɨꞌñchu na pim jix bhaamut nɨiꞌñ gu jaroiꞌ, chaꞌpim bhaamut ka tɨꞌñchukaꞌ, tu uañiꞌñkaꞌ pim pɨx na baꞌ guñ Gɨꞌkoraꞌ puiꞌp tu jam uañiꞌñkaꞌ gu jam uaꞌtulhdharaꞌ.

JUAN 14:13

Baꞌ noꞌ ñich puꞌñi ba jii, bhammɨ dɨr dai nañ bhaiꞌ ba jam joochxiꞌñdhaꞌ gu tuꞌ na pim yaꞌ dɨr mu taandaꞌ guñ Gɨꞌkoraꞌ aañ jiñ bui jix biiñak kat, na baꞌ bhaan jix maatɨꞌ kaꞌ nach sɨlhkam gook dɨt maaꞌn iiꞌmdaꞌ pɨx jup duuk guñ Gɨꞌkoraꞌ na giilhim jir gɇꞌkam.

JUAN 15:7

’Guꞌ noꞌ pim moo miꞌ puiꞌ jiimɨt nañ jax tu jam aꞌgiꞌñ gammɨjɨx biiñak kat aañ jiñ bui, jam kɇɇkɇt jam maakidhaꞌ ji guñ Gɨꞌkoraꞌ sia tuꞌ na pim yaꞌ dɨr mu taandaꞌ.

1 KORIINTO KAM 14:13

Baꞌ noꞌ guꞌ jaroiꞌr aꞌmkamuꞌn na tu daandaꞌ gu jumai ñiꞌook kɨꞌn, xi chañiaꞌ ɨp gu Dios na puiꞌp jir aꞌmkamuꞌn kaꞌ nax maatɨt kɇɇkɇꞌ dhi jumai ñiꞌook na baꞌp ja aagiꞌñdhaꞌ bɨɨx nam jɨꞌk miꞌ paiꞌ maap jup tuiꞌkaꞌ na jax jir jum duukam.

1 JUAN 3:22

Baꞌ guiꞌ xi jam joiꞌndat tu jam maakidhaꞌ bɨɨx na pim jɨꞌk tuꞌ mu taandaꞌ bhammɨ jaꞌk na paiꞌp tuꞌiiꞌ, na guꞌx mat kaꞌ na pim tuꞌ kaꞌm nɨidhat miꞌ puiꞌ bhɨichgɨdaꞌ na jax chu daaxix gux bhaiꞌm kaiꞌchdham ñioꞌkiꞌñ gam na jax pɨk jaꞌk jix aaꞌ.