MAARKOS 10:20 - Tepehuano Tepehuán del Sureste (Durango)

²⁰ Baꞌp kaiꞌch ɨp gio gu biapmaꞌ: ―Dho guꞌ aañ moo tɨi cham paiꞌ dhuuk mu paiꞌ jax tu bua ji na ñich dhɨr bhaiꞌñ jur ji bhɨi. Bɨɨx jañ miꞌ puiꞌ jimchuꞌ nap jax ba kaiꞌch.

MAARKOS 10:20 ပူးပေါင်းရင်းမြစ်များ

MATEO 19:20

Baꞌp kaiꞌch ɨp gio gu biapmaꞌ: ―Dho guꞌ aañ bɨɨx miꞌ puiꞌ tɨi duiñchuꞌ ji gu dhiꞌ puiꞌ nap jɨꞌk jax kaiꞌch jiñ jaduuñ. ¿Chi guꞌ moo cham ji jia?

MAARKOS 10:21

Baꞌx joiꞌmdat ba tɨɨ gu Jesuus, na guꞌx maat nar puiꞌ na jax kaiꞌch. Baꞌp tɨtda: ―Maaꞌn ka biꞌiix ji matgam nam aꞌm jum aaꞌ nap miꞌ puiꞌ jimiaꞌ, nap bɨɨx tu gaꞌraꞌ guiꞌ nap jɨꞌk tuꞌ biaꞌ, ja makiaꞌ ap baꞌ gu tuumiñ guiꞌ nam alh cham bhaiꞌ nam paiꞌ dhɨr uꞌji tuꞌ kɨꞌn tu sabaꞌdaꞌ. Na guꞌ cham jax bua noꞌp bañ kaichuꞌ sia pich puiꞌ ji bii gu xib, na guꞌx dhaam jaꞌk puiꞌ nap jax bar jix chumñigam kaꞌ.

LUUKAS 10:29

Guꞌ ji nat guꞌ gio bhaiꞌp ka xi chɨkka guiꞌ na sap jix mat kaꞌ gu ñioꞌkiꞌñ gu Dios na sap baꞌ cham jax jum aaꞌndaꞌ gu Jesuus na jaꞌp pɨx bha tɨkka sia kux maat, jup tɨtda: ―Dho jaꞌpji nañ cham maat na jax chuꞌm jaꞌtkam baꞌ ja aagɨt jup kaiꞌch guiꞌ nañ puiꞌx ja joiꞌmdaix bhaiꞌ ja duñiaꞌ noꞌm tuꞌ bhaan jum tulhiiñ.

ROOMA KAM 7:9

Nañ paiꞌ dhuuk chakui mat kaꞌ aañ na jax tu aagix kaꞌ, joidham jix bhaiꞌ tu jimdaꞌ iñ panaas, pu cham paiꞌ bhaan jax jiñ aaꞌndaꞌ iñ gu tuꞌ uaꞌtulhdharaꞌ. Guꞌ ji na guꞌ na ñich paiꞌ dhuuk bhaiꞌ ji maat na jɨꞌk jax tu aagix, panaas kut miꞌ dhɨr kiaꞌpɨx bhaiꞌ ji jaiꞌchdhɨr gu uaꞌtulhdharaꞌ,

PILIIPOS KAM 3:6

Baꞌx ioꞌm jix joojoidhat miꞌ puiꞌ jimdaꞌ iñ nam jax jaꞌk tu jimdaꞌ, cham jaroiꞌ jaiꞌch kaꞌ na tuꞌ bhaan jax jiñ chɨɨdaꞌ, nam guꞌ bɨɨx pɨx jix mat kaꞌ nañ miꞌ puiꞌ jimdaꞌ. Baꞌ dhiꞌ bhaan gɇꞌkam jiñ chaatɨt bhaiꞌ ji ja tulhiiñchuda ñich guiꞌ nam ba tɨ jɨɨgiꞌñdhaꞌ buiñor guch Xoiꞌkam.

2 TIMOTEO 3:5

Puiꞌ xi kaiꞌchdhaꞌ am nam Dios buiñor tɨ jɨɨgiꞌñdhaꞌ, guꞌ pɨx ji na guꞌ nam jax jaꞌk tu jimdaꞌ, dhiꞌ bhaan jix maatɨꞌ kaꞌ nam cham tuꞌ miꞌ puiꞌ jiimdaꞌ na jax jaꞌk jix aaꞌ gu Dios nam tuiꞌñgɨdaꞌ. Chaꞌp mi ja bɨpnatdat dhiꞌ pu chuꞌm gu jaꞌtkam.