MAARKOS 10:18 - Tepehuano Tepehuán del Sureste (Durango)

¹⁸ Baꞌp tɨtda gu Jesuus: ―¿Jax jap duukat jix maat nañ jir jix bhaiꞌkam jiñ jaduuñ? Na guꞌ jumaip jix jaiꞌch guiꞌ na jaꞌxbuiꞌ puiꞌp jir jix bhaiꞌkam na jax aañ, guiꞌ dhoñ Gɨꞌkoraꞌ nax dhaam jup tuꞌiiꞌ. Guiꞌ jɨꞌ ji na baꞌm baidhikaꞌ jix dhaam jaꞌk,

MAARKOS 10:18 ပူးပေါင်းရင်းမြစ်များ

MATEO 19:17

Baꞌp tɨtda gu Jesuus: ―¿Guꞌ jax duukat jap jix maat jiñ jaduuñ nañ jir jix bhaiꞌkam? Na guꞌ jumaip jix jaiꞌch jia guiꞌ na puiꞌp jir jix bhaiꞌkam, guiꞌ dhoñ Gɨꞌkoraꞌ nax dhaam jup tuꞌiiꞌ. Baꞌ noꞌp jix aaꞌ nap jimiaꞌ buiñor, jum aaꞌ nap bɨɨpɨꞌ miꞌ puiꞌ jimiaꞌ na jax jum kaiꞌch gu ñioꞌkiꞌñ miꞌ na paiꞌ tu uaꞌñix.

MAARKOS 10:17

Baꞌ maaꞌnnim nat ba jii gu Jesuus, nammɨ gama jaꞌk ba ai mɨrdat maaꞌn gu biapmaꞌx chumñigam, baꞌ mi jaꞌp oꞌlhiaꞌn kɨꞌn xi kɨkbuk bɨɨpɨꞌ dɨr jup kaiꞌch: ―Aañ jaꞌp tɇ kɇɇ nap joidham jir jix bhaiꞌkam jiñ jaduuñ. Baꞌ bhaiꞌ ma mɨɨ ñich na ñich bham tɨkkam na jax jaꞌk jix bhaiꞌ nañ duuji miꞌ puiꞌ jimiaꞌ na saak jax jix aaꞌ guch Gɨꞌkoraꞌ nañ baꞌ buiñor bap tuiꞌkaꞌ, na baꞌ gammɨjɨ jiñ aꞌm ba tɨ nɨiꞌñdhaꞌ.

MAARKOS 10:19

noꞌp dho ji miꞌ puiꞌ jimiaꞌ na jax tu uaꞌñix mi uꞌuan taꞌm gu ñioꞌkiꞌñ nap jum kaiꞌch: “Chaꞌp jaiꞌx bhaiꞌ ka ja tɨtdadaꞌ gu uꞌuub nap paiꞌ dhuuk ba tɨ bɨɨnaꞌ kaꞌ. Gio nap cham ja kooꞌndaꞌ gu jaꞌtkam. Gio nap cham tɨ ɨɨxiꞌñdhaꞌ. Gio nap cham iatdaꞌ. Gio nap tuꞌ kaꞌm tɨ nɨiꞌñdhaꞌ, puiꞌ na jax gum taat nap moo tuꞌ kaꞌm xi ñɨidhat gio gum naan.”

LUUKAS 18:19

Baꞌp tɨtda gu Jesuus: ―¿Jaꞌp kaiꞌñkam jup kaiꞌch ap aañ jaduuñ nañ aañ jaꞌxbuiꞌp jir jix bhaiꞌkam na gu Dios? Na guꞌ dai guiꞌ nar jix bhaiꞌkam.

ROOMA KAM 3:12

Bɨɨx pɨx jamɨt bhaan bhɨi gu boi na paiꞌ cham tɨ kɨɨꞌ, bɨɨx aixim jix buam pɨx ba tu jim am baꞌ. Pu cham jaroiꞌx jaiꞌch iam nax kɨɨꞌp jum duukam xip tu duñiaꞌ, nim maaꞌn dho moo kux jaiꞌch.

SANTIAGO 1:17

Jax dhui na gu Dios cham tuꞌ aꞌmiram dɨr busaak gu tuꞌ nar jix buam jum duukam, dai ji guiꞌ na jɨꞌk tuꞌr jix kɨɨꞌp jum duukam. Bɨɨx guiꞌ na jɨꞌk tuꞌch aꞌm jimiim nar jix kɨɨꞌp jum duukam, Dios jir jup duniiꞌñ, guiꞌ nax dhaam jup tuꞌiiꞌ nat jaroiꞌp duu dhi chiichiaꞌ na bhaꞌñi jaꞌp daraa jix dhaam gio dhi tanoolh na bɨɨx kap tu toonniꞌñ. Gu Dios gammɨjɨ pur Dios jia, cham paiꞌ dhuuk maakam jup bar tuꞌm, pu maaꞌn na jax pɨx jir tuꞌm na jax bar tuꞌm.

1 JUAN 4:16

Baꞌ aach nach jɨꞌk ba tɨ jɨɨgiꞌñ bɨɨx jich jujur kɨꞌn buiñor guch Xoiꞌkam, jix bhaiꞌ bax maat ich na gu Dios joidham xich joiꞌgɨꞌn, na guꞌr diꞌ pɨx gux chu joiꞌgɨꞌn. Baꞌ gu jaroiꞌ noꞌ puiꞌp jix chu joiꞌgɨꞌn na guiꞌ, dhiꞌ bhaan bax maatɨꞌ kaꞌ na sɨlhkam bax maat gu Dios, baꞌ puiꞌ bam kaiꞌchdhaꞌ na bhaan ba tɨ nɨidhim.

1 JUAN 4:8

Guꞌ noꞌ ampɨx jix ja bhaamkiꞌñ gu jaiꞌ, dho gi guꞌ bhaan jup bax maatɨꞌ kaꞌ ji na pu chakui maat na jax jir tuꞌm kam gu Dios, na guꞌ bak pu cham tɨ jɨɨgiꞌñdhaꞌ buiñor. Na guꞌ noꞌ tɨ jɨɨgiꞌñdhaꞌ gɨt, puiꞌp jix chu joiꞌgɨꞌndaꞌ gɨt jia na jax gu Dios na joidham jix chu joiꞌgɨꞌn.