LUUKAS 9:7 - Tepehuano Tepehuán del Sureste (Durango)

⁷ Baꞌ gux kaiꞌ Eroodis puiꞌ tɇ kɇɇkɇꞌ ɨp na mu paiꞌx bhaiꞌ tu buadaꞌ gu Jesuus. Dai pɨx ji na guꞌ cham bhaiꞌ mat kaꞌ nar jaroiꞌ pɨk daꞌ kaꞌ, nam guꞌp kaiꞌchdhaꞌ gu jaꞌtkam na sap pɨk baꞌ panaas jir diꞌ gu Juan jaꞌtkam bopkondam nat giop buus duadɨk mu dɨr na mɨt paiꞌ yaas.

LUUKAS 9:7 ပူးပေါင်းရင်းမြစ်များ

MATEO 11:2

Baꞌ bhammɨ na paiꞌ kuupkaꞌ gu Juan jaꞌtkam bopkondam, puiꞌ ba tɨ kai na mu paiꞌ pɨx oirɨt jix kɨɨꞌp jum duukam jup tu bua gu Jesuus. Baꞌ muiꞌ ma ja joot jɨꞌkchi gu jaꞌtkam tugiꞌñ guiꞌ nam kaichgɨdaꞌ

MAARKOS 8:28

Baꞌ guiꞌp tɨtda am: ―Dho jɨꞌmaꞌn jup kaiꞌchdhaꞌ am nap sap aap jir diꞌ gu Juan guiꞌ na jaꞌtkam ja bopkondat. Jaiꞌ baꞌp kaiꞌchdhaꞌ am ɨp nap sap aap jir diꞌ gu Eliiyas, guiꞌ nat saak maaxik jii jix dhaam jaꞌk. Gio baꞌ jaiꞌp kaiꞌchdhaꞌ am ɨp nap sap aap maadɨt jir diꞌ guiꞌ nam bɨjɨk ya jaꞌp bhaankam tu aꞌgimɨk guch Gɨꞌkoraꞌ.

LUUKAS 13:31

Baꞌ jɨꞌkchi gu pariseos jum tɨɨtgɨdam miꞌp ba ji bubua mɨt na paiꞌ oirɨ gu Jesuus. Baꞌp tɨtda am: ―Chaꞌp mu jaꞌk jimdaꞌ Jerusaleen, na guꞌ bhaiꞌm oꞌbhagiꞌñ gu Eroodis na sap jum muꞌaaꞌ.

LUUKAS 21:25

Muiꞌ xi chu ja aꞌgiꞌñchuꞌ gu Jesuus, jup ja tɨtda: ―Baꞌ miꞌ dhɨr bɨɨx aixim bhaiꞌ ji chum duñiaꞌ bha jaꞌp jix dhaam. Gu tanoolh naiꞌ ji chukiaꞌ, gio gu masaaꞌn cham ka tu masbagiꞌñdhaꞌ, gio gu chiichiaꞌ cham paiꞌ bhaiꞌ paiꞌ ka darkaꞌ, gio gu gɇꞌgɇr suudaiꞌ na mu jaꞌp suusuꞌn juꞌñdharam dhi gɇꞌgɇr dɨppɨr, gɇꞌgɇr ba tɨroondaꞌ. Cham ka bhaaiꞌn kaꞌ nam jax jum duñiaꞌ bɨɨx gu jaꞌtkam, giilhim bax chotdon kaꞌ am.

LUUKAS 23:7

Guiꞌp xi aagiꞌñ am nar Galilea kam. Baꞌ mu jaꞌk xi joochxi gu Eroodis, guiꞌ na mur gɇꞌkam kaꞌ Galilea. Janoꞌ pɨk bhaiꞌp oirɨ Jerusaleen.

LUUKAS 3:1

Baꞌ jumaip bar gɇꞌkam kaꞌ bɨɨx kap na jɨꞌk Rooma bhaan bipioꞌ gu dɨppɨr, Tibeerio ba tɨɨꞌnkaꞌ guiꞌ na bar gɇꞌkam kaꞌ. Mambhɨɨx daman jix chamaam oidhaꞌ bhaiꞌ pu bap duu na baꞌ gu Poonsio Pilaato miꞌp bar jix kaiꞌ kaꞌ dai miꞌ na jɨꞌx Judea bhaan bipioꞌ gu dɨbɨɨr. Mu jaꞌk Galilea baꞌ Eroodis tɨɨgim miꞌp jir jix kaiꞌ kaꞌ janoꞌ. Mu jaꞌk Iturea baꞌ gio Trakoniite, maaꞌn Piliip tɨɨgim miꞌp jir jix kaiꞌ kaꞌ dhi gok kap, jir jum jajaaꞌnnim kaꞌ am gook dɨt gu Eroodis. Baꞌ mu jaꞌk na paiꞌ Abiliinia tɨ tɨɨꞌ, maaꞌn Lisaanias tɨɨgim miꞌp jir jix kaiꞌ kaꞌ.

LUUKAS 9:19

Baꞌ maadɨt jup tɨtda: ―Dho jɨꞌmaꞌn jup kaiꞌchdhaꞌ am nap sap pɨk baꞌ panaas aap jir diꞌ gu Juan jaꞌtkam bopkondam nat giop buus duadɨk mu dɨr na mɨt paiꞌ yaas. Jaiꞌm baꞌp kaiꞌchdhaꞌ ɨp nap sap aap jir diꞌ gu Eliiyas guiꞌ na bɨjɨk bhaankamuꞌn gu Dios ya jaꞌp tu ja aꞌgidhimɨk gu jaꞌtkam gio yaꞌp ba ai. Jaiꞌm baꞌp kaiꞌchdhaꞌ ɨp nap sap maadɨt pɨx jir diꞌ guiꞌ nam puiꞌ bhaankamuꞌn gu Dios ya jaꞌp jup tu ja aꞌgidhimɨk gu jaꞌtkam bɨjɨk, dai nat duadɨk giop ba buus mu dɨr nam paiꞌ yassap.