LUUKAS 9:50 - Tepehuano Tepehuán del Sureste (Durango)

⁵⁰ Baꞌ gu Jesuus jup tɨtda: ―¿Jax ku pimɨt baꞌp sooꞌmchulh? Jax dhui nach bɨɨm jup tuiꞌñgɨdaꞌ puiꞌ ji chuꞌt gu jaroiꞌ noꞌ cham bhaamut jich aaꞌ.

LUUKAS 9:50 ပူးပေါင်းရင်းမြစ်များ

MATEO 12:30

’Gio puiꞌ na jax gu jaꞌtkam jɨꞌk gook noꞌm mu paiꞌ tu or noꞌm cham maaꞌn ñiꞌook jup duuk. Baꞌ maaꞌn noꞌ bɨɨx gaamuim guiꞌ na jɨꞌk oraidhaꞌ, dhiꞌ jaꞌp ji buusniaꞌ na tu ja aꞌgidhaꞌ gu jaꞌtkam nañ jax jaꞌk ɨlhiiꞌñdhaꞌ aañ. Guꞌ baꞌ gu jumai noꞌ maiꞌ xi iabuidhat guiꞌ na jɨꞌk tɨip oraidhaꞌ, dhiꞌ jaꞌp jup ji buusniaꞌ na cham jɨꞌxkat puiꞌ tu ja aꞌgidhaꞌ gu jaꞌtkam nañ aañ jax jup ɨlhiiꞌñdhaꞌ, guꞌ jaꞌkbuiꞌ kat maakam xi ja iatgiꞌñdhaꞌ ji na dɨɨlh jax jup ɨlhiiꞌñdhaꞌ. Dhiꞌ baꞌ jaꞌp jup ji buusandaꞌ na cham maaꞌn ñiꞌook jup duuk aañ jiñ bui.

MATEO 17:24

Baꞌ nat paiꞌ dhuuk mummɨ jaꞌk jup ba ai gu Jesuus na paiꞌr Kapernaum ja bɨɨm guiꞌ nam kaichuꞌ, miꞌ ba ji bubua mɨt buiñor gu Peegro guiꞌ nam tu taandaꞌ gu tuumiñ na jɨꞌk aagix nam tu maakdaꞌ bhammɨ gɇꞌ chiop. Baꞌ jaꞌpni bhaiꞌ ba tɨkka am: ―¿Tu namkiꞌñ aa guiꞌ na pim kaichuꞌ na jɨꞌk bhaan bipioꞌ gu gɇꞌ chiop?

MATEO 17:26

Baꞌp kaiꞌch gu Peegro: ―Dho guiꞌ dho nam jir momkoran kam. Baꞌp tɨtda ɨp gio gu Jesuus: ―Jir puiꞌ dho nap jax kaiꞌch, guꞌ baꞌ guiꞌ nam jir ja jaꞌtkam tuk tɨi cham tuꞌ aagix nam ja namkiꞌñdhaꞌ gɨt.

MAARKOS 9:38

Baꞌ bhaiꞌ ji ñio gu Juan, jup kaiꞌch: ―Aañ chɨi xim tɨkkam na chich maaꞌn tɨɨ gu maaꞌnkam nam aꞌmkam maiꞌ ja jootos gu cham kɨkɨɨꞌ iꞌiiꞌmdaꞌ ja aꞌm dɨr gu jaꞌtkam. Aach baꞌ xi sooꞌmcholhdhak, na guꞌ cham jich bɨɨm oirɨ.

MAARKOS 9:41

Baꞌ gu jaroiꞌ noꞌt tu jam maa gu koiꞌ, piam sia dai suudaiꞌ noꞌt jam toiꞌ, noꞌx maat na pim jiñ kaichuꞌ, tuꞌ sɨlhkam kɨꞌn jañ yaꞌ pu jam tɨɨdaꞌ, dhiꞌ bhaan ba tɨ nɨiꞌñdhaꞌ guñ Gɨꞌkoraꞌ.

LUUKAS 11:23

’Na guꞌ gu jaroiꞌ noꞌ cham puiꞌp ɨlhiiꞌñ nañ aañ jax ɨlhiiꞌñdhaꞌ, dhiꞌ bhaan jix maatɨꞌ kaꞌ na xiñ bhaamkiꞌñdhaꞌ. Gio gu jaroiꞌ noꞌ cham jiñ palhbuiꞌñ nañ tu jumpaꞌndaꞌ, dhiꞌ bhaan jix maatɨꞌ kaꞌ ɨp na jaꞌkbuiꞌ kat tɨ jɨꞌdɨlhkaꞌndaꞌ.

LUUKAS 16:13

’Gio guꞌ na pim jax bax maat na cham jir am na gu jax chuꞌm tujuandam gok kap tu juandaꞌ maaꞌn jimdam, na guꞌ cham tuꞌ bɨɨx gook jix bhaiꞌ tu ja juañdhaꞌ, jumai dho pɨx jup bhaamkidhaꞌ gu jaroiꞌ na buiñor tu juandaꞌ, mɨkkat jumai ɨp, miꞌ pum buadaꞌ. Dhiꞌ jaꞌp jañ kaiꞌñkam jup kaiꞌch na cham bhaiꞌ miꞌ puiꞌ jimdaꞌ gu jaroiꞌ na jax jix aaꞌ gu Dios, noꞌ daix chu aaꞌ na gɨt xi chu biaꞌkaꞌ gux dhaꞌram namkɨm na yaꞌ dhi oiꞌñgaꞌn jix chu jaiꞌch.

1 KORIINTO KAM 12:3

Guꞌ baꞌ xib na pim ba tɨ jɨɨgiꞌñ buiñor guch Xoiꞌkam, jam aꞌm bap tuiꞌdhiꞌ gux Dhuuduꞌ kam jix Uañ Iiꞌmdaꞌ. Dhiꞌ baꞌ puiꞌ jam jurtuꞌnkaꞌ na pim cham bhaamut ka aaꞌndaꞌ guch Xoiꞌkam, puiꞌ pɨx jaꞌk ba jam jurtuꞌn nar jam gɇꞌkam tuk, na guꞌ bɨxchuꞌx bhaaiꞌ na pu tu duñiaꞌ gux Dhuuduꞌ kam jix Uañ Iiꞌmdaꞌ.