Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




LUUKAS 9:31 - Tepehuano Tepehuán del Sureste (Durango)

31 Aagiꞌñ am baꞌ gu Jesuus nam jax chuꞌt tulhiiñchudai muꞌaaꞌ gu jaꞌtkam bhaiꞌ Jerusaleen.

အခန်းကိုကြည့်ပါ။ ကော်ပီ




LUUKAS 9:31
14 ပူးပေါင်းရင်းမြစ်များ  

Baꞌ puiꞌ xi ja tɨɨdak jup ja tɨtda ɨp: ―Aañ matgɨm giilhim kañ chulhiiñaꞌ ji gatuuk. Xiñ bhaamkidhaꞌ am gu ja gɇꞌgɇrkam tuk gu Israel kam jaꞌtkam, gio guiꞌ nam sap jix mat kaꞌ gu ñioꞌkiꞌñ gu Dios, gio guiꞌ nam ja aꞌmkam tu daandaꞌ dai gu Israel kam jaꞌtkam. Tu chiñiaꞌ am nam jiñ muꞌaaꞌ, ku guꞌ aañ baik tanoolh kɨꞌn yaaꞌ ji nañ jax ba oirɨdaꞌ.


Miꞌ dhɨr baꞌ miꞌ bam maax jamɨt gook gu jaꞌtkam bɨxxik dɨr na paiꞌp tuꞌiiꞌ, puiꞌ joidham jix aꞌbhar jup totnor gu ja tɨiꞌdharaꞌ, joidham jaꞌx xikoolh tum tanoor miꞌ nam jɨꞌx guguuk, jir diꞌ gu Eliiyas gio gu Moisees.


Baꞌ buimgidhak miꞌ ba ai gu Jesuus na paiꞌ ja bopkon suudaiꞌ kɨꞌn gu jaꞌtkam gu Juan. Baꞌ nat ba tɨɨ gu Juan na muiꞌ ba jim gu Jesuus, jup ja tɨtda gu jaꞌtkam: ―Dhiꞌñir diꞌ na muni dhɨr bhaiꞌ ba jim guiꞌ nat Dios bha joot nach aꞌmkam mukiaꞌ bɨɨx na jɨꞌk jaꞌtkam yaꞌ dhi oiꞌñgaꞌn, na baꞌ puꞌñi dhuuji tu namkix kaꞌ guch uaꞌtulhdharaꞌ. Dhiꞌ puiꞌ ji buusan na jax maaꞌn gux kɨɨꞌ kasnir, na guꞌm makgartaꞌ gatuuk.


Puiꞌ na jax aach na guꞌ cham tuꞌ tuꞌ kach iiñ guch buibas, puiꞌ pɨx baꞌ maaxik gɇꞌ tanoor ich, na guꞌch aꞌm jum maaxiꞌñ gu Dios na jax jir tuꞌm kam. Gammɨjɨch jix ioꞌm puiꞌch dhuñiim na jax jir tuꞌm kam gu Dios, na guꞌch Xoiꞌkam pɨx nap tu duiñchuꞌ, na guꞌr dhiꞌ pɨx gux Dhuuduꞌ kam jix Uañ Iiꞌmdaꞌ.


Baꞌ yaꞌch pataaxdhai guch chutkuꞌ na cham kɨɨꞌ, puiꞌ jaꞌk duñiaꞌ na jax dɨɨlh gu tukgaꞌn na joidham tanoor, na guꞌ bɨxchuꞌx aichuꞌn na pu tu duñiaꞌ, sia tuꞌ na pɨx cham xijai kam ɨlhiiꞌñ, na guꞌx ioꞌm jir gɇꞌkam.


Guch Xoiꞌkam pɨx jir jam iiꞌmdaꞌ aapiꞌm, na guꞌ na paiꞌ dhuuk maaxik jam buim maaxdhaꞌ, aapiꞌm puiꞌ buiñor jup jum maaxdhaꞌ, baꞌ dai na pim buiñor jaꞌk ji aayaꞌ, gammɨjɨ pim baꞌ pu buiñor bap tuiꞌkaꞌ na paiꞌ dhɨr jix ioꞌm jir gɇꞌkam.


Gio gu Josee puiꞌ ɨp, bɨɨx juraaꞌn kɨꞌn jix biiñak kat buiñor gu Dios. Puiꞌ ku baꞌ janoꞌ nat pu ba ji muu, na pu palhɨɨp pɨx ba ñiok, jup xi ja tɨɨdak gu jajaaꞌnniꞌñ na sap jɨꞌkchi oidhaꞌ kɨꞌn gu Dios ja palhbuidhaꞌ nam bubuakiaꞌ miꞌ dhɨr Ejipto. Baꞌp xi ja tɨɨdak nam sap xi bhɨɨji gu tukgaꞌn noꞌ mɨt ba jii miꞌ dhɨr, na guꞌ bɨɨx juraaꞌn kɨꞌn tɨ jɨɨgiꞌñdhaꞌ na puiꞌ tu kuugalhdhaꞌ gu Dios jax noꞌt ba tɨi.


Ku baꞌ guꞌ aapiꞌm cham jax jum aaꞌndaꞌ ji jiñ jaaduñ, na guꞌ nañ jax ba jam tɨtda na sia ku pim palhɨɨp jum tulhiiñ yaꞌ dhi oiꞌñgaꞌn, gatuuk joidham jix bhaiꞌ tu jam jimiaꞌ. Na guꞌ gu Dios guiꞌ na joidham jir jix bhaiꞌkam jam baidhikaꞌ jix dhaam jaꞌk na pim paiꞌ gammɨjɨ joidham jix jɨkgɨm bap tuiꞌkaꞌ. Gio na guꞌ noꞌ pim moo muiꞌ xix biiñak pɨx buiñor gu Dios, gammɨjɨ jam aꞌm tɨ nɨidhidhat jam palhbuiꞌñchuꞌndaꞌ, gam na jam guguuxiꞌñdhaꞌ na pim jɨꞌx yaꞌ kapup oipo na baꞌ cham pɨk moo xiꞌx buam xi chu tatdaꞌ kaꞌ noꞌ pim jum tulhiiñ, na pim guꞌ aapiꞌm ba tɨ jɨɨgiꞌñ buiñor guch Xoiꞌkam.


Puiꞌ kuñ baꞌ tɨiñ dhɨkooꞌñdhatuꞌ nañ tu jam aꞌgiꞌñ dhiꞌ puiꞌ nañ jax ba jam tɨtda na pim baꞌx bhaiꞌ machiaꞌ, na baꞌ sia ku ñich aañ am xi muu, aapiꞌm tɨꞌñchokat puiꞌ na pim jax miꞌ puiꞌ jiimdaꞌ na jax jix aaꞌ guch Gɨꞌkoraꞌ.


Baꞌ aañ jup tɨtda: ―Cham ji nañ maat. Noꞌ pich miꞌ dhɨr iam jiñ aaꞌñ jiñ jaduuñ nap jix maat. Baꞌ guiꞌ xiñ aagiꞌñ ɨp, jup jiñ chɨtda: ―Jir diꞌ am dho guiꞌ nam giilhim jum tulhiiñaimɨk mu jaꞌp oiꞌñgaꞌn bhaan nam duduakat gu ja tutkuꞌ bhaan, gio nam gammɨjɨ pux biiñak kat buiñor gu Dios siam jum tulhiiñ. Baꞌ xib yammɨ jaꞌk bap tuꞌiiꞌ am jix bhaiꞌm taatɨt, nat guꞌ bɨɨx dappaam tu ja uañ gu ja uaꞌtulhdharaꞌ guch Xoiꞌkam, dhiꞌ na jaꞌp ji buusan na gux kɨɨꞌ kasnir, kɨꞌn gu ɨꞌraꞌn nat jaax bhaan gu kuruus, na mɨt guꞌ soiꞌm ɨlhdhak tɨ jɨɨꞌñ buiñor.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ