LUUKAS 9:19 - Tepehuano Tepehuán del Sureste (Durango)

¹⁹ Baꞌ maadɨt jup tɨtda: ―Dho jɨꞌmaꞌn jup kaiꞌchdhaꞌ am nap sap pɨk baꞌ panaas aap jir diꞌ gu Juan jaꞌtkam bopkondam nat giop buus duadɨk mu dɨr na mɨt paiꞌ yaas. Jaiꞌm baꞌp kaiꞌchdhaꞌ ɨp nap sap aap jir diꞌ gu Eliiyas guiꞌ na bɨjɨk bhaankamuꞌn gu Dios ya jaꞌp tu ja aꞌgidhimɨk gu jaꞌtkam gio yaꞌp ba ai. Jaiꞌm baꞌp kaiꞌchdhaꞌ ɨp nap sap maadɨt pɨx jir diꞌ guiꞌ nam puiꞌ bhaankamuꞌn gu Dios ya jaꞌp jup tu ja aꞌgidhimɨk gu jaꞌtkam bɨjɨk, dai nat duadɨk giop ba buus mu dɨr nam paiꞌ yassap.

LUUKAS 9:19 ပူးပေါင်းရင်းမြစ်များ

MATEO 14:2

Baꞌp ja tɨtda guiꞌ nam maap miꞌr gɇꞌgɇrkam kaꞌ: ―¿Jir diꞌ dho bak jia gu Juan jaꞌtkam bopkondam nat duadɨk giop ba bam mu dɨr koiꞌñgaꞌn tɨr? Puiꞌ ku baꞌ puiꞌ joidham jix bhaiꞌm duukam jup tu bua.

MATEO 3:1

Baꞌ janoꞌ mu jaꞌp gampɨx jix chu gak kɨr guiꞌ na bhaan bipioꞌ gu Judea dɨbɨɨr, pɨx ba kaiꞌñkaꞌ gu Juan jaꞌtkam bopkondam na oirɨt tu ja aꞌgiꞌñdhaꞌ gu jaꞌtkam,

MAARKOS 6:14

Baꞌ gu Eroodis guiꞌ nar gɇꞌkam kaꞌ puiꞌ ba tɨ kai na mu paiꞌ oirɨt jix bhaiꞌ tu bua gu Jesuus, nam guꞌ pɨx jaꞌx puiꞌ tu aꞌga gu jaꞌtkam. Baꞌp kaiꞌchdhaꞌ: ―Dhiꞌ bak gu Juan jaꞌtkam bopkondam gio duadɨk jup ba buus mu dɨr koiꞌñgaꞌn tɨr, puiꞌ ku baꞌx ioꞌm jix bhaiꞌ ba tu buim gu tuꞌ nax bhaiꞌr jum duukam.

MAARKOS 6:15

Jaiꞌp kaiꞌchdhaꞌ am: ―Jaꞌpji Eliiyas ji chi, guiꞌ nat saak maaxik tɨs jix dhaam jaꞌk. Jaiꞌ maakam jup kaiꞌchdhaꞌ am: ―Jaꞌpji chi maadɨt pɨx jir diꞌ guiꞌ nam bɨjɨk ya jaꞌp bhaankam tu aꞌgimɨk gu Dios.

LUUKAS 9:18

Maaꞌnnim gu Jesuus maaꞌn kap dɨlhkob xi chu dañiimɨk jix dhaam jaꞌk buiñor gu Dios na baꞌ miꞌ dhɨr jup ja tɨtda guiꞌ nam kaichuꞌ nam jup oiꞌñchuꞌ: ―¿Jax jam kaiꞌchdhaꞌ gu jaꞌtkam na pim ja kɇɇkɇꞌ? ¿Jarooñ sap daꞌ? ¿Paañ sap dɨr jaꞌk jim?

LUUKAS 9:20

Baꞌ dɨɨlh jup xi ja tɨkka gu Jesuus, jup ja tɨtda: ―Aapiꞌm gi, ¿xiñ maat japim aa nañ jir jaroiꞌ dhaꞌ gio nañ paiꞌ dhɨr jaꞌk jim? Baꞌp kaiꞌch gu Peegro: ―Dho aap jir diꞌ guch Xoiꞌkam nach jaroiꞌ nɨɨrat na bhach joochxidhaꞌ gu Dios jix dhaam dɨr.

JUAN 1:21

Baꞌ giop xi chɨkka am jix bhaiꞌ pɨx na sap baꞌ ja aagiꞌñdhaꞌ, jup tɨtda am: ―¿Jaꞌp moo gux gɨꞌm jir tuꞌp tuꞌm daꞌ ap jiñ jaduuñ? ¿Kaꞌ aap aar diꞌ gu Eliiyas guiꞌ na saak bɨjɨk ya jaꞌp bhaankamuꞌn tu aꞌgimɨk guch Gɨꞌkoraꞌ nat saak bɨɨx tukgaꞌn bɨnkam baidhak jix dhaam jaꞌk? Baꞌ gu Juan jup ja tɨtda: ―Cham tuꞌr diꞌ iñ, jir jumai iñ ji aañ. Baꞌ gio bhaiꞌp ji chɨkka mɨt, jup tɨtda am: ―¿Kaꞌ aap aar diꞌ guiꞌ na saak jaiꞌchdhɨlhiaꞌ gatuuk na bhaankamuꞌn jup tu aꞌgaꞌ guch Gɨꞌkoraꞌ jaꞌp na jax gu bɨjɨk dɨr kam? Baꞌp ja tɨtda: ―Chaam. Jir jumai iñ ji matgam.

JUAN 1:25

jup tɨtda am ɨp gio gu Juan: ―Jaꞌpnich baꞌ tɨip kaiꞌchɨt jiñ jaduuñ nap jich aagiꞌñdhaꞌ na jax jir jum duukam nap baꞌ ja bopkon suudaiꞌ kɨꞌn dhi jaꞌtkam, nap puiꞌ saak cham jir diꞌ guch Xoiꞌkam, ni gu Eliiyas, nix chuꞌ gu jumai na saak jaiꞌchdhɨlhiaꞌ.

JUAN 7:40

Baꞌ jaiꞌ dhɨt mɨjɨ jaꞌp sasgidhan jup kaiꞌch am na mɨt kai na puiꞌ jɨꞌ ja tɨtda gu Jesuus: ―Dhiꞌ dho bak jir diꞌ na saak jaiꞌchdhɨlhiaꞌ na bhaankamuꞌn jup ba tu aꞌga guch Gɨꞌkoraꞌ jaꞌp na jax saak gu bɨjɨk dɨr kam.

JUAN 9:17

Baꞌ xi chɨkka am ɨp gio guiꞌ na cham ñia kat, jup tɨtda am: ―¿Aap gi jax ɨlhiiꞌñ jiñ jaduuñ? ¿Tuꞌ chir jup tuꞌm daꞌ gu jaroiꞌ nat puiꞌm duaꞌñ nap cham ñiakat? Baꞌ guiꞌp ja tɨtda: ―Aañ ɨlhiiꞌñ na dhiꞌ bhaankamuꞌn jup ba tu aꞌga guch Gɨꞌkoraꞌ jaꞌp na jax saak gu bɨjɨk dɨr kam nam bhaankamuꞌn tu aꞌgimɨk.