LUUKAS 7:42 - Tepehuano Tepehuán del Sureste (Durango)

⁴² Guꞌ ji na guꞌ cham bhaaiꞌ nam jax dhui ka namkidhaꞌ gatuuk, puiꞌ baꞌ max ja joiꞌgɨlh guiꞌ nat ja taiñbui, jup ja tɨtda na puiꞌ ba tuiꞌkaꞌ, cham kam aaꞌ nam namkiꞌñdhaꞌ. ¿Baꞌ jaroop ɨlhiiꞌñ nat jix ioꞌm jix bhaiꞌm ɨlh gu gook jaꞌtkam nam tu uaꞌtdat, guiꞌ aa nax ioꞌm muiꞌ tu uaꞌtdat, kaꞌ guiꞌ aa na gook alh?

LUUKAS 7:42 ပူးပေါင်းရင်းမြစ်များ

MATEO 18:27

Baꞌ gu gɇꞌkam jix joiꞌmdak ma kai, puiꞌ cham ka juan sia ku uaꞌtuꞌn, dai nat ba tu chia nam giop doꞌñchoꞌ.

MATEO 18:34

Baꞌ bhaamuk tu chia gu gɇꞌkam nam tulhiiñchudaꞌ na baꞌ namkidhaꞌ ɨp gio guiꞌ nat jɨꞌk puiꞌ tɨi ba tɨɨdak na cham ka namkidhaꞌ gɨt.

MATEO 6:12

Gio baꞌ nap iam tuch uañiꞌñkaꞌ ɨp nach jɨꞌx mach uaꞌtulhdhaꞌ aap jum bui, nach guꞌ aach puiꞌp tu ja uañiꞌñ guiꞌ nam puiꞌp jum uaꞌtulhiꞌñ aach jich bui.

LUUKAS 7:43

Baꞌp kaiꞌch gu pariseo: ―Aañ ɨlhiiꞌñ na guiꞌ nax ioꞌm muiꞌ tu uaꞌtdat. Baꞌ gu Jesuus jup tɨtda: ―Jir puiꞌ dho nap jax kaiꞌch.

ROOMA KAM 3:24

Guꞌ ji na guꞌ joidham jix chu joiꞌgɨꞌn gu Dios, baꞌ puiꞌ jaꞌk duu na gu jaroiꞌ na soiꞌm ɨlhdhai buiñor ba tɨ jɨɨꞌñdhaꞌ guch Xoiꞌkam, dhiꞌ ba uañchudhix kaꞌ gu uaꞌtulhdhargaꞌn, baꞌ miꞌ dhɨr dai nax joiꞌmdat bhaan ba tɨ nɨidhidhaꞌ. Gio puiꞌ pɨx na tu uañdhaꞌ, cham tuꞌ gu tuꞌ na jax dhuñiaꞌ nar jix bhaiꞌm duukam.

ROOMA KAM 5:6

Pu cham bhaaiꞌn kaꞌ gɨt guꞌ nach jax dhuich palhbuidhaꞌ dɨɨlh puiꞌ nach jax giilhim jix uꞌuaꞌtulhdhix, guꞌ ji nat guꞌ guch Xoiꞌkam yaꞌ ma ai nat paiꞌ dhuuk gu Dios dɨɨlh tu dai, baꞌ siamrich aꞌmkam ma muu nach jix uaꞌtulhdhix, giilhim jix buam tu jim ich guꞌ.

GALAASIA KAM 3:10

Guꞌ baꞌ guiꞌ nam jɨꞌk miꞌ puiꞌ jiimdaꞌ na jɨꞌk jax tu aagix guiꞌ nat Moisees tu uaꞌnak nam puiꞌ jim aagɨt na gɨt dhiꞌ kɨꞌn jix bhaiꞌ tu ja jimiaꞌ, dhiꞌ cham tuꞌ bhaiꞌ tu ja jimiaꞌ. Na guꞌ jaꞌpnim kaiꞌch: “Baꞌ gu jaroiꞌ na cham bɨɨx puiꞌ tu duñiaꞌ na jɨꞌk jax tu aagix dhiꞌ na ba tu uaꞌñix, gu Dios puiꞌ tɨꞌyaꞌ na dhiꞌm tulhiiñaꞌ sia pɨk nar jax kaꞌ gɨt. Siat chi moo maaꞌn kap pɨx cham am bua, na guꞌ jaꞌp ji buusniaꞌ na pu bɨɨx maaꞌn jimdam cham am buaꞌ na jɨꞌk jax tu aagix kaꞌ.”

EEPESO KAM 1:7

Gɇꞌkam kɨꞌn xich joiꞌmdak puiꞌ tu duu gu Dios na dai pɨx gu ɨꞌraꞌn gu Maraaꞌn nat jaax, dhiꞌ kɨꞌn pu bach uañ guch uaꞌtulhdharaꞌ, baꞌ cham tuꞌ mu jaꞌk ka jiim ich nach paiꞌ gammɨjɨ miꞌ pup jich chulhiiñdhaꞌ gɨt.

EEPESO KAM 4:32

Bar jix bhabhaiꞌkam kaꞌ pim pɨx, jix ja joiꞌmdat japim jix bhaiꞌ xi ja buaꞌt gu jaiꞌ. Xi chum uꞌuañdhat japim noꞌ pimɨt tuꞌ cham am bua, puiꞌ nat jax xi jam joiꞌmdak tu jam uañ gu Dios bhaankam guch Xoiꞌkam.

KOLOOSAS KAM 3:13

Xi ñakooꞌndaꞌ pim noꞌt jaroiꞌ maadɨt tuꞌ cham am bua jam bui, cham tuꞌ na pim tukgɨi puiꞌp doodaꞌ. Tu uañiꞌñkaꞌ pim pɨx, jaꞌp na jax guch Xoiꞌkam nat tu jam uañ na pim buiñor jix uꞌuaꞌtulhdhix kat.