LUUKAS 7:16 - Tepehuano Tepehuán del Sureste (Durango)

¹⁶ Baꞌx chootoꞌn jamɨt bɨɨx gu jaꞌtkam nam jɨꞌk miꞌp tuꞌiiꞌ nam tɨ nɨiꞌñ, xi gɇꞌkamtuꞌn am gu Dios jup ji kaiꞌchɨt: ―Dhiꞌ bak bhaankam ya oirɨ gu Dios, gɇꞌkam kɨꞌn bhaan tɨ nɨidhim baꞌ. Tɨɨꞌ na jax bɨxchuꞌx bhaaiꞌ na pu tu duñiaꞌ. Gio baꞌ jaꞌpnip kaiꞌch am: ―Yaꞌ ba ai gu Dios nat bha ja palhbuidham gu jaꞌtkam tugiꞌñ.

LUUKAS 7:16 ပူးပေါင်းရင်းမြစ်များ

MATEO 15:31

Baꞌ gu jaꞌtkam nam jɨꞌk miꞌp tuꞌiiꞌ, miꞌ puiꞌ pup tuꞌiiꞌ am na mɨt ja tɨɨ na mɨt bhaiꞌ ji chu ñiokcha guiꞌ nam cham tu ñiokdat, gio guiꞌ nam jix muuk tu noonob kat na mɨt jix kɨkɨɨꞌp jum duu, gio guiꞌ nam jix mamaꞌmkulhiꞌ kat nam cham tu oipodat, gio guiꞌ nam cham ñiññia kat. Baꞌ bɨɨx dhɨt bhaiꞌ ji chu daanɨ mɨt buiñor gu Dios, nam guꞌx bhaiꞌm taat gu dhiꞌ puiꞌ jɨꞌ na mɨt jax tɨ tɨɨ.

MATEO 21:11

Baꞌ jaiꞌ dhɨt jup kaiꞌch am: ―Dho dhiꞌ dhor diꞌ gu Jesuus guiꞌ na bhaankamuꞌn tu aꞌga gu Dios, guiꞌ na mummɨ kio Nasareet guiꞌ na miꞌ bipioꞌ na paiꞌ jax jir Galilea.

MATEO 28:8

Baꞌ gu uꞌuub jotmodaꞌ na mɨt jax bubua mɨjɨ dɨr na paiꞌ ka yaaspich gu Jesuus, xi boop jamɨt na mɨt ja aaꞌñdham gu noonbiꞌñ ji giꞌbokidhat nam guꞌ puiꞌp jix chotdontuꞌ, ku guꞌx bhaiꞌm taattuꞌ am ji.

MATEO 9:8

Baꞌ bɨɨx miꞌ puiꞌ pup tuꞌiiꞌ am gu jaꞌtkam na mɨt puiꞌ jɨꞌ tɨ tɨɨ, na mɨt guꞌ bax chootoꞌn. Miꞌ dhɨr baꞌ dai na mɨt ma tu daanɨ buiñor gu Dios, nam guꞌ cham jɨꞌxkat jaroiꞌ puiꞌ nɨidhat na tu duduadhiꞌñ.

LUUKAS 1:65

Baꞌ giilhim jix chootoꞌn jamɨt guiꞌ nam miꞌp tuꞌiiꞌ, gio naiꞌ jaꞌp pɨx puiꞌ tɨm tɨi nat jax tum duu na jɨꞌx jir jujukgam na Judea dɨbɨɨr bhaan bipioꞌ.

LUUKAS 1:68

¡Jaꞌp moor jix bhaiꞌkam ji tuꞌ sɨlhkam kɨꞌn gu Gɇꞌkam Dios! Tɨɨꞌ nat moo bha jii yaꞌ ja bui gu jaꞌtkam tugiꞌñ Israel kam na baꞌ yaꞌ ja uañdhaꞌ gu ja uaꞌtulhdharaꞌ.

LUUKAS 19:44

Dhi ja baꞌbhak pu cham jɨꞌk tuukdhixim biꞌyaꞌ gu joodai, na guꞌ gu ja gɇꞌgɇrkam tuk gu Israel kam jaꞌtkam nar ja kuiñcha kaꞌ nam cham aagaꞌ nam miꞌ puiꞌ jimiaꞌ na jax jaꞌk gɨt jix joiꞌmdai ja palhbuidhaꞌ gu Dios.

LUUKAS 2:20

Baꞌ ba jii mɨt ɨp gio gu kakasnir bipiaꞌdam xi gɇꞌkamtudidhat gu Dios, xi laalagidhat am jɨꞌx gu alabaaꞌn, jix bhaiꞌm taattuꞌ am guꞌ na mɨt puiꞌ tɨ tɨɨ na jax ja aagiꞌñ gu nobiiꞌñ gu Dios.

LUUKAS 24:19

Baꞌp tɨtda gu Jesuus: ―¿Tuꞌ gi jax jum duu? Baꞌp tɨtda am: ―Dho gu Jesuus Nasareet kam kat na bhaankam gu Dios tu ja aꞌgidhat gu jaꞌtkam. Bɨxchuꞌx bhaaigɨt na pu tu duñiaꞌ na ni jaroiꞌ ku cham jɨꞌxkat pu tu duñiaꞌ sia chi pɨk jax chuꞌm gɇꞌkam kaꞌ gɨt, na guꞌ guiꞌ bhaan tɨ nɨidhidhat guch Gɨꞌkoraꞌ.

LUUKAS 5:26

Baꞌ giilhim jix chootoꞌn jamɨt bɨɨx, miꞌ puiꞌ pup tuꞌiiꞌ am. Jup kaiꞌch am soiꞌm ɨlhdhat buiñor gu Dios: ―Xib jachich dho gi baꞌ ma tɨ tɨɨ ji nach tuꞌ cham paiꞌ dhuuk pu chuꞌm tɨ nɨidhat.

LUUKAS 5:8

Baꞌ gu Simoon Peegro mi jaꞌp oꞌlhiaꞌn kɨꞌn xi kɨkbok jup tɨtda gu Jesuus: ―Cham jir am nañ jum bɨɨm oirɨdaꞌñ jaduuñ, nañ guꞌ aañ giilhim jix uaꞌtulhdhix.

LUUKAS 7:15

Baꞌ bhaiꞌ sɨlh ji dhaibu gu alhii biapmaꞌ, ba tu aꞌga mi dhaakat. Baꞌ gu Jesuus xi aagiꞌñ gu dɨꞌɨɨꞌn na mi jaꞌp kɨɨk.

LUUKAS 7:39

Baꞌp jum aaꞌ gu pariseo juraꞌram bhaan: “Noꞌ sɨlhkam baabuiꞌ puiꞌ bhaankam ya oirɨ gu Dios dhi jaduuñ, ¿cham aa moox mat kaꞌ gɨt na jax jir tuꞌm dhi ubii na mi dhaꞌngɨ tootnaram? Giilhim jix uaꞌtulhdhix.”

LUUKAS 8:37

Baꞌ soiꞌ tɨɨdak ba joot jamɨt gu Jesuus bɨɨx guiꞌ nam jɨꞌk miꞌp tuꞌiiꞌ nam Geraasa dɨbɨɨr bhaan oiꞌdhaꞌ, nam guꞌ bax ɨɨbhiꞌñ. Baꞌ gu Jesuus nat jax bhaiꞌp tɨs kanuub taꞌm ba jii, gaammɨjɨ ji dhuu.

LUUKAS 9:19

Baꞌ maadɨt jup tɨtda: ―Dho jɨꞌmaꞌn jup kaiꞌchdhaꞌ am nap sap pɨk baꞌ panaas aap jir diꞌ gu Juan jaꞌtkam bopkondam nat giop buus duadɨk mu dɨr na mɨt paiꞌ yaas. Jaiꞌm baꞌp kaiꞌchdhaꞌ ɨp nap sap aap jir diꞌ gu Eliiyas guiꞌ na bɨjɨk bhaankamuꞌn gu Dios ya jaꞌp tu ja aꞌgidhimɨk gu jaꞌtkam gio yaꞌp ba ai. Jaiꞌm baꞌp kaiꞌchdhaꞌ ɨp nap sap maadɨt pɨx jir diꞌ guiꞌ nam puiꞌ bhaankamuꞌn gu Dios ya jaꞌp jup tu ja aꞌgidhimɨk gu jaꞌtkam bɨjɨk, dai nat duadɨk giop ba buus mu dɨr nam paiꞌ yassap.

JUAN 1:21

Baꞌ giop xi chɨkka am jix bhaiꞌ pɨx na sap baꞌ ja aagiꞌñdhaꞌ, jup tɨtda am: ―¿Jaꞌp moo gux gɨꞌm jir tuꞌp tuꞌm daꞌ ap jiñ jaduuñ? ¿Kaꞌ aap aar diꞌ gu Eliiyas guiꞌ na saak bɨjɨk ya jaꞌp bhaankamuꞌn tu aꞌgimɨk guch Gɨꞌkoraꞌ nat saak bɨɨx tukgaꞌn bɨnkam baidhak jix dhaam jaꞌk? Baꞌ gu Juan jup ja tɨtda: ―Cham tuꞌr diꞌ iñ, jir jumai iñ ji aañ. Baꞌ gio bhaiꞌp ji chɨkka mɨt, jup tɨtda am: ―¿Kaꞌ aap aar diꞌ guiꞌ na saak jaiꞌchdhɨlhiaꞌ gatuuk na bhaankamuꞌn jup tu aꞌgaꞌ guch Gɨꞌkoraꞌ jaꞌp na jax gu bɨjɨk dɨr kam? Baꞌp ja tɨtda: ―Chaam. Jir jumai iñ ji matgam.

JUAN 1:25

jup tɨtda am ɨp gio gu Juan: ―Jaꞌpnich baꞌ tɨip kaiꞌchɨt jiñ jaduuñ nap jich aagiꞌñdhaꞌ na jax jir jum duukam nap baꞌ ja bopkon suudaiꞌ kɨꞌn dhi jaꞌtkam, nap puiꞌ saak cham jir diꞌ guch Xoiꞌkam, ni gu Eliiyas, nix chuꞌ gu jumai na saak jaiꞌchdhɨlhiaꞌ.

JUAN 4:19

Baꞌp kaiꞌch ɨp gio gu ubii: ―¿Jax jap duukat jix bhaiꞌx maat jiñ jaduuñ? Aap ji bak bhaankamuꞌn jup ba tu aꞌga jia guch Gɨꞌkoraꞌ jaꞌp na jax saak gu bɨjɨk dɨr kam nam bhaankamuꞌn tu aꞌgimɨk.

JUAN 6:14

Baꞌ gu jaꞌtkam na mɨt tɨɨ nat puiꞌ jɨꞌ tu duu gu Jesuus, jup kaiꞌch am: ―Dhiꞌ ji bak jir diꞌ guiꞌ na saak bha jimdaꞌ na yaꞌ bhaankamuꞌn tu aꞌgaꞌ guch Gɨꞌkoraꞌ.

JUAN 9:17

Baꞌ xi chɨkka am ɨp gio guiꞌ na cham ñia kat, jup tɨtda am: ―¿Aap gi jax ɨlhiiꞌñ jiñ jaduuñ? ¿Tuꞌ chir jup tuꞌm daꞌ gu jaroiꞌ nat puiꞌm duaꞌñ nap cham ñiakat? Baꞌ guiꞌp ja tɨtda: ―Aañ ɨlhiiꞌñ na dhiꞌ bhaankamuꞌn jup ba tu aꞌga guch Gɨꞌkoraꞌ jaꞌp na jax saak gu bɨjɨk dɨr kam nam bhaankamuꞌn tu aꞌgimɨk.

GU NOONBIꞌÑ GUCH XOIꞌKAM 5:5

Baꞌ nat jax puiꞌ jɨꞌ tɨɨꞌn gu Peegro, mi jaꞌp iarɨk pu gan ji muu gu Ananiiyas. Baꞌ giilhim jix chootoꞌn jamɨt guiꞌ na mɨt jɨꞌk puiꞌ ba tɨ kai.

GU NOONBIꞌÑ GUCH XOIꞌKAM 7:37

Jir diꞌ pɨx ɨp gu Moisees na jaꞌpni ja tɨtda bo gu Israel kam jaꞌtkam: “Gatuuk puiꞌ ba tu duñiaꞌ gu Dios na maaꞌn aapiꞌm jam bui dhɨr ba maaxilhiaꞌ guiꞌ na tu aꞌgadaꞌ bhaankam jaꞌp na jax aañ.”

GALAASIA KAM 1:24

Jix bhaiꞌm taat am sap baꞌ buiñor gu Dios nañ jax jaꞌk bar tuꞌm xib.