LUUKAS 7:13 - Tepehuano Tepehuán del Sureste (Durango)

¹³ Baꞌx joiꞌmdat tɨɨ gu Jesuus gu ubii nax buam jum aaꞌntugɨt suakim, jup tɨtda muiꞌ xi ɇɇk miaꞌn: ―Chaꞌp ka suakdaꞌ.

LUUKAS 7:13 ပူးပေါင်းရင်းမြစ်များ

MAARKOS 8:2

―Jix joiꞌmdat ja nɨiꞌñ iñ dhi jaꞌtkam, na mɨt guꞌ baik tanoolh yaꞌ ba ji juruuñ. Cham ka tu uaꞌ am gu tuꞌ nam jugiaꞌ.

LUUKAS 10:1

Baꞌ mɨkkat baik ooꞌm daman mambhɨɨx gook maap xi ja jumpadak gu Jesuus guiꞌ nam kaichuꞌ, goꞌgok baꞌ mɨjɨ xi ja joot bɨɨpɨꞌ nam tu ja aꞌgiꞌñpuꞌ gu jaꞌtkam gammɨjɨ na paiꞌ jax muiꞌ paꞌ daaꞌñxim jir kikcham na paiꞌ bhɨɨyaꞌ.

LUUKAS 11:1

Maaꞌnnim maaꞌn kap xi jimɨɨk gu Jesuus ma tu daanɨ jix dhaam jaꞌk buiñor gu Dios, bɨɨx jam jup oiꞌñchuꞌ guiꞌ nam kaichuꞌ. Baꞌ nat tɨɨmok na xi chu dañiimɨk, maadɨt miꞌ dhɨr jaꞌp jup tɨtda guiꞌ nam kaichuꞌ: ―Jich aagiꞌñdhaꞌ ap jich jaduuñ nach jax jaꞌk tu daandaꞌx dhaam jaꞌk buiñor gu Dios, jaꞌp nat jax gu Juan jaꞌtkam bopkondam jup ja aaꞌñdhak guiꞌ nam kaichgɨt.

LUUKAS 11:39

Baꞌ gu Jesuus na guꞌx maat na cham juraaꞌn daa gu pariseo, jup tɨtda: ―Jaꞌp moo tɨix uꞌuañ jum ɨlhiiꞌñ japim aapiꞌm na pim pariseos jum tɨɨtɨꞌ. Guꞌ dai daam dɨr na pim tɨi xi ja bopkon gu jam ja jooxiaꞌ gio jam bapaas, ɨrban dɨr jaꞌk guꞌ giilhim mi bhiꞌsap ji gu jam uaꞌtulhdharaꞌ, na pim tɨ ɨɨxiꞌñdhaꞌ gam bɨɨx aixim na pim tu buadaꞌ na tuꞌ cham jir kɨɨꞌ.

LUUKAS 12:42

Baꞌ gu Jesuus jup tɨtda: ―Dho puiꞌ na maaꞌn gu gɇꞌkam ɨp noꞌt mɨk jaꞌk bhɨi na miꞌ xi dhoꞌñchoi maaꞌn gu tujuandam kiaꞌmiꞌñ, na miꞌ ka tu ja maakdaꞌ gu maamraꞌn ganaiꞌ jajaaꞌnniꞌñ na paiꞌ dhuuk jum aajidhaꞌ nam tu kuaꞌdaꞌ.

LUUKAS 13:15

Baꞌ gu Jesuus jup tɨtda: ―Puiꞌ pɨx kaiꞌch ap ji matgɨm. ¿Kux aapiꞌm aa cham jɨꞌxkat iꞌchdhapuꞌ gu jam bhuruꞌxiꞌ piam tuꞌ jam tuuruꞌ noꞌ janoꞌ pɨk giilhim bax chanoom na paiꞌ dhuuk tɨi cham tum juandaꞌ?

LUUKAS 17:5

Baꞌ gu noonbiꞌñ gu Jesuus jup tɨtda am: ―Jich jaduuñ, jich aagiꞌñdhaꞌ ap nach jax jaꞌk jix ioꞌm buiñor jix biiñak kaꞌ gu Dios.

LUUKAS 17:6

Baꞌ gu Jesuus jup ja tɨtda: ―Jax dhui na pu ni palhɨɨp ku pim iam jix biiñak buiñor gu Dios. Kani noꞌ pim sia jaꞌxbuiꞌ buiñor jix biiñak kaꞌ gɨt na jɨꞌx gu kaiꞌñ gu mostaasa, baꞌ noꞌ pim jax tɨtda dhi tua na miꞌñi kɨɨk na dɨɨlh jum takbunai mummɨm daasaꞌ na paiꞌ gɇꞌ suuꞌn gu suudaiꞌ, puiꞌ dhop ji buusniaꞌ gɨt.

LUUKAS 18:6

Baꞌ puiꞌ xi chɨꞌɨɨk jup ja tɨtda ɨp gio guiꞌ nam kaichuꞌ: ―Dho jaña nat siamri dakoo aꞌmkam ma ñio gu gɇꞌkam gu dɨɨlhdhɨm ubii na cham jum jɨɨpiꞌñkaꞌ na pu tɨtdadaꞌ, sia ku guꞌ tɨi cham tuꞌ kaꞌm tɨ nɨiꞌñ guiꞌ gu gɇꞌkam.

LUUKAS 19:8

Baꞌ gu Sakeo xi kɨkbok jup tɨtda gu Jesuus: ―Aañ jaꞌpni ɨlhiiꞌñ jiñ jaduuñ. Bɨɨx nañ jɨꞌk tuꞌ tu biaꞌ, ɨrban juugɨt jañ ja makiaꞌ guiꞌ nam cham tuꞌ biaꞌ ni jɨꞌx. Guꞌ baꞌ noꞌ ñich jaroiꞌ tuꞌ ɨɨx, maakobim jaꞌkbuiꞌñ jaꞌk buidhaꞌ jɨꞌk nañ tɨ ɨɨxdhaꞌ.

LUUKAS 22:61

Baꞌ gu Jesuus jotmodaꞌ mu tɨɨ gu Peegro. Gu Peegro bhaiꞌ pup tɨꞌñcho na pɨn bɨɨpɨꞌ dɨr jup tɨtda gu Jesuus: “Jax dhui nap moo jaꞌxñi baikim puiꞌ pu ba tɨꞌyaꞌ nap cham jiñ maat na kiaꞌpɨx maaꞌnnim ba jiiñkiaꞌ gu takaaruiꞌ.”

LUUKAS 24:3

Baꞌ muiꞌ ji baap jamɨt mɨjɨ ɨrban dɨr. Cham paiꞌ tu jaiꞌch gu tukgaꞌn gu Jesuus na mɨt ba tɨɨ.

LUUKAS 24:34

Baꞌ guiꞌ chakui tu aaꞌ am nam jax jix chu mattuꞌ, dai guiꞌ nam bhaiꞌ pu daraa jup ja tɨtda am: ―Jir sɨlhkam dho bak nat giop dua guch gɇꞌkam tuk. Mu sap paiꞌm maax buiñor dhi Simoon.

LUUKAS 7:12

Nammɨ nam amuub ba aajim na paiꞌr kikcham, gu Jesuus ba tɨɨ maaꞌn gu mukdhaꞌ nam mi jaꞌp ba uaꞌ bakxidhar taꞌm na mɨt ba yaaspam. Daipuꞌ maaꞌn tu mar kat maaꞌn gu dɨlhdhɨm ubii nat muu gu bɨngaꞌn.

LUUKAS 7:14

Miꞌ dhɨr baꞌ mu jaꞌk xi ɇɇk jup xi dhaa gu bakxidharuꞌn gu maraaꞌn nam bhaan uaꞌ nam baꞌ guꞌkuyaꞌ guiꞌ nam mu uaꞌ. Baꞌ guiꞌ xi guguu mɨt ɨp. Baꞌp tɨtda gu mukxikam: ―Alhii biapmaꞌ, aapiꞌ nap muukix, xi bamiiꞌ.

LUUKAS 7:19

jup ja tɨtda nam mu jimiaꞌ na paiꞌ oirɨ gu Jesuus nam tɨkkapuꞌ noꞌ sap sɨlhkam jir diꞌ guiꞌ na saak bha jootsaꞌ gu Dios jix dhaam dɨr, piam ku guꞌ cham sap nam baꞌ nɨɨradaꞌ guiꞌ.

LUUKAS 8:52

Giilhim tum suan nat muu gu tɨɨyax. Baꞌp ja tɨtda gu Jesuus: ―Chaꞌpim suandaꞌ. Jax dhui na guꞌ dhi tɨɨyax miꞌ pɨx koos, cham tuꞌ na muukix.

JUAN 11:2

Dhiꞌr diꞌ pɨx gu Mariiya nar jaꞌnniꞌñ gu Laasar guiꞌ nat janoꞌ mu ai na paiꞌ ka daa gu Jesuus ji uaꞌdat guiꞌ na joidham uub nat miꞌ xi choiꞌdhak tootnaran gio miꞌp xi gakiiꞌñxi kuupaꞌn kɨꞌn.

JUAN 11:3

Baꞌ gu Mariiya gio gu sɨpdhiꞌñ Maarta mɨjɨ xi chu joot jamɨt nam sap aaꞌñdhapuꞌ gu Jesuus mu na paiꞌ oirɨ nax kaꞌook gu ja jaduuñ Laasar. Baꞌ guiꞌ na mɨt mu ja joot mummup ba aaꞌñdhim am gu Jesuus, jup tɨtda am: ―Ma chu ai guiꞌ na pim gook dɨt maap jix bhaiꞌ kaiꞌchdhaꞌñ jaduuñ. Jix kaꞌook.

JUAN 20:13

Baꞌp tɨtda am gu Mariiya na mu dɨr dɨɨrap bha tɨ nɨidhat suak: ―¿Tuꞌp baꞌ kɨꞌn moo jaꞌp jix buam jum aaꞌñ jaduuñ nap baꞌ suak? Baꞌp ja tɨtda gu Mariiya: ―Dho nat tak gu jaroiꞌ yaꞌ dɨr baabuk paiꞌ nat jaꞌk jax dhuu gu tukgaꞌn guiꞌ nar jich gɇꞌkam tuk kat. Cham paiꞌ tu jaiꞌch. Cham maat ich dho baꞌ nat paiꞌ jaꞌk tɨɨ.

JUAN 20:15

Baꞌ bhaiꞌ ji ñio gu Jesuus, jup tɨtda gu Mariiya: ―¿Tuꞌ mam duuñ jaduuñ kup baꞌ moo jaꞌp suak? ¿Tuꞌp tɨi gaꞌnga? Baꞌp tɨtda gu Mariiya: ―Dho gu tukgaꞌn guch gɇꞌkam tuk kat na miꞌ pɨx cham tu jaiꞌch bhɨjɨni na chich paiꞌ tɨɨ. Jaroiꞌ bak baabuk maakam jaꞌk tɨkaam. ¿Kaꞌp ti aap aa iam baabuk maakam jaꞌk tɨkaam? Jiñ aagiꞌñdhaꞌ ap jiñ jaduuñ na pich paiꞌ tɨɨ noꞌ pich aap bhɨɨk kuñ bhɨirai gio yaꞌp tɨkiaꞌ. Guꞌ na guꞌ cham maat gu Mariiya noꞌp jir diꞌ gu Jesuus, jaꞌp jum aaꞌ na gu jaroiꞌ na miꞌ tu nuukaꞌn gu ɨꞌɨɨx na mi jaꞌp tɨ ɨꞌxchix miꞌ ba kɨɨk.

JUAN 4:1

Baꞌ ba maat gu Jesuus nam puiꞌ ba tɇ kɇɇ guiꞌ nam pariseos jum tɨɨtɨꞌndaꞌ na amuub oirɨ, sap jup kaiꞌchdhaꞌ am gu jaꞌtkam: “Puiꞌp ba ja bopkon gu Jesuus gu jaꞌtkam, dai guiꞌ pɨx jam baꞌ mu jaꞌk ba kaichuꞌ bɨɨx, gu Juan miꞌ pɨx jaꞌp ji biꞌiim.”

JUAN 6:23

Baꞌ moo ampɨk jaiꞌ gama jaꞌk jup ba ai mɨt gu jaꞌtkam kaknub taꞌm nam mu dɨr jaꞌk jiim Tibeeriyas, nar miaꞌn bhaiꞌ dhɨr oidhaꞌ juraab na paiꞌx kotboraꞌ, nat paiꞌ xi chu taxchaabgidhak gu Jesuus nat tu ja maa gu jaꞌtkam.

1 KORIINTO KAM 7:30

Gio jaiꞌ noꞌm tuꞌ bhaan jix buam jum aaꞌ, jaꞌp jam jup tu jimdaꞌ nam panaas jix bhaiꞌm taat. Guꞌ baꞌ guiꞌ nam jix bhaiꞌm taat kaꞌ, jaꞌp jam jup tu jimdaꞌ nam panaas jix buam jum aaꞌ. Gio jaiꞌ dhɨt noꞌm bɨxchuꞌ tu sabaꞌdat tu biaꞌ, jaꞌp jam tu jimdaꞌ nam panaas pu cham tuꞌ biaꞌ.

1 TESALOONIKA KAM 4:13

Jiñ jaaduñ jich Xoiꞌkam bhaan, xi jam aagiꞌñdhaꞌch ɨp nam jax jum duñiim jaiꞌ dhɨt nam koꞌiim ja tutkuꞌ bhaan guch Xoiꞌkam jɨɨgiꞌñdham, nach guꞌx aaꞌ na pim jix mat kaꞌ na pim baꞌ cham bhaan jix buam jum aaꞌndaꞌ jaꞌp na jax guiꞌ nam pu cham maat ni jɨꞌx nam jax jum duñiaꞌ nam paiꞌ dhuuk koꞌyaꞌ.

ISRAEL KAM 2:17

Baꞌm aagɨt na pu chuꞌm jup jum duñiaꞌ na jax gu jaꞌtkam yaꞌ kam dhi oiꞌñgaꞌn, na baꞌ miꞌ dhɨr bax bhaaiꞌn kaꞌ na ja palhbuidhaꞌ nam jax dhui cham maiꞌ ka suulhgix kaꞌ. Puiꞌ kut baꞌ maaꞌnkam jup jum duuk yaꞌ ɇɇk jich bui, baꞌ yaꞌm makgɨrta jich aꞌmkam na baꞌ puꞌñi duuji tuch uañdhaꞌ gu Dios bɨɨx guch uaꞌtulhdharaꞌ, nat guꞌch aꞌmkam ba muu guch Xoiꞌkam. Dhiꞌr diꞌ baꞌ xib guiꞌ nach aꞌmkam ñiok buiñor gu Dios, na puiꞌ tɨɨꞌntuꞌndaꞌ gammɨjɨ na tuch uañiꞌñkaꞌ guch uaꞌtulhdharaꞌ nach gammɨjɨ pɨx jich uaꞌtulhiꞌñ. Puiꞌ ji buusan na jax gu ja gɇꞌkam tuk guiꞌ nam bhaiꞌ gɇꞌ chiop tu ja daañxiꞌñdhaꞌ gu jaꞌtkam gio nam ja palhbuiꞌñdhaꞌ nam tu daandaꞌ buiñor gu Dios, na joidham jix chu joiꞌgɨꞌn.

ISRAEL KAM 4:15

Guiꞌch palhbuiꞌñkaꞌ noꞌch tuꞌ bhaan cham ka xi ja buatuꞌ, na guꞌ guch Xoiꞌkam na puiꞌ ji buusan na jax gu ja gɇꞌkam tuk guiꞌ nam bhaiꞌ gɇꞌ chiop tu juan, jix bhaiꞌx maat na giilhim jir tulhiiñaraꞌ yaꞌ dhi oiꞌñgaꞌn, na guꞌ dɨɨlh puiꞌp jum tulhiiñaimɨk janoꞌ na yaꞌ xi oilhimɨk. Tɨi mamaiꞌchimɨk gu jaꞌook na sap baꞌm uaꞌtulhdhaꞌ gɨt, guꞌ ji nat guꞌ cham jɨꞌxkat maꞌiich. Baꞌ cham tuꞌ bhaan jum uaꞌtulhdhak guch Xoiꞌkam, puiꞌ kuñ baꞌp kaiꞌch nax maat na giilhim bɨxchuꞌ bhaan tu mamaiꞌchɨk gu jaꞌook yaꞌ dhi oiꞌñgaꞌn.