LUUKAS 6:47 - Tepehuano Tepehuán del Sureste (Durango)

⁴⁷ Kani nañ bhaan uaꞌrgidhai gook gu jaꞌtkam jam aaꞌñdhaꞌ na pim baꞌx maatɨt jiñ kaayaꞌ na jax jaꞌk ji buusan gu jaroiꞌ noꞌt miꞌ puiꞌ jii gio gu jaroiꞌ na cham.

LUUKAS 6:47 ပူးပေါင်းရင်းမြစ်များ

MATEO 12:50

Na guꞌ gu jaroiꞌ na puꞌñi miꞌ puiꞌ ba jimdaꞌ na jax jix aaꞌ guñ Gɨꞌkoraꞌ guiꞌ nax dhaam jup tuꞌiiꞌ, dhiꞌ puiꞌ ji buusandaꞌ na bar jiñ jaaduñ kaꞌ gio na bar jiñ ñaan kaꞌ.

MATEO 17:5

Baꞌ na miꞌ puiꞌ ka kaiꞌch gu Peegro, jotmodaꞌ bhaiꞌ ji chɨbgɨr, jix chutuap tum duu miꞌ nam paiꞌp tuꞌiiꞌ. Baꞌ bhɨjɨ dɨr jaꞌp tɨbaaꞌñ chaꞌm bhaiꞌ ji chum ñio, jup tum kaiꞌch: ―Dhi Jesuus aañ jir jiñ mar, baꞌx ioꞌm jix dhaꞌ iñ. Aañiꞌ yaꞌ dɨr mu joot na pim baꞌ miꞌ puiꞌ xi jimɨi na jax jam tɨɨdaꞌ.

LUUKAS 11:28

Baꞌ gu Jesuus jup tɨtda: ―Jaꞌpji sia ji guiꞌ nam kɇɇji miꞌ puiꞌ ba jiimdaꞌ na jax jum kaiꞌchdhaꞌ gu ñioꞌkiꞌñ gu Dios na puiꞌ gammɨjɨx bhaiꞌp ba tu ja jimdaꞌ.

LUUKAS 14:26

―Noꞌ tuꞌ sɨlhkam jix aaꞌ na jaroiꞌ gammɨjɨ bañ kaichgɨdaꞌ, jum aaꞌ na bɨɨx juraaꞌn kɨꞌn xiñ dhaandaꞌ gammɨjɨ. Na guꞌ noꞌx ioꞌm jix dhaan gu taataꞌn, piam gu dɨꞌɨɨꞌn, piam gu jajaaꞌnniꞌñ, piam gu maamraꞌn, piam ku guꞌ dɨɨlh jix ioꞌm xim joiꞌgɨꞌn, cham tuꞌr am nañ kaichgɨdaꞌ.

LUUKAS 6:48

Guiꞌ na miꞌ puiꞌ jimiaꞌ nañ jax tu aꞌga, jaꞌp ji buusniaꞌ na aiꞌ chaꞌm tɨ dɨꞌngarsai mi kɨɨsaꞌ gu baꞌkiꞌñ. Baꞌ cham jax jum duñiaꞌ sia kut giilhim jix ioꞌm bhaiꞌ ji dhuuꞌn jɨbɨɨlh kɨꞌn, siat chi tɇꞌkob xi juu gu suudaiꞌ. Ni ku cham palhɨɨp iam xi joiñdhaꞌ, na guꞌx bhaiꞌ mi kɨɨkaꞌ.

LUUKAS 8:13

Baꞌ guiꞌ nat joodai chɨr suulh, guiꞌñ ja aagɨt jup kaiꞌch ɨp nam tɨi joidham kaayaꞌ gu ñioꞌkiꞌñ gu Dios, guꞌ pɨx ji nam guꞌ cham tuꞌ bɨɨx ja jujur kɨꞌn tɨ jɨɨgiꞌñdhaꞌ puiꞌ na jax jum kaiꞌchdhaꞌ, baꞌ dhiꞌ puiꞌm kaiꞌch na mɨt cham tuukab takcha. Jɨꞌxpɨx jam tɨi xi chɨ jɨɨgiꞌñdhaꞌ, guꞌ pɨx ji na guꞌ na paiꞌ dhuuk ja maiꞌchiaꞌ gu jaꞌook, maaꞌn nam jax gio mummɨ puiꞌp suulhgiaꞌ.

LUUKAS 8:8

Baꞌ guiꞌ nat miꞌ suulh na paiꞌx kɨɨꞌ gu dɨbɨɨr, dhiꞌ dho gi guꞌ giilhim joidham jix bhaiꞌm duu ji, jɨꞌmaꞌn jix chamaam ooꞌm kaichuk xim kaip gu maaꞌn tiriik. Baꞌ miꞌ dhɨr nat puiꞌ xi chu ja aꞌgidhak, jup ja tɨtda gɇꞌ kɨꞌn: ―Jix bhaiꞌ pim xim gaꞌngadaꞌ na pim baꞌx maatɨt kaayaꞌ na jax jir jum duukam dhiꞌ na ñich bhaan tu jam aꞌgi.

JUAN 10:27

Guꞌ matgam guiꞌ ji nam jɨꞌk tɨ jɨɨꞌñdhaꞌ aañ jiñ bui nam baꞌ puiꞌ ba ji bubuakiaꞌ nam bar jiñ kakasniraꞌ, pux maatɨt jiñ kaayaꞌ am ɨp noꞌñ ba ja baiꞌñ, nam guꞌx bhaiꞌ xiñ mat kaꞌ, gio aañ yaꞌ dɨr mu jaꞌk puiꞌx bhaiꞌp jix ja mat kaꞌ, baꞌ dai nam gammɨjɨ bañ kaichgɨdaꞌ miꞌ puiꞌ jiimɨt.

JUAN 13:17

Miꞌ pim puiꞌ xi chu duñiidhat na pim jax jiñ ñɨiꞌñ nañ jam bua gio nañ tu jam aꞌgiꞌñ noꞌ pim jix maat na jax jir jum duukam, na pim baꞌx jɨjɨkgɨm jup tuiꞌkaꞌ.

JUAN 14:15

’Guꞌ baꞌ xib na pim bañ kaichuꞌ, dai na pim miꞌ puiꞌ xi jiimɨt nañ jɨꞌk jax jam tɨtda, noꞌ pim dho ji baabuiꞌ sɨlhkam jix aaꞌ na pim tuꞌ kaꞌm bañ ñɨiꞌñdhaꞌ yaꞌ dɨr jaꞌp jaꞌk, piam ku guꞌ cham.

JUAN 5:40

puiꞌ ku pim baꞌ cham aaꞌ na pim jɨɨꞌñdhaꞌ aañ jiñ bui. Guꞌ noꞌ pim tɨ jɨɨgiꞌñdhaꞌ gɨt, aañ dho jam aagiꞌñdhaꞌ gɨt na jax jaꞌk jix bhaaiꞌ na pim duñiaꞌ na baꞌ gammɨjɨ jam aꞌm ba tɨ nɨidhidhaꞌ guñ Gɨꞌkoraꞌ.

JUAN 6:35

Baꞌp ja tɨtda gu Jesuus: ―Aañiꞌ dhor diꞌ gux kɨɨꞌ koiꞌ nar jix dhaam kam. Baꞌ gu jaroiꞌ noꞌt ba tɨ jɨɨꞌñ aañ jiñ bui, jaꞌp ji buusniaꞌ na cham ka bhioꞌm kaꞌ, ni ku cham ka tanoom kaꞌ, na guꞌ gammɨjɨ bhaan ba tɨ nɨidhidhaꞌ guñ Gɨꞌkoraꞌ.

JUAN 6:37

Dai guiꞌ nat jɨꞌk puiꞌ jaꞌk ja jujurtuda guñ Gɨꞌkoraꞌ nam baꞌ siamrim guguuxiꞌñ nam tɨ jɨɨꞌñdhaꞌ aañ jiñ bui, baꞌ aañ miꞌ dhɨr ja guguuxdhaꞌ cham jax ji chɨꞌji.

JUAN 8:52

Baꞌ gio bhaiꞌp ji ñio mɨt gu gɇꞌgɇrkam Israel kam, jup kaiꞌch am: ―¡Jaiñ dho pɨk tuꞌ aaꞌch ji na jaꞌook jum aꞌm jup tuiꞌdhiꞌ! Tɨɨꞌ nat baꞌ gu Abraam muu noꞌ baabuiꞌ, gio gu jaiꞌ nam bhaankamuꞌn jup tu aꞌgimɨk guch Gɨꞌkoraꞌ. Puiꞌ pɨx jup koi mɨt, guꞌ aap jax ɨlhdhat puiꞌch chɨtda nap baꞌp kaiꞌch: “Gu jaroiꞌ noꞌ miꞌ puiꞌ ba jimchuꞌ nañ jɨꞌk jax tu aꞌga, cham ka tu mumkɨdaꞌ.”

ISRAEL KAM 5:9

Guꞌ baꞌ nat guꞌ cham jɨꞌxdhaꞌ paiꞌ dhuuk tuꞌ bhaan jum uaꞌtulhdhak buiñor gu Dios, bɨɨx miꞌ puiꞌ tu kuugalh na jax jix aaꞌ, baꞌ puiꞌ jaꞌk duu gu Dios nar am na ja aꞌmkam mukiaꞌ gu jaꞌtkam, na tu ja namkixdhaꞌ gu ja uaꞌtulhdharaꞌ, na baꞌ miꞌ dhɨr puꞌñi duuji bax bhaaiꞌn kaꞌ nam jimiaꞌ jix dhaam nam paiꞌ gammɨjɨx jɨjɨkgɨm bap tuiꞌkaꞌ, guiꞌ dho ji nam jɨꞌk soiꞌm ɨlhdhai tɨ jɨɨꞌñdhaꞌ buiñor gio nam miꞌ puiꞌ jimiaꞌ na jax jix aaꞌ.

SANTIAGO 4:17

Puꞌñi jaꞌk jañ dho baꞌ pɨx jam tɨtdañ jaaduñ, jam guguuxiꞌñ iñ na pim siamri miꞌ puiꞌ xi jiimɨt na jax jaꞌk jix kɨɨꞌ kaꞌm nɨiꞌñ guch Gɨꞌkoraꞌ. Na guꞌ moop jir uaꞌtulhdharaꞌ ji bo noꞌch aach jaꞌp xi dhuukat na jax jaꞌk jix aaꞌ gu Dios maakam tu buim, noꞌch guꞌ tɨix maat na jax jaꞌk jix aaꞌ.

1 PEEGRO 2:4

Muiꞌ pim xix biiñak kaꞌx ioꞌm buiñor guch Xoiꞌkam jiñ jaaduñ, na guꞌ guiꞌx ioꞌm jir gɇꞌp jum duukam buiñor gu Dios, puiꞌ kut baꞌ gɇꞌkam kɨꞌn bhaan tɨ tɨɨgɨk bha joot yaꞌ dhi oiꞌñgaꞌn. Guiꞌ jaꞌp ji buusan jia na jax maaꞌn gu jodai guiꞌ nax ioꞌm jir jix kɨɨꞌ na mɨt tuꞌ pɨx ɨlhdhak jaꞌp xi dhuuk gu jaꞌtkam cham kɨɨgalhdhak.

2 PEEGRO 1:10

Baꞌ aapiꞌm jiñ jaaduñ jich Xoiꞌkam bhaan, muiꞌ pim xim dɨkooꞌñdhatgɨdaꞌ na pim miꞌ puiꞌ xi jimɨi nañ jɨꞌk jax jam tɨtda na baꞌ bhaan jix maatɨꞌ kaꞌ na gɇꞌkam kɨꞌn xi jam joiꞌndat jam aꞌm ba tɨ nɨidhim gu Dios. Baꞌ miꞌ dhɨr cham tuꞌ jaꞌk jix xuulhgik kam ɨlhiiꞌñdhaꞌ pim na pim jax tu jimdat bɨɨpɨꞌ dɨr na pim chakui tɨ jɨɨꞌñdhat buiñor guch Xoiꞌkam.

1 JUAN 2:29

nach guꞌ tuꞌ sɨlhkam bar maamraꞌn kaꞌ. Na guꞌ na pim jax bax maat jiñ jaaduñ nap kaiꞌch bo gu Dios na gu jaroiꞌ noꞌt tuꞌ kaꞌm tɨɨgɨk miꞌ puiꞌ jii na jax jix aaꞌ, dhiꞌ baꞌ puiꞌ bam kaiꞌchdhaꞌ na sɨlhkam jir maraaꞌn kaꞌ, jaꞌp na jax guch Xoiꞌkam janoꞌ na yaꞌ xi oilhimɨk nat guꞌ tuꞌ kaꞌm tɨɨgɨk gu Dios.

1 JUAN 3:7

Jaꞌpniñ baꞌ moop jam guguuxiꞌñ jiñ jaaduñ jich Xoiꞌkam bhaan na pim siamri xi chɨ nɨidhat na cham jaroiꞌ paiꞌ dhɨr jimdat maakam jup ba jam iatgidhaꞌ na jax cham jir puiꞌ na jax jix aaꞌ gu Dios. Aapiꞌm cham tuꞌ ji kɇkɇɇdat jir maaꞌn na pim jax miꞌ puiꞌ xi jiimdaꞌ na jax jix aaꞌ gu Dios na baꞌ bhaan jix maatɨꞌ kaꞌ na pim dai guiꞌ tuꞌ kaꞌm nɨiꞌñ.

NAT JAX TƗ TƗƗ GU JUAN 22:14

Baꞌ joidham jix bhaiꞌ tu jimiaꞌ gu jaroiꞌ noꞌ cham tuꞌ bɨɨx aixim ka tu bua na tuꞌr uaꞌtulhdharaꞌ, na jaꞌp ji buusandaꞌ nax kɨɨꞌ tɨm tɨꞌiiꞌñkaꞌ gu jajannulhiꞌñ, nam guꞌ dhiꞌ baꞌ pɨx jix bhaiꞌ tɨɨdai mu baasaꞌ bhaiꞌ dhɨr na paiꞌ mu tum bapkɨ mɨjɨ jaꞌk gɇꞌ kiicham, baꞌ dai nam ba chiñiaꞌ na tu jugiaꞌ gu bhaidhaꞌ na mu kɨɨk ɨrban gu gɇꞌ kiicham na kɨꞌn gammɨjɨx jɨkgɨm bap tuiꞌkaꞌ.