LUUKAS 6:44 - Tepehuano Tepehuán del Sureste (Durango)44 Bɨɨx pɨx jix maatɨꞌ guꞌ gu ɨꞌɨɨx nam jax jir tuꞌm, puiꞌ na gu iigɨx na guꞌ cham uupar taꞌm jup jum bua, ni gu uubas ku cham kokmaꞌ uꞌuux chaꞌm nangiaꞌkaꞌ. အခန်းကိုကြည့်ပါ။ |
LUUKAS 6:44
7 ပူးပေါင်းရင်းမြစ်များ
Na guꞌx maatɨꞌ kaꞌ jia nam jax jaꞌk tu jimdaꞌ na pim xi ja nɨiꞌñdhaꞌ. Na guꞌ na pim jax bax maat na cham jax chuꞌm jaiꞌch gu ɨꞌɨɨx nax maikak tu iꞌbhaiꞌñchar na moo gatuuk jix maimdagɨm jup ba iibhaiꞌñchaꞌ, ni gu jax chuꞌm ɨꞌɨɨx guiꞌ na pux maimdagɨm tu iꞌbhaiꞌñchar ku moo joidham jix maikak jup ba iibhaiꞌñchaꞌ gatuuk.
Gio jaꞌpni ɨp na jax gu iigɨx, na guꞌ cham jɨꞌxdhaꞌ turaasno iibhaiꞌñchaꞌ, nix chuꞌ gu uubas ku cham jɨꞌxdhaꞌ iigɨx iibhaiꞌñchaꞌ, na guꞌ cham tuꞌr pu chuꞌm kaꞌ gu toonaꞌn. Puꞌñi ɨp baꞌ dhiꞌñ jaaduñ, aañ cham paiꞌ dhuuk tɨ nɨiꞌñ ji paiꞌ na dɨɨbon gu suudaiꞌ na jɨꞌx jix xibuꞌ miꞌ dhɨr jup ba buandaꞌ, jɨꞌx baꞌ moox iꞌoob ɨp.
Jaꞌp chi alh moox xiꞌɨraam noꞌm jaiꞌ mɨjɨmmɨp xi dharaa paiꞌ na pim tu piastatdaꞌ daich Xoiꞌkam jɨɨgiꞌñdham na pim jix bhaiꞌm taat kaꞌ buiñor gu Dios. Nam guꞌ dhiꞌ dhi jaꞌtkam cham tuꞌ kaꞌm tɨ nɨiꞌñ, ni nam jix maatɨt tu xiꞌɨꞌra, gɇꞌgɇr bha chu koiꞌmɨi am nam jɨꞌx ɨlhiiꞌñdhaꞌ, nam jax dhui pɨx baꞌ miꞌ ba jam iaꞌñdhaꞌ nam jax jir tuutuꞌm noꞌ pim gan ja bɨɨm tu kuaꞌ. Nam guꞌ mu dɨr bha jaꞌk pu cham xi jam joiꞌgɨꞌndaꞌ, dai dɨɨlh pɨx nam xim joiꞌgɨꞌn. Dhiꞌ jaꞌpni pɨx ji buan am jia na jax noꞌ tɨi pɨx jix chuk saiꞌchuꞌ gu tɨbaaꞌ, guꞌ ji noꞌ guꞌ cham bha duuk, dai na pɨx ji jim gammɨjɨ paiꞌ na jaꞌk uaꞌkaꞌ gu jɨbɨɨlh. Piam jaꞌpni ɨp na jax gu jax chuꞌm ɨꞌɨɨx noꞌ cham iꞌbhaiꞌñchar sia kut tɨi bam ai na paiꞌ dhuuk iibhaiꞌñchai ba bhaayaꞌ gɨt. Jaꞌp ji buusan nam pu ba koꞌiix dhiꞌ dhi jaꞌtkam, nam guꞌ cham xiim bam tulhiiñaꞌ.
ကြော်ငြာတွေ