LUUKAS 6:35 - Tepehuano Tepehuán del Sureste (Durango)

³⁵ Bɨɨx pɨx ji na pim jix ja joiꞌgɨꞌndaꞌ gu jaꞌtkam, jix bhaiꞌ pim ja buadaꞌ sia guiꞌ nam xi jam bhaamkiꞌñdhaꞌ. Ja taiñbuiꞌñdhaꞌ pim gu tuꞌ nam jum taiñbuiꞌñdhaꞌ, chaꞌpim nɨɨrat mu dɨr bha jaꞌk nam puiꞌp duñiaꞌ. Puꞌñi jaꞌk dho gi guꞌ puiꞌ bam kaiꞌchdhaꞌ ji na pim jir maamraꞌn gu Dios guiꞌ nax dhaam jup tuꞌiiꞌ, na siax ja joiꞌgɨꞌn guiꞌ nam cham buiñor tɨtɨɨꞌñcho gam guiꞌ nam cham tuꞌ kaꞌm tɨ nɨiꞌñ.

LUUKAS 6:35 ပူးပေါင်းရင်းမြစ်များ

MATEO 5:9

’Jaꞌp moo joidham jix bhaiꞌ tu ja jim guiꞌ nam jɨꞌk gammɨjɨr jix bhabhaiꞌkam kaꞌ, na guꞌ gu Dios puiꞌ ja iim nam jir maamraꞌn.

MAARKOS 5:7

jup tɨtda gɇꞌ kɨꞌn: ―¿Jax japich bhaiꞌ bañ dhoodam Jesuus nap jir Maraaꞌn gu Dios gux ioꞌm Gɇꞌkam? Chaꞌp tuꞌ kɨꞌn jiñ juandaꞌ. Ka tuñ uañiꞌñkaꞌ ap gu xib.

LUUKAS 1:32

Dhiꞌ jix ioꞌm jir gɇꞌkam kaꞌ yaꞌ dhi oiꞌñgaꞌn, na guꞌ gu Dios pɨx dɨɨlh gɇꞌkam kɨꞌn daasaꞌ na jax gu boxiiꞌñ Dabii nat puiꞌ gɇꞌkam kɨꞌn jup daasak bɨjɨk. Baꞌ maraaꞌn gu Gɇꞌkam Dios kɨꞌn jix mat kaꞌ am gu jaꞌtkam.

LUUKAS 6:36

Puꞌñi pim bɨɨx pɨx jix ja joiꞌgɨꞌndaꞌ gu jaꞌtkam jaꞌp na jax gu Dios na bɨɨx pɨx jix ja joiꞌgɨꞌn.

JUAN 13:35

nam baꞌ bhaiꞌ ji machiaꞌ gu jaꞌtkam na pim aapiꞌm joidham jir jix bhabhaiꞌkam na pim jɨꞌk bañ kaichuꞌ.

JUAN 15:8

Gio na guꞌ joidham jix bhaiꞌm taat kaꞌ noꞌ pim aapiꞌm puꞌñi joidham bɨɨx jam jujur kɨꞌn jix biiñak kat aañ jiñ buix bhaiꞌm duukam jup tu bua jiñ aꞌmkam, aapiꞌm baꞌ bar diꞌ kaꞌ guiꞌ nam tuꞌ sɨlhkam bañ kaiꞌchgɨdaꞌ.

GU NOONBIꞌÑ GUCH XOIꞌKAM 14:17

Pu gammɨjɨ jix bhaiꞌ tu buadaꞌ na jax jir am, puiꞌ na jax aapiꞌm na bha jam joochxiꞌñ gu duuk na baꞌ kɨꞌn jix bhaiꞌ tu kaipbhar na pim baꞌ gammɨjɨ biaꞌkaꞌ na pim tuꞌ xi kuaꞌdat jix bhaiꞌm taat kaꞌ.

2 KORIINTO KAM 8:9

Gio guꞌx maat japim gu Gɇꞌkam jich Xoiꞌkam nat gampaiꞌ xim duuk yaꞌ xi oilhimɨk dhi oiꞌñgaꞌn bhaan. Nat xich joiꞌmdak jich chɨɨ kut baꞌ puiꞌm duu nach baꞌ aach jix chutumñigam kɨꞌn ji biꞌyaꞌ iiꞌmdaꞌ bhaan, cham tuꞌ na jax pɨk jir jum duukam.

2 TIMOTEO 3:2

Gu jaꞌtkam bax aaꞌndaꞌ am nam muiꞌ biaꞌkaꞌ gu tuumiñ nam baꞌ bhaan tuꞌ pɨx ja ɨlhiiꞌñdhaꞌ guiꞌ nam cham tuꞌ biaꞌkaꞌ, gɇꞌgɇrkam jum taat kaꞌ am. Sia gu Dios tuꞌ pɨx ba ɨlhiiꞌñdhaꞌ am, jax ñam pɨx aiꞌchuxdhat ba aꞌgadaꞌ. Ni kum cham tuꞌ kaꞌm ka ja nɨiꞌñdhaꞌ gu ja tataat, tuꞌ pɨx ba ja ɨlhiiꞌñdhaꞌ am. Ni kum cham tuꞌ kaꞌm ka tɨ nɨiꞌñdhaꞌ gux xidhuuꞌn kam nax chu jaiꞌch, jaꞌp jam pɨx xi dhuukat sia kum tɨix maat.