LUUKAS 6:30 - Tepehuano Tepehuán del Sureste (Durango)

³⁰ Chaꞌp taandaꞌ gu jaroiꞌ noꞌt tuꞌm ɨɨxdhak. Gio gu jaroiꞌ noꞌ tuꞌ bam taan, chaꞌp jax ji chɨꞌji makiaꞌ.

LUUKAS 6:30 ပူးပေါင်းရင်းမြစ်များ

MATEO 18:35

Baꞌ miꞌ pɨx juugɨt tu aꞌga gu Jesuus gu dhiꞌ puꞌñi jaꞌk. Miꞌ dhɨr baꞌ moop ja tɨtda: ―Baꞌ aapiꞌm puꞌñip jam doodaꞌ guñ Gɨꞌkoraꞌ guiꞌ nax dhaam jup tuꞌiiꞌ noꞌ pim cham tu ja uañiꞌñ gu jam jaaduñ bɨɨx jam jujur kɨꞌn.

MATEO 5:39

Baꞌ aañ yaꞌ pu jam tɨtda na cham jir am na pim puiꞌ bhaiꞌp gɨɨꞌbiaꞌ gu jaroiꞌ noꞌt jam gɨɨꞌ, guꞌ jaꞌpji na pim pɨx am jix bhaiꞌ tɨtdadaꞌ ji. Puiꞌ na jax noꞌt jum kaam am jum gɨɨꞌ, jaꞌp dɨr jap mu jaꞌk jup xi dhaaꞌñdhaꞌ ku bham gɨɨꞌbiaꞌ.

MATEO 6:12

Gio baꞌ nap iam tuch uañiꞌñkaꞌ ɨp nach jɨꞌx mach uaꞌtulhdhaꞌ aap jum bui, nach guꞌ aach puiꞌp tu ja uañiꞌñ guiꞌ nam puiꞌp jum uaꞌtulhiꞌñ aach jich bui.

LUUKAS 11:41

Baꞌ tuꞌ na jax chuiꞌkaꞌ yaꞌ dɨr jaꞌp jaꞌk, tuꞌ sɨlhkam japim jix ja joiꞌmdat ja palhbuiꞌñdhaꞌ gu jaꞌtkam guiꞌ nam cham tuꞌ biaꞌ ni jɨꞌx. Puꞌñi jaꞌk dho gi guꞌ ba oñiaꞌ ji sia ɨrban dɨr jaꞌk gu jam uaꞌtulhdharaꞌ.

LUUKAS 12:33

Chaꞌpim jax jim aagɨt xi ja maakat gu tuumiñ gu jaꞌtkam guiꞌ nam cham tuꞌ biaꞌ ni jɨꞌx. Xi chu gaꞌrat japim gu tuꞌ na pim biaꞌ na pim baꞌ miꞌ dhɨr ja maakdaꞌ. Na guꞌ noꞌ pim puꞌñi jaꞌk duiñchuꞌ, aapiꞌm jum tutumñigamtaidhaꞌ jix dhaam jaꞌk buiñor gu Dios na paiꞌ gux ɨxkum cham jɨꞌxkat aayaꞌ, ni gu tuꞌ na tɨ dɨꞌnbalhchuꞌn ku cham jɨꞌxkat aayaꞌ.

LUUKAS 18:22

Baꞌp tɨtda gu Jesuus nat puiꞌ tɨi: ―Ka biꞌiix ji guꞌ maaꞌn nap pu duñiaꞌ. Bɨɨx jap tu gaꞌrai nap jɨꞌk tuꞌ tu biaꞌ ja makiaꞌ gu tuumiñ guiꞌ nam cham tuꞌ biaꞌ ni jɨꞌx, bhaiꞌp baꞌ xi jimiaꞌ nap bañ kaichgɨdaꞌ. Puꞌñi jaꞌk jap baꞌ bar jix chumñigam kaꞌx dhaam buiñor gu Dios.

LUUKAS 6:29

Noꞌt jaroiꞌ bhaiꞌ mam gɨɨꞌm kaam am, jaꞌp dɨr jap mu jaꞌk jup xi dhaaꞌñdhaꞌ gu jumaim kaam na bham gɨɨꞌbiaꞌ. Piam noꞌt guꞌ jaroiꞌ mam ɨɨxdhak gux kabook jum kutuun nap daam dɨr tɨiꞌchgɨdaꞌ, bɨɨx gux komaalhik jum kutuun nap tuukab tɨiꞌchgɨdaꞌp jotmodaꞌ kuanai mu makiaꞌ.

LUUKAS 6:31

Puiꞌ pim jaꞌk jix bhaiꞌ ja buadaꞌ bɨɨx pɨx gu jaꞌtkam na pim jax jaꞌk jix aaꞌndaꞌ aapiꞌm dɨɨlh nam gɨt jix bhaiꞌ jam buadaꞌ.

LUUKAS 6:38

Gu jaroiꞌ noꞌ tuꞌ ba jam taan, xi iichulhdhaꞌ pim cham jax ji chɨꞌji na baꞌ gu Dios puiꞌp jam maakidhaꞌ gu tuꞌ nam aaꞌndaꞌ. Jaꞌxbuiꞌp jam iichulhdhaꞌ gu Dios na pim jɨꞌx iichulhdhaꞌ gu jaroiꞌ, dai na joidham xiixkixim jix kabkam jimdam gio jupaaban.

GU NOONBIꞌÑ GUCH XOIꞌKAM 20:35

Gio aapiꞌm jañ bɨɨx puiꞌp tu jam aꞌgiꞌñdhaꞌ na pim puꞌñi tu juandaꞌ gio na pim siamri xi ja maakidhat guiꞌ nam cham biaꞌkaꞌ nam tuꞌ kɨꞌn tu sabaꞌdaꞌ, puiꞌ pim xim aagɨt nat pɨn jax tɨꞌɨɨk gu Gɇꞌkam jich Xoiꞌkam na saak jix ioꞌm jix abhaaruix noꞌñ puꞌñi tuꞌ nañ pɨx ja maakim gu jaꞌtkam, cham puiꞌ na jax noꞌm jaꞌkbuiꞌ kat tuñ maak.

2 KORIINTO KAM 8:9

Gio guꞌx maat japim gu Gɇꞌkam jich Xoiꞌkam nat gampaiꞌ xim duuk yaꞌ xi oilhimɨk dhi oiꞌñgaꞌn bhaan. Nat xich joiꞌmdak jich chɨɨ kut baꞌ puiꞌm duu nach baꞌ aach jix chutumñigam kɨꞌn ji biꞌyaꞌ iiꞌmdaꞌ bhaan, cham tuꞌ na jax pɨk jir jum duukam.

EEPESO KAM 4:28

Gu jaroiꞌ noꞌ bɨɨpɨꞌ dɨr kax ɨxbiꞌ kat, yaꞌ dɨr jaꞌp jaꞌk cham tuꞌ ka tɨ ɨɨxiꞌñdhaꞌ. Ba tu juandaꞌ pɨx na baꞌ dɨɨlh noonbiꞌñ kɨꞌn maiꞌchɨt gu tuumiñ jaiꞌ ja maakdaꞌ guiꞌ nam cham bhaaiꞌ nam jax dhui tu juanaꞌ.