LUUKAS 6:28 - Tepehuano Tepehuán del Sureste (Durango)

²⁸ Xi chu ja daañxidhat japim buiñor gu Dios na baꞌx bhaiꞌ tu ja jimdaꞌ, sia kum tɨix bhaakut jam aꞌga piam kum guꞌ maaxik giilhim jam tɨtda miꞌ paiꞌ.

LUUKAS 6:28 ပူးပေါင်းရင်းမြစ်များ

MATEO 5:44

Ku baꞌ guꞌ aañ yaꞌ pu jam tɨtda ji na cham jir am gu dhiꞌ puꞌñi jaꞌk na pim tu jimdaꞌ, guꞌ jaꞌpji na pim jaꞌkbuiꞌ kat pɨx am jix bhaiꞌ ja tɨtdadaꞌ ji guiꞌ nam jɨꞌk xi jam bhaamkiꞌñdhaꞌ. Gio baꞌ puiꞌ na jax guiꞌ nam jɨꞌk xi jam koodak kaꞌ, aapiꞌm ja aꞌmkam pɨx xi chu ja daañxidaꞌ buiñor gu Dios.

LUUKAS 23:34

Baꞌp kaiꞌch gu Jesuus: ―Jiñ Gɨꞌkoraꞌ, chakuip tuꞌp jum buixiꞌñdhaꞌ ja bui dhi jaꞌtkam, nam guꞌ cham maat noꞌm jup jum uaꞌtulhiꞌñ jum bui. Baꞌ gu sandaaruiꞌx mi jaꞌp ma tɨtbia mɨt mi jaꞌp ji chu darsak amuub gu jajannulhiꞌñ gu Jesuus na sap baꞌ gu jaroiꞌ na tu maiꞌchiaꞌ, bhaan ji chu biꞌyaꞌ.

LUUKAS 6:27

’Ku guꞌ aañ yaꞌ pu jam tɨtda ji aapiꞌm na pim jɨꞌk yaꞌp tuꞌiiꞌ na pim jiñ kɇɇ, na pim jix bhaiꞌ ja tɨtdat guiꞌ nam xi jam bhaamkiꞌñdhaꞌ, siam chi dɨɨlh tɨi mu dɨr bha jaꞌk xi jam bhaamkiꞌñ.

LUUKAS 6:35

Bɨɨx pɨx ji na pim jix ja joiꞌgɨꞌndaꞌ gu jaꞌtkam, jix bhaiꞌ pim ja buadaꞌ sia guiꞌ nam xi jam bhaamkiꞌñdhaꞌ. Ja taiñbuiꞌñdhaꞌ pim gu tuꞌ nam jum taiñbuiꞌñdhaꞌ, chaꞌpim nɨɨrat mu dɨr bha jaꞌk nam puiꞌp duñiaꞌ. Puꞌñi jaꞌk dho gi guꞌ puiꞌ bam kaiꞌchdhaꞌ ji na pim jir maamraꞌn gu Dios guiꞌ nax dhaam jup tuꞌiiꞌ, na siax ja joiꞌgɨꞌn guiꞌ nam cham buiñor tɨtɨɨꞌñcho gam guiꞌ nam cham tuꞌ kaꞌm tɨ nɨiꞌñ.

GU NOONBIꞌÑ GUCH XOIꞌKAM 14:5

Baꞌ dhiꞌ dhi Israel kam jaꞌtkam gio guiꞌ nam cham jir Israel kam maap ba tu aꞌga mɨt ja bɨɨm gu gɇꞌgɇrkam nam sap pu ja doodaꞌ gu noonbiꞌñ guch Xoiꞌkam nam jax ɨlhiiꞌñ, gio nam ja maꞌyasai ja koodaꞌ.

GU NOONBIꞌÑ GUCH XOIꞌKAM 7:60

Miꞌ dhɨr baꞌ oꞌlhiaꞌn kɨꞌn xi kɨkbok gio bhaiꞌp ji chu daanɨ jup kaiꞌch gɇꞌ kɨꞌn: ―Aapiꞌ jich Xoiꞌkam, chaꞌp ja tulhiiñchuꞌndaꞌ dhiꞌ nam xib yaꞌm uaꞌtulhiꞌñ. Baꞌ daipuꞌ xi chɨꞌɨɨk pu naiꞌ gan ji muu.

ROOMA KAM 12:14

Gio guiꞌ nam xi jam bhaamkidhat xi jam koodak kaꞌ, chaꞌpim puiꞌ kaiꞌchdhaꞌ na gɨt iam tuꞌ na pɨx ja duñiaꞌx buam jum duukam, jaꞌkbuiꞌ kat ji na pim tu ja daañxiꞌñdhaꞌ na gɨt jix bhaiꞌ tu ja jimdaꞌ.

1 KORIINTO KAM 4:12

Gio dɨɨlh jach gaagidhaꞌ nach paiꞌ tu juanai maiꞌchiaꞌ gu tuꞌ nach aꞌm jum aaꞌndaꞌ, jix momgon kaꞌ ich nabap jurnɨk. Gio nach tu ja daañxiꞌñdhaꞌ nax bhaiꞌ tu ja jimdaꞌ gu jaꞌtkam guiꞌ nam giilhim jich chɨtdadaꞌ gio guiꞌ nam xich bhaamkidhat jich gaagim nam xich koodak. Aach cham tuꞌ bhaan jax jich aaꞌ sia pɨk nar jax kaꞌ gɨt.

SANTIAGO 3:10

¿Jax baꞌ jaꞌk jup tuꞌiiꞌ dhiꞌñ jaaduñ nach baꞌ guꞌ dhich chiichiñ kɨꞌn pɨx jup gɇꞌkamtuꞌndaꞌ gu Dios gio baꞌ moo nach giilhim jup ja tɨtdadaꞌ gu jaꞌtkam na jax aaꞌ? Panaas guꞌ moo dhiꞌ cham tuꞌ am gɨꞌnsɨ ji gu puiꞌ jiñ jaaduñ.

1 PEEGRO 3:9

Tu uañiꞌñkaꞌ pim gu jaroiꞌ noꞌt tuꞌ jax ma jam duiñ, cham tuꞌ na pim yaꞌ dɨr mu jaꞌk puiꞌp doodaꞌ. Sia noꞌt jaroiꞌ giilhim jam tɨɨꞌn na jax cham jir am, tu uañiꞌñkaꞌ pim sia, cham tuꞌ na pim moo puiꞌ giilhim muiꞌp tɨɨdaꞌ yaꞌ dɨr mu jaꞌk na jax cham jir am. Xi chu daañxiꞌñdhaꞌ pim pɨx buiñor gu Dios nax bhaiꞌ tu jimdaꞌ sia ku buam pɨx jam bua, na baꞌ jam aꞌm tɨ nɨidhidhaꞌ ɨp aapiꞌm gu Dios, na pim guꞌr jix bhabhaiꞌkam kaꞌ.