LUUKAS 6:25 - Tepehuano Tepehuán del Sureste (Durango)

²⁵ ’Cham bhaiꞌ tu jam jimiaꞌ na pim dai aapiꞌm jix kokbaꞌn, gatuuk uaꞌmaꞌ pim guꞌ. ’Gam na pim jix bhaiꞌm taatɨt jɨɨm xib, cham bhaiꞌ tu jam jimiaꞌ sia, gatuuk jix buam jum aagɨt ba suandaꞌ pim.

LUUKAS 6:25 ပူးပေါင်းရင်းမြစ်များ

LUUKAS 12:20

Baꞌ na miꞌ puiꞌ kam aaꞌ gu maaꞌnkam, jup tɨtda gu Dios: “Joidham tɨi tɨ ɨlhiiꞌñ ap jia. ¿Jaroo baꞌ bhaan ji chu biꞌyaꞌ dhiꞌ nap tuꞌ bhaan tu aꞌga? Nap guꞌ aap jaꞌxñi tukaaꞌ cham tuꞌ ka duakaꞌ. Cham jum jur biaꞌ ap kup baꞌp kaiꞌch.”

LUUKAS 13:28

Baꞌ giilhim jix buam jum ɨlhdhai bhaiꞌ ji susuañiaꞌ pim aapiꞌm. Ba tɨgiaꞌ pim ɨp guꞌ gu Abraam, gio gu Isaak, gio gu Jakob, gio jaiꞌ muiꞌ guiꞌ nam bhaankam tu aꞌgimɨk gu Dios bɨjɨk nam buiñor jup tuiꞌkaꞌ, aapiꞌm guꞌ pu dɨɨrap dɨr ba biꞌyaꞌ na pim puiꞌ xim aaꞌndaꞌ.

LUUKAS 6:24

’Baꞌ aapiꞌm na pim xib giilhim jir jix chutumñigam, cham bhaiꞌ tu jam jimiaꞌ gatuuk, na pim guꞌ pu yaꞌx bhaiꞌ bam taat kɨꞌn gu tuumiñ na pim ji biaꞌkat.

LUUKAS 6:26

’Sia cham bhaiꞌ tu jam jimiaꞌ na pim jix bhaiꞌm taatɨt pɨx gɇꞌgɇrkam jum taat kaꞌ noꞌm tuꞌ kaꞌm jam ɨlhdhat pɨx jix bhaiꞌ kaiꞌch jam bui muiꞌ gu jaꞌtkam. Puꞌñip ja buimɨk am guꞌ bɨjɨk gu jaꞌtkam guiꞌ nam sap pɨk baꞌ bhaankam tu aꞌgadaꞌ gu Dios.

LUUKAS 8:53

Baꞌ guiꞌ xi aꞌsɨk jamɨt pɨx, nam guꞌ cham tɨ jɨɨgiꞌñ na jax ja tɨtda gu Jesuus, maaxik nɨiꞌñ am guꞌ nat muu gu tɨɨyax.

EEPESO KAM 5:4

Gio na pim cham tuꞌ giilhim ka tu ñiokdaꞌ. Chaꞌpim jix ñanaanbim kaiꞌchdhaꞌ. Noꞌ pim giilhim bax chɨꞌiik, xi chu dañiaꞌ pim buiñor gu Dios, xi gɇꞌkamtudaꞌ pim, cham tuꞌ na pim giilhim tɨꞌyaꞌ.

1 TESALOONIKA KAM 5:3

Nam paiꞌ dhuuk gu jaꞌtkam jup kaiꞌchdhaꞌ: “Jaꞌp moo joidham cham tuꞌ jax jum bua xib, joidham jix bhaiꞌ tuch jim”, baꞌ jotmodaꞌ cham jum ɨlhdham pɨx ja daam ba jimiaꞌ gux buam jum duukam, jaꞌp tu ja doodaꞌ na jax maaꞌn gu ubii na bax chɨɨgim kaꞌ gu alhii nax ioꞌm joiꞌmdam jum buadaꞌ. Pu cham bhaaiꞌn kaꞌ nam jax dhuim palhbuidhaꞌ.

SANTIAGO 4:9

Na guꞌ cham kɨɨgalhiꞌñ gu Dios gu puiꞌ jaꞌk, guꞌ ji na pim soiꞌ pɨx bam ɨlhiiꞌñdhaꞌ yaꞌ dɨr jaꞌp jaꞌk. Chaꞌpim jix bhaiꞌm taatɨt ka jɨɨmdaꞌ, ni na pim gɇꞌgɇrkam jum taat kaꞌ, jaꞌpji na pim soiꞌm ɨlhdhat ba suandaꞌ ji puiꞌ xim aagɨt na pim gɇꞌkam kɨꞌn cham am buatuꞌ gu puiꞌ na pim jax jaꞌk tu jim.

NAT JAX TƗ TƗƗ GU JUAN 3:17

Puiꞌ kaiꞌchdhaꞌ pim guꞌ na pim jir jix chutumñigam, na pim saak bɨɨx tu biaꞌ na tuꞌ jam aꞌm jum aaꞌ jam iꞌiiꞌmdaꞌ bhaan gio gu maaxik bhaan, gam na saak gammɨjɨx bhaiꞌ tu jam jim, gio na bɨɨx jix bhaiꞌ ji chu buusnidhaꞌ gu tuꞌ na pim jax buadaꞌ. Guꞌ aañ jiñ bui, paa gip jir jix chutumñigam japim. Cham tuꞌ bɨɨx tu biaꞌ pim na tuꞌ jam aꞌm jum aaꞌ. Jaꞌpni pɨx ji buan japim na jax guiꞌ nam alh gampaiꞌ tuꞌiiꞌ, nam cham jir tu biaꞌ kam. Jaꞌp ji buusan ɨp na pim puiꞌx dhaꞌnpakat oipo, gio na pim cham ñiññia, sia ku pim guꞌ aapiꞌm puiꞌ kaiꞌch na pim jir jix chutumñigam, puiꞌ ku pim baꞌ cham Dios ka tɨꞌñcho.