LUUKAS 5:38 - Tepehuano Tepehuán del Sureste (Durango)

³⁸ Puiꞌ kum baꞌ xixiibkam jajooꞌ bhaan tu aidhaꞌ gu biiñ gux oꞌjoꞌ guiꞌ nam biiñ chaꞌm tu juan na baꞌ cham xixiipñiaꞌ.

LUUKAS 5:38 ပူးပေါင်းရင်းမြစ်များ

MATEO 9:17

Ni gu biiñ gux oꞌjoꞌ ku cham mim tuaꞌba bhaan gu kɨklhiꞌñgaꞌn jajoꞌ bopko, na guꞌ pu xi xipñiaꞌ noꞌt jax dhuukat mim tua gux oꞌjoꞌ, bar tuꞌ kub kaꞌ baꞌ gu biiñ na bam nuꞌaaꞌ, gio gu jajoꞌ bopko ba puiꞌ ɨp na guꞌ ba saaskiaꞌ, pu cham tuꞌ ka bhaiꞌn kaꞌ. Puiꞌ ku baꞌm aaꞌ na xixiibkam jajoꞌ bopko bhaan jum tuꞌaidhaꞌ gu biiñ gux oꞌjoꞌ na baꞌ cham jax jum duñiaꞌ.

LUUKAS 5:37

Ni gu biiñ gux oꞌjoꞌ ku cham jaroiꞌ bhaan tuaꞌba gu kɨklhiꞌñgaꞌn jajooꞌ, pu xixiipñiaꞌ guꞌ noꞌt jax dhuuk bhaan tua, na guꞌ cham ka kaapak kaꞌ, tuꞌ kub baꞌ gu biiñ nam nuꞌaaꞌ gio gu jajooꞌ na ba xixiipñiaꞌ.

LUUKAS 5:39

Gio guꞌ gu jaroiꞌ noꞌ pu gammɨjɨ ioꞌ gu biiñ gux oꞌjoꞌ, cham tuꞌ joidham dɨɨkdaꞌ gu kuugaꞌn noꞌ tɨip xi ioꞌ, na guꞌ cham puiꞌ mat kaꞌ. Jup kaiꞌchdhaꞌ guꞌ noꞌ jaroiꞌ tɨi xi maak: “Cham ji na iꞌoob dhi kuugaꞌn, gux oꞌjoꞌ ji nañ joidham dɨɨk.”

2 KORIINTO KAM 5:17

Puiꞌ ku baꞌ gu jaroiꞌ noꞌt ba tɨ jɨɨꞌñ buiñor guch Xoiꞌkam, bar maakam tuꞌm kaꞌ iiꞌmdagaram bhaan, cham tuꞌ puiꞌ kiaꞌ na jax bɨɨpɨꞌ dɨr. Jaꞌp ji buusniaꞌ na jumai maaꞌnkam xibkam jup jum duñiaꞌ.

GALAASIA KAM 2:4

Jix maat iñ guꞌ nam jaiꞌ dhɨt bhaiꞌp oipodaꞌ guiꞌ nam sap puiꞌp tɨ jɨɨgiꞌñdhaꞌ tɨi buiñor guch Xoiꞌkam, guꞌ nam jax dhui bhaiꞌch maiꞌchidhaꞌ nach sap gio miꞌ puiꞌp tu dagiaꞌ nam jɨꞌk jax tu jim gu Israel kam jaꞌtkam guiꞌ nam cham tɨ jɨɨgiꞌñ buiñor guch Xoiꞌkam. Tɨi chian am guꞌ gu Tiito nam matgilhdhaꞌ na baꞌ jaiꞌp bar Israel kam maaꞌnkam kaꞌ. Jax dhui na guꞌ aach dhiꞌ puiꞌ jaꞌk cham kam aaꞌ nach puiꞌ ka tu buadaꞌ, cham tuꞌch dhaam kap tuꞌiiꞌ guꞌ puiꞌ nam jax jaꞌk tu jim, nat guꞌ aach guch Xoiꞌkam miꞌ dhɨr bach boosolh. Baꞌ dhiꞌ bhaan jix maatɨꞌ nam cham tuꞌ sɨlhkam buiñor tɨ jɨɨgiꞌñdhaꞌ guch Xoiꞌkam, nam puiꞌ pɨx xi iatat jix xɨꞌlhim bha jaꞌp jich iatgiꞌñ.

1 TIMOTEO 4:8

Na guꞌ dhiꞌ jaꞌpni ji buusan na jax yaꞌ maaxik jich chutkuꞌ bhaan nam aaꞌndaꞌ nach jaꞌp xi oipodaꞌ nach jich xɨɨsɨsdaꞌ na baꞌx bhaiꞌ tu tatdaꞌ kaꞌ, sia ku guꞌ cham pɨk jum aaꞌ dhich chutkuꞌ nach jix bhaiꞌ ja buadaꞌ. Guꞌ matgɨm guch iꞌiiꞌmdaꞌx ioꞌm ji nam aaꞌ nach jix bhaiꞌ ja duñiaꞌ na baꞌx bhaiꞌ tuch jimdaꞌ yaꞌ nach ka dudua dhich chuukuꞌ bhaan gio gatuuk jich iꞌiiꞌmdaꞌ bhaan.

NAT JAX TƗ TƗƗ GU JUAN 21:5

Baꞌ gux ioꞌm Gɇꞌkam na bhaiꞌ daa atooxkor taꞌm jup kaiꞌch: ―Bɨɨx jañich ba tu pataasa, cham tuꞌ puiꞌ kiaꞌ na jax bɨɨpɨꞌ dɨr. Miꞌ dhɨr baꞌp jiñ chɨtda aañ: ―Bɨɨx jap dhiꞌ miꞌ xi dhaasaꞌ nañ jax kaiꞌch, nañ guꞌ sɨlhkam jup kaiꞌch.