LUUKAS 5:17 - Tepehuano Tepehuán del Sureste (Durango)

¹⁷ Baꞌ jɨꞌk jurniꞌñ kɨꞌn maakam jaꞌk jup ba tu ja aꞌgiꞌñ gu Jesuus gu jaꞌtkam. Muiꞌ miꞌp tuꞌiiꞌ am guiꞌ nam sap jix mat kaꞌ gu ñioꞌkiꞌñ gu Dios gio guiꞌ nam pariseos jum tɨɨtɨꞌndaꞌ, muiꞌ kap dɨr mi ai mɨt guꞌ gu jaꞌtkam na jɨꞌx jir Galilea gio na jɨꞌx jir Judea dɨr, sia Jerusaleen dɨr jamɨt miꞌp xi ai. Baꞌ gu Jesuus jix maatɨꞌ kaꞌ na bɨɨx aixim jix bhaaiꞌn kaꞌ na pu tu duñiaꞌ na jax ɨlhiiꞌñdhaꞌ, na guꞌ ja duduadhiꞌñdhaꞌ gux kakoꞌkkam.

LUUKAS 5:17 ပူးပေါင်းရင်းမြစ်များ

MATEO 11:5

Jaꞌp japim tɨɨdaꞌ na ñich tu ja tɨɨꞌñchoda guiꞌ nam cham ñiññia kat, gio baꞌ guiꞌ na tootolhidhat ka gakiidhat gu ja tutkuꞌ na ñich bɨɨx jup ja duduaꞌñ. Gio baꞌ guiꞌ nam kax mamaꞌmkulhiꞌ kat nam pu cham tu oipot, bɨɨx japim jup xi aagiꞌñdhaꞌ na ñich ja duduaꞌñ, gio baꞌ jaiꞌ guiꞌ nam cham tɇ kɇɇkɇt. Gio baꞌ jaiꞌ guiꞌ nam ba koꞌiix kat na ñich bɨɨx jup ja baapmiꞌ ja duduaꞌñdhak. Gio baꞌ nañ tu ja aꞌgiꞌñdhaꞌ gux bhaiꞌm kaiꞌchdham ñioꞌkiꞌñ gu Dios guiꞌ nam cham tuꞌ biaꞌ nam gampaiꞌ tuꞌm, nam soiꞌ pɨx jum ɨlhiiꞌñ, nañ ja aagiꞌñdhaꞌ nam jax jaꞌk duñiaꞌ nam baꞌ jimiaꞌ jix dhaam jaꞌk buiñor.

MATEO 15:1

Baꞌ janoꞌ jɨꞌkchi miꞌp ba ji bubua mɨt buiñor gu Jesuus bhammɨ dɨr jaꞌk Jerusaleen guiꞌ nam pariseos jum tɨɨtɨꞌndaꞌ gio baꞌ guiꞌ nam sap jix mat kaꞌ gu ñioꞌkiꞌñ gu Dios, baꞌx bhaakut bhaiꞌ ba tɨkka am gu Jesuus, jup kaiꞌch am:

MAARKOS 1:45

Guꞌ ji na guꞌ guiꞌ moo janoꞌ nat jax jii, pɨx jaꞌx ja aagiꞌñ gu jaꞌtkam. Giilhim bɨɨx puiꞌ bax chu maat am. Baꞌ puiꞌ miꞌ pup oirɨ gu Jesuus gampɨx, mɨjɨ jaꞌp tɨbiappudaꞌ, na guꞌ cham ka aaꞌ na maaxik bhammɨ jaꞌp oirɨdaꞌ gɇꞌgɇr kikcham. Ku guꞌ puiꞌ pɨx muiꞌ miꞌp aajidhaꞌ am ji na paiꞌ oirɨdaꞌ.

MAARKOS 16:18

Gio baꞌ na cham jɨꞌxkat iaꞌñdhaꞌ noꞌt tuꞌ koꞌ ba kɨi maadɨt. Piam noꞌt jax dhuuk juu gu paꞌch, cham tuꞌ maimtudaꞌ. Gio baꞌ nam ja duduadhiꞌñdhaꞌ gux kakoꞌkkam, dai nam bhaiꞌ pɨx xi ja daꞌngɨdaꞌ, pu duduardaꞌ am.

MAARKOS 3:22

Guꞌ baꞌ gu Jerusaleen kam na mɨt miꞌp ai guiꞌ nam sap jix mat kaꞌ gu ñioꞌkiꞌñ gu Dios, maakam jup aiꞌchuxiꞌñ am gu Jesuus, jup kaiꞌch am na sap jajoꞌk gu ja gɇꞌkam tuk bhaan jup tuiꞌdhiꞌ, puiꞌ sap kum baꞌx jɨɨgiꞌñ gu cham kɨkɨɨꞌ iꞌiiꞌmdaꞌ na maiꞌ ja jootos ja aꞌm dɨr gu jaꞌtkam jix ñanaanbigɨm.

MAARKOS 5:30

Guꞌ ji na guꞌx bhaiꞌx maat gu Jesuus nat maadɨt ba duaꞌñ gu jaroiꞌ nat jax bha dhaa jannulhiran, na guꞌx ioꞌm jir gɇꞌkam. Baꞌ jaꞌk gɨɨsɨk jup ja tɨtda gu jaꞌtkam: ―¿Jaroo bhañ dhaa jiñ jannulh am?

MAARKOS 7:1

Baꞌ janoꞌ na miꞌ ka oirɨ gu Jesuus, miꞌ ba ai mɨt bhammɨ dɨr jaꞌk Jerusaleen guiꞌ nam pariseos jum tɨɨtɨꞌndaꞌ gio baꞌ guiꞌ nam sap jix mat kaꞌ gu ñioꞌkiꞌñ gu Dios.

LUUKAS 15:2

Baꞌ gu pariseos gio guiꞌ nam sap jix mat kaꞌ gu ñioꞌkiꞌñ gu Dios miꞌ dhɨr jaꞌp jix bhaamut aꞌgichuꞌ am gu Jesuus, jup kaiꞌch am: ―Jaiñ dhiꞌ na saak miꞌ puiꞌ jim na jax jix aaꞌ gu Dios, joidham cham jax ji ja ɨlhdhat ja bɨɨm tu kuaꞌ gux uꞌuaꞌtulhdhix kam.

LUUKAS 2:46

Nammɨ baik tanoolh kɨꞌn baꞌ ka tɨɨ mɨt bhaiꞌ gɇꞌ chiop na ja saagiꞌñ daa guiꞌ nam sap jix mat kaꞌ gu ñioꞌkiꞌñ gu Dios, ja kɇɇ nam aagiꞌñ gu ñioꞌkiꞌñ gu Dios na bha ja tɨkka.

LUUKAS 5:21

Baꞌ guiꞌ nam sap jix mat kaꞌ gu ñioꞌkiꞌñ gu Dios gio guiꞌ nam pariseos jum tɨɨtɨꞌndaꞌ, jup jum aaꞌ am ja jujur am bhaan: “¿Jax baꞌm ɨlhdhat puiꞌ kaiꞌch dhi maaꞌnkam? ¿Dios aam ɨlhiiꞌñ? ¿Jax gi dhuip ba uañchudaꞌ gu uaꞌtulhdharaꞌ gu jaroiꞌ yaꞌ kam pu chuꞌm ɨp jix uaꞌtulhdhix kam? Dios dho gi jɨɨꞌ ji.”

LUUKAS 5:30

bax bhaak am guiꞌ nam sap jix mat kaꞌ gu ñioꞌkiꞌñ gu Dios gio guiꞌ nam pariseos jum tɨɨtɨꞌndaꞌ na mɨt ba ja tɨɨ, jup ja tɨtda am guiꞌ nam kaichuꞌ gu Jesuus: ―¿Jax ku pim baꞌ gan ja bɨɨm tu kuaꞌ dhi tuumiñ tutaandam tugiꞌñ gux ioꞌm gɇꞌkam Rooma kam gio dhi jaiꞌ jaꞌtkam nam cham tuꞌ kaꞌm tɨ nɨiꞌñ? Giilhim jix uꞌuaꞌtulhdhix am.

LUUKAS 6:19

Baꞌ nam nɨiꞌñdhaꞌ gux kakoꞌkkam na pɨx ji ja duduaꞌñdhidhaꞌ gu Jesuus gu jaiꞌx kakoꞌkkam, pɨx jum tutkiꞌñdhaꞌ am nam bhax dhaagik kaꞌ, na guꞌ sia kut jaroiꞌ bhaiꞌ pɨx xi dhaa, pu maaꞌn jimdam dodhiaꞌ, na guꞌ jax ña pɨx jaꞌk jix bhaaiꞌ na pu dui duaꞌñdhaꞌ gu jaroiꞌ gu Jesuus, na guꞌr gɇꞌkam.

LUUKAS 7:30

Dai baꞌ guiꞌ nam pariseos jum tɨɨtɨꞌndaꞌ gio guiꞌ nam sap jix mat kaꞌ gu ñioꞌkiꞌñ gu Dios, cham kɨɨgalh jamɨt gu Juan, nam guꞌ cham tɨ jɨɨgiꞌñdhaꞌ na tɨi ja aagiꞌñdhaꞌ na jax jaꞌk jix joiꞌmdat ja aꞌm ba tɨ nɨidhidhaꞌ gu Dios, pu cham chia mɨt baꞌ na ja bopkonaꞌ.

LUUKAS 8:46

Guꞌ ji na guꞌ gu Jesuus jix maat nat jaroiꞌ maadɨt jix koꞌkkam bha dhaa, jup kaiꞌch: ―Jaꞌpji guꞌ moo maadɨt jix koꞌkkam nat bhañ dhaa, taat iñ guꞌ nat jiñ aꞌm dɨr buus guiꞌ nañ kɨꞌn bɨxchuꞌx bhaaiꞌ nañ pu tu duñiaꞌ.

JUAN 3:10

Baꞌ gu Jesuus jup tɨtda: ―¿Gi jax jum duu pich jiñ jaduuñ? Nap saak aap maadɨt jir diꞌ gu ja gɇꞌgɇrkam tuk gu jaꞌtkam yaꞌ dhi Israel, na baꞌ puiꞌ ni jɨꞌx kup jix maatɨt jiñ kɇɇ nañ jax kaiꞌñkam jup jum tɨtda.

JUAN 3:21

Dai guiꞌ nam jɨꞌk tuꞌ kaꞌm nɨiꞌñ nam baꞌ buiñor xip tuiꞌdhiꞌ guiꞌ na joidham gɇꞌ tanoor. Dhiꞌ baꞌ bhaan jix maatɨꞌ nam miꞌ puiꞌ jiimchuꞌ na jax jix aaꞌ gu Dios.

GU NOONBIꞌÑ GUCH XOIꞌKAM 19:11

Baꞌ joidham jix kɨɨꞌp jum duukam jix bhaiꞌ xi chu buadaꞌ gu Paablo, na guꞌ palhbuiꞌñdhaꞌ gu Dios, na guꞌ bhaan tɨ nɨidhidhaꞌ.

GU NOONBIꞌÑ GUCH XOIꞌKAM 4:30

Gio baꞌ nap puiꞌ jaꞌk jup tu duñiaꞌ nach ja duduadhiꞌñdhaꞌ gux kakoꞌkkam bhaankamuꞌn gu Jesuus guiꞌ nar jum mar, gio baꞌ na bɨɨx aixim jix bhaaiꞌn kaꞌ nach pu tu duñiaꞌ gux kɨɨꞌp jum duukam. Jaꞌpni daipuꞌ.

GU NOONBIꞌÑ GUCH XOIꞌKAM 5:34

Guꞌ ji na guꞌ moo ampɨk miꞌp tuꞌiiꞌ ja bui maaꞌn gu pariseo, Gamalial tɨɨgim, na sap jix mat kaꞌ gu ñioꞌkiꞌñ gu Dios, gio nam bɨɨx pɨx tuꞌ kaꞌm nɨiꞌñdhaꞌ gu jaꞌtkam. Baꞌ dhiꞌ jɨꞌ dhi Gamalial jotmodaꞌ nat jax kɨkbo xi chu chia nam alhio miꞌ dhɨr ka xi ja bubuaxdhaꞌ gu noonbiꞌñ guch Xoiꞌkam.