LUUKAS 5:14 - Tepehuano Tepehuán del Sureste (Durango)

¹⁴ Baꞌ xi sooꞌmchulhdhak gu Jesuus na cham jaroiꞌ aagiꞌñdhaꞌ nat duaꞌñ, jup tɨtda: ―Chaꞌp jaroiꞌ aagiꞌñdhaꞌ na ñich aañ jum duaꞌñ. Sɨlh jap pɨx jimiaꞌ mu chiop na paiꞌ daa guiꞌ na ja aꞌmkam tu daandaꞌ dai gu Israel kam jaꞌtkam, na baꞌm tɨgiaꞌ na pich ba dua. Baꞌ noꞌ jax kaiꞌch nap bax kɨɨꞌ, tɨ tɨkiaꞌ ap na jax jaꞌk aagix nat tu uaꞌnak gu Moisees nam baꞌ bhaan machiaꞌ gu jaꞌtkam na cham tuꞌ kam ɇɇ gu koꞌkdaiꞌ dhiꞌ na jax chuꞌm jum ɇɇkat.

LUUKAS 5:14 ပူးပေါင်းရင်းမြစ်များ

MATEO 10:18

Gio baꞌ gux ioꞌm gɇꞌgɇrkam ja buim jup jam uiꞌkaꞌ noꞌm xi ɨlhiiꞌñ. Baꞌ dhi puꞌñi jaꞌk jiñ aꞌmkam tu ja aꞌgidhaꞌ pim gu gɇꞌgɇrkam jum aaꞌndam gio baꞌ guiꞌ nam cham tuꞌ kaꞌm nɨiꞌñ gu Dios.

MATEO 12:16

Baꞌ xi ja sooꞌmchulhdhidhat nam sap cham jaroiꞌ aagiꞌñdhaꞌ nat jaroiꞌ ja duduaꞌñ.

MATEO 8:4

Baꞌ xi sooꞌmchulhdhak ɨp na sap cham jaroiꞌ aagiꞌñdhaꞌ nat duaꞌñ, jup tɨtda: ―Dai nap moo cham jaroiꞌ aagiꞌñdhaꞌ na ñich aañ jum duaꞌñ. Dai nap sɨlh jimiaꞌ pɨx mu na paiꞌr chiop na paiꞌ daa guiꞌ na ja palhbuiꞌñ gu Israel kam jaꞌtkam nam tu daandaꞌ buiñor gu Dios, na baꞌm tɨgiaꞌ nap bax kɨɨꞌ. Xi chɨkkadaꞌ ap. Baꞌ noꞌ jax kaiꞌch nap bax kɨɨꞌ, dho guꞌ dai dho nap tu makgɨrtaꞌ na jax tu aagix nat tu uaꞌnak gu Moisees nam baꞌ bax mat kaꞌ gu jaꞌtkam na pich ba dua na kam ɇɇkat gu koꞌkdaiꞌ.

MATEO 9:30

Baꞌ miꞌ jotmodaꞌ bhaiꞌ ji ñiññiata mɨt nat jax pu ja tɨɨꞌn gu Jesuus, jix kɨkɨɨꞌ dho guꞌp jum duu mɨt. Baꞌ xi ja sooꞌmchulhdhak nam sap cham jaroiꞌ aagiꞌñdhaꞌ nat ja duduaꞌñ, jup ja tɨtda: ―Dai na pim moo cham jaroiꞌ aagiꞌñdhaꞌ na ñich jam duduaꞌñ.

MAARKOS 1:44

―Dai nap moo cham jaroiꞌ aagiꞌñdhaꞌ na ñich aañ jum duaꞌñ. Dai nap sɨlh jimiaꞌ bhammɨ na paiꞌ daa guiꞌ na jaiꞌ ja palhbuiꞌñdhaꞌ gu Israel kam jaꞌtkam nam tu daandaꞌ buiñor gu Dios, na baꞌm tɨgiaꞌ na pich ba dua. Xi chɨkkadaꞌ ap. Noꞌ jax kaiꞌch nap bax kɨɨꞌ, dai nap tu makgɨrtai tɨtɨkiaꞌ na jax jaꞌk aagix nat tu uaꞌnak gu Moisees, nam baꞌ bax mat kaꞌ gu jaꞌtkam nat ba buus gu koꞌkdaiꞌ dhiꞌ nap kɨꞌn kax kaꞌook kat.

MAARKOS 6:11

Piam ku pimɨt guꞌ miꞌ pɨk ai nam paiꞌ cham jam kɨɨgalhiꞌñdhaꞌ, nam cham jɨꞌx jam kaim kaꞌ, pu jimiaꞌ pim maakam jaꞌk, dai na pim xi xiixkai gu dɨbɨɨr mi jam tooton am na pim jax gamaiꞌ ji jimiaꞌ, na baꞌ bhaan jix maatɨꞌ kaꞌ na mɨt cham jam kɨɨgalh. Tuꞌ sɨlhkam kɨꞌn jañ yaꞌ jam aagiꞌñdhaꞌ, chaꞌpim jax jum aaꞌndaꞌ sia kum jaiꞌ cham jam kaim. Na guꞌ janoꞌ na paiꞌ dhuuk jum aayaꞌ na tum kuugalhdhaꞌ yaꞌ dhi oiꞌñgaꞌn nam baꞌ puiꞌ tɨi bam aaꞌndaꞌ, nam guꞌ giilhim jum tulhiiñaꞌ jix ioꞌm, cham tuꞌ puiꞌ na gu Sodooma kam gio gu Gomorra kam.

LUUKAS 17:14

Baꞌ nat ba ja tɨɨ gu Jesuus, jup ja tɨtda: ―Ja bui pim xi jimiaꞌ guiꞌ nam ja aꞌmkam tu daandaꞌ dai gu Israel kam jaꞌtkam bhaiꞌ gɇꞌ chiop, nam jam tɨgiaꞌ na pim bax kɨkɨɨꞌ. Baꞌ nam gamaiꞌ ka jiimchuꞌ, joidham jix bhaiꞌ bhaiꞌ ji chu tatdat, bax kɨkɨɨꞌ gu ja tutkuꞌ nam xim nɨnɨiꞌñ.

LUUKAS 5:13

Baꞌ gu Jesuus jix joiꞌmdak tɨɨ, bhaiꞌ xi dhaagɨk jup tɨtda: ―Jum duaꞌñdhaꞌ iñ ji matgɨm, chaꞌp jax jum aaꞌndaꞌ. Jaña, bam duaꞌñ jañich. Baꞌx kɨɨꞌp jum duu miꞌ jotmodaꞌ, daipuꞌ nat xi chɨɨꞌn gu Jesuus, pu cham paiꞌ matgir guiꞌ na kɨꞌn kax kaꞌook kat.

LUUKAS 9:5

Baꞌ noꞌm cham jam kɨɨgalhiꞌñ mu paiꞌ jax chuꞌm kikcham, moo janoꞌ pim pu jimiaꞌ miꞌ dhɨr, dai na pim ja nɨiꞌñchudat xi xiixkai gu dɨbɨɨr na miꞌ ba gɨxiaꞌ jam tooton am, nam baꞌ dhiꞌ bhaan tɨꞌñchoꞌ ɨp gio gatuuk na dɨɨlh jir ja kuiñcha na mɨt cham jam kɨɨgalh.