LUUKAS 5:10 - Tepehuano Tepehuán del Sureste (Durango)

¹⁰ Sia guiꞌ mɨt jup jix chootoꞌn na mɨt ja bai nam jaiꞌ tu iichaꞌ, na Jakoobo tɨɨꞌ gio jumai Juan, jir maamraꞌn maaꞌn Sebedeo tɨɨgim. Gu Jakoobo gio gu Juan maap gu Simoon Peegro naiꞌ pu tu bhibhiijidhaꞌ am bhaan gu dɨɨlh ja kaꞌknubiꞌ. Baꞌ gu Jesuus jup tɨtda: ―Chaꞌp ka toodon kaꞌ, nap guꞌ aap xib dɨr jaꞌp jaꞌk dai gu jaꞌtkam pɨx ba ja bhiadaꞌ jaꞌp na gu boptop.

LUUKAS 5:10 ပူးပေါင်းရင်းမြစ်များ

MATEO 13:47

’Gio jaꞌpni jaꞌk jup ji busaak gu jaroiꞌ noꞌ bhaan tɨ nɨidhim gu Dios, na jax gu jaꞌtkam noꞌm mu paiꞌ tu bhia gu boptop, noꞌ mɨt muiꞌ xi bua suudaiꞌ chɨr gu gɇꞌ asaak nam bɨɨx aixim tuꞌm mim gaamuꞌ gu boptop.

MATEO 14:27

Guꞌ ji nat guꞌ jotmodaꞌ mu ñio gu Jesuus, jup ja tɨtda: ―Chaꞌpim totdon kaꞌ. Aañiꞌ pɨx jup tuiꞌdhiꞌ.

MATEO 20:20

Baꞌ gu bɨngaꞌn gu Sebedeo xi ja baidhak gu maamraꞌn muiꞌ ji ai miꞌ na paiꞌp tuꞌiiꞌ gu Jesuus, baꞌ mi jaꞌp oꞌlhiaꞌn kɨꞌn xi kɨkbok soiꞌ jim duu.

MATEO 4:19

Baꞌ ba ja baidhim gu Jesuus nam sap kaichgɨdaꞌ, jup ja tɨtda: ―Aañ puiꞌ ɨlhiiꞌñ jiñ jaaduñ na pim xib dɨr jaꞌp jaꞌk bañ kaichgɨdaꞌ na pim baꞌ bar jaꞌtkam bhiadam kaꞌ, na pim tu ja aꞌgidhaꞌ gux bhaiꞌm kaiꞌchdham ñiꞌook. Baꞌ guiꞌ nam jɨꞌk tɨ jɨɨꞌñdhaꞌ, puiꞌ ji buusniaꞌ na pim ba ja bhiaꞌ jaꞌp na gu boptop.

MATEO 4:21

Baꞌ gammɨjɨ gu bɨɨx juꞌñdharan gu gɇꞌ suudaiꞌ nam gamaiꞌ jiim, jaiꞌ miꞌp ba ja tɨɨ gu Jesuus gook gu jaꞌtkam nam puiꞌp jir jum sɨspidhim. Baꞌ maadɨt jir diꞌ gu Jakoobo, gu jumai baꞌr Juan, guiꞌ nam jir maamraꞌn gu Sebedeo. Baꞌ bhaiꞌ gɇꞌ kanuub taꞌm ji dharaat jix bhaiꞌ ka ja bua am gu gɇꞌgɇr ja aꞌsak guiꞌ nam kɨꞌn tu bhiadaꞌ gu boptop. Baꞌ gu Jesuus puiꞌp ba ja tɨtda nat jax ja tɨɨdak ja baidhak gu jaiꞌ.

MAARKOS 1:17

Baꞌp ja tɨtda gu Jesuus: ―Aañ puiꞌ ɨlhiiꞌñ jiñ jaaduñ na pim xib dɨr gammɨjɨ bañ kaichgɨdaꞌ, na pim baꞌ jaiꞌñ palhbuidhaꞌ nañ tu ja aꞌgidhaꞌ gu jaꞌtkam. Bar jaꞌtkam bhibhiadam kaꞌ pim pɨx baꞌ, cham tuꞌ boptop bhibhiadam kiaꞌ, na guꞌ guiꞌ nam jɨꞌk ba tɨ jɨɨꞌñdhaꞌ na pim jɨꞌk jax tu ja aꞌgidhaꞌ, dhiꞌ jaꞌp ji buusniaꞌ na pim ba ja bhiaꞌ.

LUUKAS 5:7

Baꞌ cham bha aajim gu dai maaꞌn kaꞌm gu kanuub, ma ja bañioꞌra mɨt guiꞌ nam mummɨ juꞌñdharam oipo nam mu bhɨikaꞌ gu ja kanuub nam jaiꞌ tu iichaꞌ. Jupaaban jamɨt xi ja juꞌñ gu boptop bhaan gu gook kaknub taꞌm, pɨx jix baapkimtuꞌ nam mu jaꞌk ba ja uaꞌ juꞌñdharam.

LUUKAS 5:9

Jix chooꞌn guꞌ gu Simoon Peegro ja bɨɨm guiꞌ nam gammɨjɨ maap pu tu bhibhiadaꞌ bhaan gu kanuub gaꞌn, nam guꞌ cham jɨꞌxkat jaꞌkbuiꞌ ja bhiadat gu boptop.

LUUKAS 6:14

Gu Simoon maadɨt jir diꞌ nat aa nar nobiiꞌñ kaꞌ, guiꞌ na gook kɨꞌn jix mat kaꞌ gu Jesuus, Simoon Peegro tɨɨtɨꞌndaꞌ. Miꞌ dhɨr baꞌ gu Anrees jup aa, guiꞌ nam jir jum jajaaꞌnnim gu Simoon Peegro. Miꞌ dhɨr baꞌ gu Jakoobo. Miꞌ dhɨr gu Juan. Miꞌ dhɨr gu Piliip. Miꞌ dhɨr gu Bartolomee.

JUAN 21:2

Maap miꞌ ka oipo am gu Simoon Peegro, gio baꞌ gu Tomaas guiꞌ nam Gook Dɨm jup jix mat kaꞌ, gio gu Natanail guiꞌ nar Kanaa kam na Galilea dɨbɨɨr bhaan bipioꞌ, gio baꞌ gook gu maamraꞌn gu Sebedeo, gio jaiꞌ gook pup nam puiꞌp kaichuꞌ gu Jesuus.

GU NOONBIꞌÑ GUCH XOIꞌKAM 2:4

na guꞌ dhiꞌ bak gux Dhuuduꞌ kam jix Uañ Iiꞌmdaꞌ nat bɨɨx ja aꞌm bam tajaa. Miꞌ dhɨr baꞌ dai na mɨt bhaiꞌ ji chu ja aꞌgi gu jaꞌtkam jaiꞌ ñiiñioꞌk kɨꞌn bɨɨx aixim na jax jaꞌk ja mattuꞌn gux Dhuuduꞌ kam jix Uañ Iiꞌmdaꞌ.

2 KORIINTO KAM 8:23

Gu Tiito aañ jiñ buir jix kɨɨꞌ maaꞌnkam, jam aꞌmkam maap tu juan ich na baꞌx bhaiꞌ tu jam jimdaꞌ. Baꞌ dhi jaiꞌ gook nam bɨɨmaꞌn mu jiimdaꞌ gu Tiito, gu jaiꞌch Xoiꞌkam jɨɨgiꞌñdham jamɨt dhiꞌ kɨꞌn ja darai, miꞌ pɨx baꞌ puiꞌp tu duiñchuꞌ am na jax jix aaꞌ guch Xoiꞌkam.

2 TIMOTEO 2:26

Na guꞌ jaꞌp ji buusniaꞌ nam bhaiꞌ ji ñiññiaꞌ noꞌ mɨt jix bhaiꞌ ba maat na jax jir sɨlhkam, ba machiaꞌ am guꞌ na tɨɨꞌngikar tɨr ja biaꞌkaꞌ gu jaꞌook. Miꞌ dhɨr ji boopoyaꞌ am baꞌ, na guꞌ miꞌ baꞌ ja biaꞌkat ja iatgiꞌñdhaꞌ na baꞌ puiꞌ ja duiñchuꞌndaꞌ na dɨɨlh jax ɨlhiiꞌñdhaꞌ.