LUUKAS 4:21 - Tepehuano Tepehuán del Sureste (Durango)

²¹ Baꞌp ja tɨtda gu Jesuus: ―Dhiꞌ na pimɨt jɨꞌk jax kai na ñich jam jiñkaix gu ñioꞌkiꞌñ gu Dios, xib yaꞌ puiꞌ ba tu tuiꞌdhiꞌ.

LUUKAS 4:21 ပူးပေါင်းရင်းမြစ်များ

MATEO 13:14

Baꞌ dhiꞌ ja bui puiꞌ ba tum kuugalh nat jax tu uaꞌnak gu Isaiiyas guiꞌ na bɨjɨk bhaankam tu aꞌgimɨk gu Dios na jaꞌpnim kaiꞌch: Noꞌm tɨi tɇ kɇɇ, cham maatɨt kaayaꞌ am, gio noꞌm tɨi jax tɨ nɨiꞌñ, cham maatɨt tɨgiaꞌ am na jax jir jum duukam kaꞌ.

LUUKAS 4:20

Baꞌ nat tɨɨmok gu Jesuus nat ja jiñkaix, giop xi ñansapak gu uꞌuan mu jaꞌk xi maakak guiꞌ na miꞌr tujuandam chiop mi jaꞌp ji dhaibu ɨp gio. Guꞌ ji nam guꞌ bha tɨ nɨiꞌñ gu jaꞌtkam nam tɨ nɨɨra na ja aagiꞌñdhaꞌ na jax kaiꞌñkam jup jum kaiꞌch miꞌ nat paiꞌ ja jiñkaix.

LUUKAS 4:22

Baꞌ pɨx jix bhaiꞌm taat am bɨɨx gu jaꞌtkam nam miꞌp tuꞌiiꞌ nam joidham kɇɇ na tu aꞌga gu Jesuus, pɨx jup jum tɨ tɨtda am: ―¿Dhiꞌ aa gu Josee gu maraaꞌn?

JUAN 5:39

sia ku tɨir maaꞌn na pim tu jiñkuiꞌñdhaꞌ gu ñioꞌkiꞌñ guñ Gɨꞌkoraꞌ na pim sap pɨk baꞌ tɨix maachik na jax jaꞌk gammɨjɨ jam aꞌm tɨ nɨidhidhaꞌ. Matgam gɇɇꞌ jam aꞌm kam aaꞌ ji na pim baꞌx bhaiꞌ ba machiaꞌ. Tɨɨꞌ na pim guꞌ chakui maatɨt kɇɇ na aañ jiñ aagɨt jup kaiꞌch mi uꞌuan taꞌm na tu uaꞌñix,

GU NOONBIꞌÑ GUCH XOIꞌKAM 3:18

Guꞌ dhiꞌ nat jax dhuukat pɨx puiꞌ jaꞌk ba tu kuugalh ji gu Dios na jax puiꞌ pu ba kaiꞌchdhaꞌ bɨjɨk dɨr ja aꞌm jim uaꞌrgidhat guiꞌ nam bhaankamuꞌn tu aꞌgadaꞌ, nam puꞌñi kaiꞌchdhaꞌ na saak gatuuk puꞌñi jich aꞌmkam bam tulhiiñaꞌ guch Xoiꞌkam.