LUUKAS 3:14 - Tepehuano Tepehuán del Sureste (Durango)

¹⁴ Baꞌ jɨꞌk ɨp gu sandaaruiꞌx miꞌ dhɨr jaꞌp bhaiꞌp ba tɨkka am, jup tɨtda am: ―¿Aach gi, jax jaꞌk jach jup xi chu buadaꞌ na baꞌ puiꞌ cham jup jich chulhiiñchudaꞌ gu Dios? Baꞌ gu Juan jup ja tɨtda: ―Dho na pim cham jaroiꞌ jaꞌp pɨx bha taandaꞌ gu namkiꞌ noꞌ pim jix maat nat cham tuꞌ jax dhuu, ni ku pim cham tuꞌ kɨꞌn ji iattulhdhai mu paiꞌ ba kɨksaidhaꞌ na pim tañiidhaꞌ. Jaꞌkbuiꞌ pim pɨx kɨꞌn jix bhaiꞌm taat kaꞌ na pim jɨꞌk maiꞌchɨk.

LUUKAS 3:14 ပူးပေါင်းရင်းမြစ်များ

MATEO 8:5

Baꞌ nat jax mummɨ ai gu Jesuus na paiꞌr Kapernaum, miꞌ ba ai buiñor maaꞌn gu ja gɇꞌkam tuk gu sandaaruiꞌx Rooma kam. Baꞌ soiꞌ ba tɨtda gu Jesuus,

LUUKAS 19:8

Baꞌ gu Sakeo xi kɨkbok jup tɨtda gu Jesuus: ―Aañ jaꞌpni ɨlhiiꞌñ jiñ jaduuñ. Bɨɨx nañ jɨꞌk tuꞌ tu biaꞌ, ɨrban juugɨt jañ ja makiaꞌ guiꞌ nam cham tuꞌ biaꞌ ni jɨꞌx. Guꞌ baꞌ noꞌ ñich jaroiꞌ tuꞌ ɨɨx, maakobim jaꞌkbuiꞌñ jaꞌk buidhaꞌ jɨꞌk nañ tɨ ɨɨxdhaꞌ.

LUUKAS 3:10

Baꞌ gu jaꞌtkam nam miꞌp tuꞌiiꞌ bhaiꞌ ba tɨkka am, jup tɨtda am: ―¿Guꞌ jax jach baꞌ jaꞌk xi chu buadaꞌ nach baꞌ cham jich chulhiiñaꞌ jich jaduuñ?

LUUKAS 3:13

Baꞌ gu Juan jup ja tɨtda: ―Dho na pim cham jaꞌp pɨx ja chiandaꞌ gu jaꞌtkam nam muiꞌ tu namkiꞌñdhaꞌ na pim jix aagɨt na jaiꞌ jam aꞌm biꞌiidhaꞌ, daipuꞌ ji na jɨꞌk pɨx aagix nam tu namkiꞌñdhaꞌ.

GU NOONBIꞌÑ GUCH XOIꞌKAM 10:7

Baꞌ daipuꞌ nat puꞌñi xi chɨɨdak gu nobiiꞌñ gu Dios, pu cham paiꞌ ka matgir. Baꞌ gu Korneelio ba ja bai gook gu tujuandam tugiꞌñ gio baꞌ maaꞌn gu sandaaruiꞌx chugiꞌñ guiꞌ na gammɨjɨ tuꞌ kaꞌm nɨiꞌñdhaꞌ gio baꞌ na puiꞌ gammɨjɨp tu daandaꞌ buiñor gu Dios.

PILIIPOS KAM 2:15

na baꞌ cham tuꞌx buam jum duukam jam aꞌm jup tuiꞌkaꞌ nam xi jam nɨiꞌñdhaꞌ gu jaꞌtkam guiꞌ nam cham tuꞌ kaꞌm tɨ nɨiꞌñ. Puiꞌ pim jaꞌk tu jimdaꞌ nam jax jaꞌk jix maatɨt jam nɨiꞌñdhaꞌ na pim jir maamraꞌn gu Dios. Na guꞌ aapiꞌm jaꞌp ji buan na pim mɨmɨim yaꞌ dhi oiꞌñgaꞌn ja bui guiꞌ nam cham tɨ jɨɨgiꞌñ buiñor guch Xoiꞌkam, jaꞌp na jax gu chiichiaꞌ nam mɨmɨimdaꞌ tukaaꞌ jaꞌk bha jaꞌp jix dhaam.

PILIIPOS KAM 4:11

Dhiꞌ sia cham puiꞌ kaiꞌñkam jup kaiꞌch iñ na moox ioꞌm jiñ aꞌm bam aagɨt dhiꞌ na pimɨt tuꞌ kɨꞌn bañ palhbui. Jax dhui nañ aañ cham jax kar jiñ aaꞌndam sia kuñ palhɨɨp pɨx biaꞌ gu tuꞌ, nañ guꞌ bhaan ba xiñ maat.

TIITO 2:3

Gio gu uꞌuub nap saak puiꞌp ja darsaꞌ nam tu ja aꞌgiꞌñdhaꞌ ɨp gu jaiꞌ uꞌuub, jum aaꞌ sia nam puiꞌ jaꞌk jup tu jimdaꞌ na jax jix kɨɨꞌ kaꞌm nɨiꞌñ gu Dios. Cham jir am nam naiꞌ bɨɨx aixim tuꞌm tu aꞌgidhaꞌ na tuꞌ cham jir sɨlhkam, ni kum cham jix buam ja aꞌgadaꞌ gu jaꞌtkam, ni kum cham jix maik kaꞌ. Guꞌ jaꞌpji nam jix bhaiꞌ tu jimdaꞌ nam baꞌ puiꞌp ji ja nɨidhat miꞌ puiꞌp tu daaꞌñchuꞌndaꞌ gu jaiꞌ.

NAT JAX TƗ TƗƗ GU JUAN 12:10

Baꞌ mɨkkat bhammɨ dɨr jix dhaam bhaiꞌ ba tum ñio gɇꞌ kɨꞌn, jup tum kaiꞌch: ―Xib baꞌ yaꞌ bam ai na paiꞌ dhuuk saak jix ja joiꞌndai gu Dios tu ja uañdhaꞌ gu ja uaꞌtulhdharaꞌ gu jaꞌtkam na jɨꞌx oiꞌñgaꞌn. Bɨɨx kap bar gɇꞌkam baꞌ xib gu Dios ja bui gu jaꞌtkam, nat guꞌ guch Xoiꞌkam puiꞌ ba tu kuugalh nat jax tɨɨdak mu joot mu oiꞌñgaꞌn bhaan, maiꞌ ba ardi guꞌ gu jaꞌook na yaꞌ mɨmrat ka ja iattulhiꞌñdhaꞌ gu jaꞌtkam, gammɨjɨ yaꞌ kɨɨkaꞌ kiaꞌ na ja iattulhiꞌñchuꞌndaꞌ buiñor gu Dios jich Gɨꞌkoraꞌ.