LUUKAS 23:42 - Tepehuano Tepehuán del Sureste (Durango)

⁴² Miꞌ dhɨr baꞌp tɨtda gu Jesuus: ―Aapiꞌ Jesuus, siamrip xiñ chɨꞌñchoi xiñ baidhai nañ jum bui bap tuiꞌkaꞌ nap paiꞌ dhuuk jix ioꞌm gɇꞌkam kɨꞌn ba daibuꞌ.

LUUKAS 23:42 ပူးပေါင်းရင်းမြစ်များ

LUUKAS 12:8

’Noꞌm ba jam tɨkka gu jaꞌtkam noꞌ pim jiñ kaichuꞌ, xi ja aagiꞌñdhaꞌ pim na pim jiñ kaichuꞌ, aañ baꞌp ja aagiꞌñdhaꞌ gu noonbiꞌñ guñ Gɨꞌkoraꞌ na pim sɨlhkam jiñ kaichuꞌ.

LUUKAS 18:13

Baꞌ gu tuumiñ tutaandam tugiꞌñ gux ioꞌm gɇꞌkam Rooma kam jaꞌx mɨk paꞌ ji kɨkbo, ni ku iam xim guguuxiꞌñ nax dhaam jaꞌk xi chɨ tɨgiaꞌ, dai na bhaiꞌ xim gɨbdat bhaastuꞌn jup kaiꞌch: “Aapiꞌ Gɇꞌkam Dios, xiñ joiꞌmdaip iam jiñ uañdhaꞌ guñ uaꞌtulhdharaꞌ nañ giilhim jix uaꞌtulhdhix.”

LUUKAS 23:41

Guꞌ dhiñ jaduuñ tɨi cham tuꞌ jax dhuu na yaꞌ puiꞌ tuꞌiiꞌ.

LUUKAS 23:43

Baꞌp tɨtda gu Jesuus: ―Xib jap bhammɨp tuiꞌkaꞌñ bɨɨm na paiꞌ joidham jix chu abhaar. Aañ yaꞌ pum tɨtda.

LUUKAS 24:26

Na guꞌ pu puiꞌ jaꞌk tu uaꞌñix bɨjɨk dɨr na sap puꞌñi bɨɨpɨꞌm tulhiiñaꞌ guiꞌ na Dios bha jootsaꞌ na baꞌ miꞌ dhɨr giilhim jix ioꞌm gɇꞌkam kɨꞌn ba daibuꞌ.

JUAN 1:49

Baꞌp kaiꞌch ɨp gio gu Natanail: ―Xib jañ dho gi bax maat ji nap aap jir diꞌ gu Maraaꞌn gu Dios jiñ jaduuñ. Tɨɨꞌ nap guꞌ jax bɨxchuꞌx chu matdaꞌ. Aap bak baꞌ yaꞌ bar gɇꞌkam kaꞌ ja bui gu Israel kam jaꞌtkam.

JUAN 20:28

Baꞌ giilhim jix bhaiꞌm ɨlh gu Tomaas, jup kaiꞌch: ―¡Aaja guñ Gɇꞌkam tuk! Giop dua ji bak guꞌ sɨlhkam gu Dios jiñ Gɨꞌkoraꞌ.

GU NOONBIꞌÑ GUCH XOIꞌKAM 16:31

Baꞌ guiꞌp tɨtda am: ―Dho nap tɨ jɨɨꞌñdhaꞌ dho buiñor guch Xoiꞌkam ja bɨɨm gum kiꞌaam kam na baꞌ ba uañchudhix kaꞌ gu jam uaꞌtulhdharaꞌ.

GU NOONBIꞌÑ GUCH XOIꞌKAM 20:21

Puiꞌ na jax gu Israel kam jaꞌtkam, sia guiꞌ nam cham jir Israel kam jañ puiꞌ ja tɨtdadaꞌ nam miꞌ puiꞌ ba jimiaꞌ na jax jix aaꞌ gu Dios, gio nam ba tɨ jɨɨgiꞌñdhaꞌ buiñor guch Xoiꞌkam guiꞌ nar Gɇꞌkam na Jesuus tɨɨꞌ.

1 PEEGRO 1:11

Dɨɨlh guch Xoiꞌkam puiꞌ jaꞌk ja jurtuꞌnkaꞌ guiꞌ jɨꞌ nam bhaankamuꞌn tu aꞌgadaꞌ gu ñioꞌkiꞌñ janoꞌ, na jɨꞌk jax tu duñiaꞌ noꞌt puꞌñi yaꞌ ba ai dhi oiꞌñgaꞌn bhaan, gam na jax jaꞌk jum tulhiiñaꞌ ja aꞌmkam na baꞌ miꞌ dhɨr jix ioꞌm gɇꞌkam kɨꞌn ba daasaꞌ guch Gɨꞌkoraꞌ. Tɨi baꞌ xim gaꞌngadaꞌ am ja jujur am bhaan nam jix maachik kaꞌ na jaroiꞌ baꞌ puiꞌr jich Xoiꞌkam kaꞌ, na paiꞌ dhɨr buusnɨi baꞌ puiꞌ ba ja palhbuidhaꞌ gu jaꞌtkam, gam na paiꞌ dhuuk baꞌ puiꞌ tum duñiaꞌ gu puiꞌ na jax ja jurtuꞌnkaꞌ gux Dhuuduꞌ kam jix Uañ Iiꞌmdaꞌ.

1 JUAN 5:1

Gu jaroiꞌ noꞌ bɨɨx juraaꞌn kɨꞌn tɨ jɨɨgiꞌñ na gu Jesuus jir diꞌ guch Xoiꞌkam nat Dios bha joot, dhiꞌ jɨꞌ puiꞌ bam kaiꞌchdhaꞌ na Dios jir Maraaꞌn. Baꞌ noꞌ puiꞌ bam tɨɨtɨꞌ na Dios bar Maraaꞌn, jum aaꞌ nax ja joiꞌndat jix bhaiꞌ ja tɨtdadaꞌ gu jaiꞌ nam puiꞌp jir maamraꞌn gu Dios.