LUUKAS 23:41 - Tepehuano Tepehuán del Sureste (Durango)

⁴¹ Guꞌ dhiñ jaduuñ tɨi cham tuꞌ jax dhuu na yaꞌ puiꞌ tuꞌiiꞌ.

LUUKAS 23:41 ပူးပေါင်းရင်းမြစ်များ

MATEO 27:19

Baꞌ moo janoꞌ na pui miꞌ ka daa gu Pilaato miꞌ na paiꞌr gɇꞌkam kaꞌ, muiꞌ ba tu joochxi gu bɨngaꞌn nam sap jup tɨɨdaꞌ na cham juandaꞌ gu Jesuus, nat guꞌ sap puiꞌ tɨ tɨɨtkɨ tukaaꞌ na cham bhaiꞌ tu jimiaꞌ noꞌt tu chia nam muꞌaaꞌ.

MATEO 27:24

Baꞌ ba tu joot gu Pilaato nam alhiꞌch bhɨiꞌñpuꞌ gu suudaiꞌ na baꞌ kɨꞌn jum ikoimdhaꞌ na bhaan jix maatɨꞌ kaꞌ na cham tuꞌr kuiñchaꞌn kaꞌ na tu chiñiaꞌ nam muꞌaaꞌ gu Jesuus, jup ja tɨtda baꞌ: ―Aapiꞌm dɨɨlh jir jam kuiñcha kaꞌ nam muꞌaaꞌ dhi Jesuus, cham tuꞌ aañ.

MATEO 27:4

Baꞌp ja tɨtda mu ji ɇɇk: ―Aañ tak gɇꞌkam kɨꞌn mañ uaꞌtulh buiñor gu Dios na ñich maaxik jam kɨɨx gu Jesuus na pim baꞌ tu chiñiaꞌ nam muꞌaaꞌ, sia ku guꞌ tɨi cham tuꞌ jax bua gu tuꞌ nar jix buam jum duukam. Baꞌ guiꞌp tɨtda am: ―¿Cham aa guꞌ dhiꞌ aap dɨɨlh jir jum kuiñcha, cham tuꞌ aach?

MATEO 27:54

Baꞌ gu ja gɇꞌkam tuk gu sandaaruiꞌx ja bɨɨm guiꞌ nam maap miꞌ tu nuukaꞌn, giilhim bhaiꞌ ji chootoꞌn jamɨt nat paiꞌ dhuuk bhaiꞌ ji giꞌndukɨ gu oiꞌñgaꞌn gio na bɨɨx aixim tum bua nam naiꞌ xi chɨ nɨiꞌñ, baꞌp kaiꞌch am: ―Bak ji guꞌ moo sɨlhkam Dios jir Maraaꞌn ji dhich jaduuñ na chich yaꞌ ba mua.

LUUKAS 23:40

Baꞌ gu jumai na jaꞌp dɨr jaꞌk jup sissap jup tɨtda gu bɨɨmaꞌn tuꞌm: ―¿Kux aap moo cham jax jum aaꞌ aa na tɨim tulhiiñchuꞌn gu Dios jaꞌp na jax aañ? Aach maaxik yaꞌ puiꞌ ba tuꞌiiꞌ guꞌ na jax jaꞌk jich aꞌm jum aaꞌ, na chich guꞌ maaxik jich uaꞌtulh na chich puiꞌ ji chu dunaak na tuꞌ cham jir kɨɨꞌ.

LUUKAS 23:42

Miꞌ dhɨr baꞌp tɨtda gu Jesuus: ―Aapiꞌ Jesuus, siamrip xiñ chɨꞌñchoi xiñ baidhai nañ jum bui bap tuiꞌkaꞌ nap paiꞌ dhuuk jix ioꞌm gɇꞌkam kɨꞌn ba daibuꞌ.

1 TESALOONIKA KAM 2:10

Aapiꞌm dhox bhaiꞌx maat gam sia gu Dios na chich miꞌ puiꞌ tu jii na pimɨt jax jaꞌk joidham jix kɨkɨɨꞌ jaꞌtkam jich chɨɨ. Jix bhaiꞌ nɨidhix kam jachich pu tu duu jam bui aapiꞌm na pim tɨ jɨɨgiꞌñ buiñor guch Xoiꞌkam.

SANTIAGO 4:7

Baꞌ aañ jam guguuxiꞌñ jiñ jaaduñ na pim muiꞌ xix biiñak kaꞌ buiñor gu Dios bɨɨx jam jujur kɨꞌn. Chaꞌpim mu jaꞌk kɇɇkɇꞌ gu jaꞌook. Xi ñiokdhai pim bhaankamuꞌn guch Xoiꞌkam, ka na guꞌ pu jimiññolhiaꞌ, baꞌ cham tuꞌ maakam ka jam jurtuꞌnkaꞌ.

1 PEEGRO 1:19

Guꞌ jaꞌpji gu ɨꞌraꞌn guch Xoiꞌkam nat jaax bhaan gu kuruus nax ioꞌm jix dhaꞌram namɨɨk nat kɨꞌn tuch ñamkix nach jix uꞌuaꞌtulhdhix kat, na mɨt mua sissapak kuruus taꞌm na baꞌ miꞌ dhɨr puꞌñi duuji tuch uañdhix kaꞌ guch uaꞌtulhdharaꞌ. Jaꞌp jum duu na jax maaꞌn gux kɨɨꞌx dhuakam gu kasnir nam ba makgɨrtaꞌ bhaan gu sasoiꞌ mɨmɨiꞌñkar.

1 PEEGRO 2:23

Jaiñ na guꞌ janoꞌ na mɨt mi jaꞌp daasak giilhim tɨtdaimɨk na jax aaꞌ, gam nam giilhim aiꞌchuxdhimɨk, cham paiꞌ jax kaiꞌch, ni kut iam mu dɨr bha jaꞌk giilhim bhaiꞌp ja tɨɨꞌn na jax aaꞌ, miꞌ pɨx ji na pu tuꞌiiꞌ. Gio na mɨt paiꞌ dhuuk bhaiꞌ ji chulhiiñchuda, na mɨt bhaiꞌ ji gɨbiimɨ, cham paiꞌ jax xim bua na gɨt xim palhbuidhaꞌ, ni ku paiꞌ xim oꞌtoꞌn, daipuꞌ na soiꞌ xim ɨlhiiꞌñ buiñor gu Dios bhammɨ jaꞌk jix dhaam na paiꞌp tuꞌiiꞌ, na jaroiꞌx bhaiꞌx maat noꞌ kuiñcha biaꞌ kaꞌ baꞌ cham.