LUUKAS 23:34 - Tepehuano Tepehuán del Sureste (Durango)

³⁴ Baꞌp kaiꞌch gu Jesuus: ―Jiñ Gɨꞌkoraꞌ, chakuip tuꞌp jum buixiꞌñdhaꞌ ja bui dhi jaꞌtkam, nam guꞌ cham maat noꞌm jup jum uaꞌtulhiꞌñ jum bui. Baꞌ gu sandaaruiꞌx mi jaꞌp ma tɨtbia mɨt mi jaꞌp ji chu darsak amuub gu jajannulhiꞌñ gu Jesuus na sap baꞌ gu jaroiꞌ na tu maiꞌchiaꞌ, bhaan ji chu biꞌyaꞌ.

LUUKAS 23:34 ပူးပေါင်းရင်းမြစ်များ

MATEO 11:25

Baꞌ miꞌ puiꞌ xi kaiꞌchimɨk gu Jesuus, bhaiꞌ ji chu daanɨ jix dhaam jaꞌk, jup kaiꞌch: ―Taxchaab baꞌñ Gɨꞌkoraꞌ nap jir Gɇꞌkam jix dhaam gio yaꞌ dhi oiꞌñgaꞌn bhaan, na pich guꞌ ba ja mattuda gu jaꞌtkam guiꞌ nam cham gɇꞌgɇrkam jum ɨlhiiꞌñ na tuꞌr jix bhaiꞌm duukam. Jaꞌp xi ja duuk japich guiꞌ nam puiꞌm aaꞌ nam panaas jix ioꞌm jix maat gum ñiꞌook, na guꞌ dai nam bhaan pɨx gɇꞌgɇrkam jum ɨlhiiꞌñ.

MATEO 11:26

Puiꞌ dhoñ Gɨꞌkoraꞌ, puiꞌ jaꞌk jix aaꞌ ap.

MATEO 5:44

Ku baꞌ guꞌ aañ yaꞌ pu jam tɨtda ji na cham jir am gu dhiꞌ puꞌñi jaꞌk na pim tu jimdaꞌ, guꞌ jaꞌpji na pim jaꞌkbuiꞌ kat pɨx am jix bhaiꞌ ja tɨtdadaꞌ ji guiꞌ nam jɨꞌk xi jam bhaamkiꞌñdhaꞌ. Gio baꞌ puiꞌ na jax guiꞌ nam jɨꞌk xi jam koodak kaꞌ, aapiꞌm ja aꞌmkam pɨx xi chu ja daañxidaꞌ buiñor gu Dios.

MAARKOS 15:24

Baꞌ gu sandaaruiꞌx xi chu kookoxchulhdhak jamɨt gu jajannulhiꞌñ, na mɨt baꞌ bhaiꞌ ba sissapa kuruus taꞌm. Miꞌ dhɨr baꞌ dai na mɨt xim mamaiꞌchɨk aꞌlhiok xi chu uꞌuuk.

LUUKAS 22:42

jup kaiꞌch: ―Aapiꞌñ Gɨꞌkoraꞌ, xiñ palhbuiꞌñ nam cham jiñ muꞌaaꞌ, na guꞌ dhiꞌ jaꞌp ji buusan nañ iꞌyaꞌ gu tuꞌ na giilhim jix xibuꞌ. Ku guꞌ noꞌp aap jix aaꞌ ji, aañ puiꞌ pɨx tɨi soiꞌm tɨtda ji.

JUAN 17:9

’Baꞌ aañ dhiꞌ ja aꞌmkam soiꞌñ ɨlhiiꞌñ nam jɨꞌk bañ kaichuꞌ nam jiñ bui ba tɨ jɨɨgiꞌñ, cham tuꞌ guiꞌ nam cham jiñ kɨɨgalhdhat cham jiñ bui tɨ jɨɨgiꞌñ. Na guꞌ guiꞌ nam jɨꞌk aañ jiñ bui ba tɨ jɨɨgiꞌñ, bɨɨx jam aap jum buip tɨ jɨɨgiꞌñ jiñ Gɨꞌkoraꞌ.

JUAN 19:11

Baꞌ gio bhaiꞌp ji ñio gu Jesuus, jup tɨtda gu Pilaato: ―Puiꞌp dho kaiꞌch, nat guꞌ gu Dios jiñ Gɨꞌkoraꞌ puiꞌ ba tɨi jia nañ baꞌ yaꞌ jɨꞌ soiꞌ ba tuiꞌkaꞌ jum bui. Noꞌ gɨt chakui pu tɨꞌyaꞌ guñ Gɨꞌkoraꞌ, ¿jax jap gip jiñ dhoodaꞌ gɨt siap chi puꞌñi kaiꞌchdhaꞌ gɨt? Ku baꞌ guꞌ aap cham tuꞌ bhaan kuiñcha biaꞌ ji gu xib, guiꞌ ji nat jaroiꞌ maaxik jiñ kɨi nat baꞌ gɇꞌkam kɨꞌn jum uaꞌtulh.

GU NOONBIꞌÑ GUCH XOIꞌKAM 16:28

Guꞌ ji nat guꞌ jotmodaꞌ mu jiñkui gu Paablo, jup tɨtda: ―Chaꞌp jum mumuaꞌdaꞌñ jaduuñ. Yaꞌp tuꞌiiꞌ ich bɨɨx.

GU NOONBIꞌÑ GUCH XOIꞌKAM 3:17

’Baꞌ aañ xib bax maat jiñ jaaduñ na pim bak pu cham maatɨt na pimɨt jax kaiꞌñkam tu chia ja bɨɨm gu jam gɇꞌgɇrkam tuk nam muꞌaaꞌ gu Jesuus.

GU NOONBIꞌÑ GUCH XOIꞌKAM 7:60

Miꞌ dhɨr baꞌ oꞌlhiaꞌn kɨꞌn xi kɨkbok gio bhaiꞌp ji chu daanɨ jup kaiꞌch gɇꞌ kɨꞌn: ―Aapiꞌ jich Xoiꞌkam, chaꞌp ja tulhiiñchuꞌndaꞌ dhiꞌ nam xib yaꞌm uaꞌtulhiꞌñ. Baꞌ daipuꞌ xi chɨꞌɨɨk pu naiꞌ gan ji muu.

ROOMA KAM 12:14

Gio guiꞌ nam xi jam bhaamkidhat xi jam koodak kaꞌ, chaꞌpim puiꞌ kaiꞌchdhaꞌ na gɨt iam tuꞌ na pɨx ja duñiaꞌx buam jum duukam, jaꞌkbuiꞌ kat ji na pim tu ja daañxiꞌñdhaꞌ na gɨt jix bhaiꞌ tu ja jimdaꞌ.

1 KORIINTO KAM 2:8

Pu cham maatɨt kai mɨt dhiꞌ gu gɇꞌgɇrkam jix aꞌaixkam na jax pɨk jir jum duukam sia kum tɨi ja aagiꞌñdhaꞌ. Na guꞌ noꞌm jix maatɨt kaayaꞌ gɨt, cham tu chiandaꞌm gɨt nam sissapdaꞌ guch Xoiꞌkam bhaan gu uꞌuux na gai bɨɨt, jix dhaam dɨr tɨi bha jii guꞌ guch Xoiꞌkam.

1 KORIINTO KAM 4:12

Gio dɨɨlh jach gaagidhaꞌ nach paiꞌ tu juanai maiꞌchiaꞌ gu tuꞌ nach aꞌm jum aaꞌndaꞌ, jix momgon kaꞌ ich nabap jurnɨk. Gio nach tu ja daañxiꞌñdhaꞌ nax bhaiꞌ tu ja jimdaꞌ gu jaꞌtkam guiꞌ nam giilhim jich chɨtdadaꞌ gio guiꞌ nam xich bhaamkidhat jich gaagim nam xich koodak. Aach cham tuꞌ bhaan jax jich aaꞌ sia pɨk nar jax kaꞌ gɨt.

1 TIMOTEO 1:13

sia kuñ guꞌ bɨɨpɨꞌ dɨr giilhim jix bhaamut ka aꞌgadaꞌ, ganaiꞌ bɨɨx aixim jañ aiꞌchuxdhat aꞌgadaꞌ na jax cham jir am kat nañ pu kaiꞌchdhaꞌ. Gam nañ ja daꞌngɨt ja kukpadaꞌ guiꞌ nam buiñor tɨ jɨɨgiꞌñdhaꞌ, giilhim jañ xi ja tɨtdat. Guꞌ ji nat guꞌ siamri xiñ joiꞌmdak jiñ chɨɨ gu Dios sia pu chuꞌm giilhim jix uaꞌtulhdhix kam, nañ guꞌ chakui tɨ jɨɨgiꞌñdhaꞌ buiñor guch Xoiꞌkam, pu cham mat kaꞌ iñ noꞌñ jix buam jum duukam bhaan jup tuiꞌkaꞌ.

1 PEEGRO 3:9

Tu uañiꞌñkaꞌ pim gu jaroiꞌ noꞌt tuꞌ jax ma jam duiñ, cham tuꞌ na pim yaꞌ dɨr mu jaꞌk puiꞌp doodaꞌ. Sia noꞌt jaroiꞌ giilhim jam tɨɨꞌn na jax cham jir am, tu uañiꞌñkaꞌ pim sia, cham tuꞌ na pim moo puiꞌ giilhim muiꞌp tɨɨdaꞌ yaꞌ dɨr mu jaꞌk na jax cham jir am. Xi chu daañxiꞌñdhaꞌ pim pɨx buiñor gu Dios nax bhaiꞌ tu jimdaꞌ sia ku buam pɨx jam bua, na baꞌ jam aꞌm tɨ nɨidhidhaꞌ ɨp aapiꞌm gu Dios, na pim guꞌr jix bhabhaiꞌkam kaꞌ.