LUUKAS 23:31 - Tepehuano Tepehuán del Sureste (Durango)

³¹ Na guꞌ nam jax jiñ chulhiiñchuꞌn aañ xib, jaꞌp pɨx ji buusan na jax gux baaꞌ kuꞌaaꞌ na cham mɨidhaꞌ sia ku tɨi mɨɨjim, nañ guꞌ aañ cham tuꞌ kuiñcha biaꞌ. Guꞌ gi baꞌ guiꞌ nam jix uꞌuaꞌtulhdhix kaꞌ, ¿jax japim ɨlhiiꞌñ na tu ja doodaꞌ janoꞌ nam paiꞌ dhuuk jup jum tulhiiñaꞌ? Na guꞌ jaꞌp ji buusniaꞌ na jax gux gak kuꞌaaꞌ na maaꞌn jimdam mɨɨyaꞌ.

LUUKAS 23:31 ပူးပေါင်းရင်းမြစ်များ

MATEO 3:12

Baꞌ na paiꞌ dhuuk bha jimdaꞌ, pu uaꞌkaꞌ guiꞌ na kɨꞌn jɨlhbidhaꞌ gu tiriik, baꞌ xi kɨɨꞌmpigai dai ba ulhñaꞌ guiꞌ na jɨꞌk jix kɨɨꞌ, gu tanaaraꞌ baꞌ mu jaꞌk xi ñuꞌaaꞌ na paiꞌ cham jɨꞌxkat tuutkɨ gu tai.

LUUKAS 23:30

Baꞌ miꞌ dhɨr bɨɨx gu Israel kam jaꞌtkam tɨix aaꞌndaꞌ am nam gɨt maaꞌn jimdam koꞌyaꞌ. Jup ja tɨtdadaꞌ am tɨi gu oiꞌdhaꞌ: “Gor iam bhaiꞌch aꞌm xi iaꞌlh.”

LUUKAS 23:32

Baꞌ gook pup muiꞌp ja uaꞌ am gu jaꞌtkam nam puiꞌp ja sissapaꞌ maap gu Jesuus kukrus taꞌm. Dhi gook jaꞌtkam ɨɨxdharaꞌ kɨꞌn ja koodaꞌ am.

JUAN 15:6

Piam noꞌ guꞌ jaroiꞌ maadɨt cham miꞌ puiꞌ jimdat jiñ buix biiñak, dho guꞌ pu cham tuꞌñ dho buiñor kap tuiꞌñgɨdaꞌ. Dhiꞌ baꞌ jaꞌp ji buusniaꞌ na jax gu ɨꞌɨɨx gu mamragaꞌn noꞌ cham ka iꞌbhaiꞌñchar na ɨɨkɨi mu baas buaꞌ gu ɨꞌxchadam. Miꞌ dhɨr na paiꞌ xi gakiaꞌ, dai na ba mɨidhaꞌ.

ISRAEL KAM 6:8

Guꞌ ji noꞌ guꞌ dai gu tuꞌx bii uꞌuux jix joꞌiiꞌ mix joiꞌñ na cham tuꞌr jix kɨɨꞌ saiꞌ, dhiꞌ dho gi guꞌ cham tuꞌx kɨɨꞌ dɨbɨɨr kaꞌ ji. Baꞌ gu jaroiꞌ noꞌ puꞌñi pɨx jaꞌk ji buusan, am tɨꞌñchokaꞌ nam mu buaꞌ tai chɨr.

JUUDAS 1:12

Jaꞌp chi alh moox xiꞌɨraam noꞌm jaiꞌ mɨjɨmmɨp xi dharaa paiꞌ na pim tu piastatdaꞌ daich Xoiꞌkam jɨɨgiꞌñdham na pim jix bhaiꞌm taat kaꞌ buiñor gu Dios. Nam guꞌ dhiꞌ dhi jaꞌtkam cham tuꞌ kaꞌm tɨ nɨiꞌñ, ni nam jix maatɨt tu xiꞌɨꞌra, gɇꞌgɇr bha chu koiꞌmɨi am nam jɨꞌx ɨlhiiꞌñdhaꞌ, nam jax dhui pɨx baꞌ miꞌ ba jam iaꞌñdhaꞌ nam jax jir tuutuꞌm noꞌ pim gan ja bɨɨm tu kuaꞌ. Nam guꞌ mu dɨr bha jaꞌk pu cham xi jam joiꞌgɨꞌndaꞌ, dai dɨɨlh pɨx nam xim joiꞌgɨꞌn. Dhiꞌ jaꞌpni pɨx ji buan am jia na jax noꞌ tɨi pɨx jix chuk saiꞌchuꞌ gu tɨbaaꞌ, guꞌ ji noꞌ guꞌ cham bha duuk, dai na pɨx ji jim gammɨjɨ paiꞌ na jaꞌk uaꞌkaꞌ gu jɨbɨɨlh. Piam jaꞌpni ɨp na jax gu jax chuꞌm ɨꞌɨɨx noꞌ cham iꞌbhaiꞌñchar sia kut tɨi bam ai na paiꞌ dhuuk iibhaiꞌñchai ba bhaayaꞌ gɨt. Jaꞌp ji buusan nam pu ba koꞌiix dhiꞌ dhi jaꞌtkam, nam guꞌ cham xiim bam tulhiiñaꞌ.