Baꞌ miꞌ puiꞌ xi kaiꞌchimɨk gu Jesuus, bhaiꞌ ji chu daanɨ jix dhaam jaꞌk, jup kaiꞌch: ―Taxchaab baꞌñ Gɨꞌkoraꞌ nap jir Gɇꞌkam jix dhaam gio yaꞌ dhi oiꞌñgaꞌn bhaan, na pich guꞌ ba ja mattuda gu jaꞌtkam guiꞌ nam cham gɇꞌgɇrkam jum ɨlhiiꞌñ na tuꞌr jix bhaiꞌm duukam. Jaꞌp xi ja duuk japich guiꞌ nam puiꞌm aaꞌ nam panaas jix ioꞌm jix maat gum ñiꞌook, na guꞌ dai nam bhaan pɨx gɇꞌgɇrkam jum ɨlhiiꞌñ.
LUUKAS 22:42 - Tepehuano Tepehuán del Sureste (Durango)42 jup kaiꞌch: ―Aapiꞌñ Gɨꞌkoraꞌ, xiñ palhbuiꞌñ nam cham jiñ muꞌaaꞌ, na guꞌ dhiꞌ jaꞌp ji buusan nañ iꞌyaꞌ gu tuꞌ na giilhim jix xibuꞌ. Ku guꞌ noꞌp aap jix aaꞌ ji, aañ puiꞌ pɨx tɨi soiꞌm tɨtda ji. အခန်းကိုကြည့်ပါ။ |
LUUKAS 22:42
21 ပူးပေါင်းရင်းမြစ်များ
Baꞌ palhɨɨp baasɨꞌn iam xi jimɨɨk mi jaꞌp oꞌlhiaꞌn kɨꞌn xi kɨkbok jix ioꞌm xi dhumaartɨk na dɨɨrap xi chu siisap gu maꞌooꞌn bhaiꞌ ji chu daanɨ buiñor guch Gɨꞌkoraꞌ, jup kaiꞌch: ―Aapiꞌñ Gɨꞌkoraꞌ nap jix dhaam jup tuꞌiiꞌ, jiñ palhbuidhaꞌ ap nam baꞌ cham jiñ muꞌaaꞌ guiꞌ nam jiñ oꞌbhagiꞌñ, na guꞌ dhiꞌ jaꞌp ji buusniaꞌ nañ iꞌyaꞌ gu tuꞌ na giilhim jix xibuꞌ. Ku guꞌ cham tuꞌ ji na moo puiꞌ tu tuiꞌkaꞌ nañ jax kaiꞌch aañ, guꞌ jaꞌpji nap jax ɨlhiiꞌñdhaꞌ ji aap jiñ Gɨꞌkoraꞌ.
Baꞌ daipuꞌ xi ja tɨɨdak gio mu jaꞌk jup ji dhuu nat ba tu daañim ɨp gio. Baꞌ maaꞌn na jax kaiꞌch na tu daan na jax bɨɨpɨꞌ dɨr, jup kaiꞌch: ―Aapiꞌñ Gɨꞌkoraꞌ nap jix dhaam jup tuꞌiiꞌ, jiñ palhbuidhaꞌ ap nam baꞌ cham jiñ muꞌaaꞌ guiꞌ nam jiñ oꞌbhagiꞌñ, na guꞌ dhiꞌ jaꞌp ji buusniaꞌ nañ iꞌyaꞌ gu tuꞌ na giilhim jix xibuꞌ. Ku baꞌ guꞌ cham tuꞌ ji na moo puiꞌ tu tuiꞌkaꞌ nañ jax kaiꞌch aañ, guꞌ jaꞌpji nap jax ɨlhiiꞌñdhaꞌ ji aap jiñ Gɨꞌkoraꞌ.
iam jap ja mattudaꞌ gu jaꞌtkam yaꞌ dhi oiꞌñgaꞌn nam jax jaꞌk duuji miꞌ puiꞌ jimiaꞌ nap jax jix aaꞌ, baꞌ gammɨjɨ ja aꞌm ba tɨ nɨidhidhaꞌ ap. Puiꞌ tɨich aaꞌ ich ɨp nap gɨt puiꞌ joidham jix bhaiꞌm duukam jup tu buadaꞌ ya jaꞌp dhi oiꞌñgaꞌn bhaan, jaꞌp nap jax jix bhaiꞌm duukam jup tu bua jix dhaam jaꞌk. Ku guꞌ aap dɨɨlh ji noꞌp moo puiꞌp jix aaꞌndaꞌ gɨt, aach puiꞌ pɨx tɨip jum kaiꞌchuꞌn ji.
jup kaiꞌch: ―Aapiꞌñ Gɨꞌkoraꞌ nap jix dhaam jup tuꞌiiꞌ, nap bɨxchuꞌx bhaaiꞌ nap pu tu duñiaꞌ, xiñ palhbuiꞌñ nam cham boiñ bhɨichdhaꞌ, na guꞌ dhiꞌ jaꞌp ji buusan na jax gu tuꞌ na giilhim jix xibuꞌ nañ tu iꞌyaꞌ. Piam jap xiñ guguuxdhaꞌ nañ baꞌ cham jax jiñ aaꞌndaꞌ noꞌp guꞌx aaꞌ nam kuugalhdhaꞌ nap aap jax ɨlhiiꞌñ. Ku guꞌ aañ cham tuꞌ ji nañ moo cham aagɨt jup kaiꞌch.
Guꞌ ji na guꞌp tɨtda gu Jesuus gu Peegro: ―Puiꞌ pɨx ka tuiꞌkaꞌñ jaduuñ. Ka xi baasaꞌ ap dhim kuxiir. Aap guꞌ baabuk kɨꞌn jup ba ɨɨkchulh gu naakaꞌn dhiñ jaduuñ. ¿Jax jach gi pup duuñ? Na guꞌ dhiꞌm aaꞌ nañ jiñ chulhiiñaꞌ nat jax jiñ chɨɨdak bhañ joot guñ Gɨꞌkoraꞌ, sia kuñ aañ tɨi cham aaꞌ. Na guꞌ dhiꞌ jaꞌp ji buusan jia na bhañ iꞌchdhaꞌ guñ Gɨꞌkoraꞌ gu tuꞌ na giilhim jix xibuꞌ.
Jaꞌpni baꞌ moop ja tɨtda gu Jesuus: ―Aañ pɨx bhaankamuꞌn guñ Gɨꞌkoraꞌ yaꞌ ja mattudaꞌ gu jaꞌtkam nam jɨꞌk miꞌ puiꞌ jiim na jax jix aaꞌ, gio nam jɨꞌk cham miꞌ puiꞌ jiim. Ku guꞌ cham tuꞌ aañ dɨɨlh ji nañ jax ɨlhiiꞌñdhaꞌ, guꞌ jaꞌpji dai na jax jiñ chɨɨdaidhaꞌ pɨx guiꞌ nat bhañ joot. Dhiꞌ baꞌ bhaan jix maatɨꞌ kaꞌ nar sɨlhkam nañ jax tu aꞌga,
ကြော်ငြာတွေ