LUUKAS 22:33 - Tepehuano Tepehuán del Sureste (Durango)

³³ Baꞌp kaiꞌch gu Simoon Peegro: ―Jax dhui nañ bɨɨx jiñ jur kɨꞌn jum bui tɨ jɨɨgiꞌñ. Pu cham jax jiñ aaꞌ iñ sia ku mɨt jum bɨndak jiñ kuu, piam ku mɨt jum bɨndak jiñ mua.

LUUKAS 22:33 ပူးပေါင်းရင်းမြစ်များ

MATEO 20:22

Baꞌp ja tɨtda gu Jesuus: ―Matgɨm giilhim jix xijai ji na baꞌ puiꞌ tu tuiꞌkaꞌ gu dhiꞌ puiꞌ na pim jax ɨlhiiꞌñ, na guꞌ bɨɨpɨꞌm aaꞌ na pim giilhim jum tulhiiñaꞌ, jaꞌp na jax aañ. ¿Kaꞌ pim jix ñakooꞌ aa na pim jum tulhiiñaꞌ? Baꞌ guiꞌp kaiꞌch am: ―Jix ñakooꞌ ich ji matgɨm.

MAARKOS 14:29

Baꞌp kaiꞌch gu Peegro: ―Aañ dho gi chakui jimɨiññolhiaꞌ ji, sia mɨt dhi jaiꞌ jiboiꞌññor. Cham jax bua sia ku mɨt jum bɨndak jiñ dhaa.

MAARKOS 14:31

Guꞌ ji na guꞌ xi kɨɨk gu Peegro, jup kaiꞌch: ―Aañ dho gi pu tɨꞌyaꞌ ji nañ jum kaichuꞌ, cham jax bua sia mɨt jum bɨndak jiñ mua. Baꞌ bɨɨx puiꞌp ji chɨi mɨt gu jaiꞌ noonbiꞌñ.

LUUKAS 22:34

Baꞌp tɨtda gu Jesuus: ―Jax dhui nap moo jaꞌxñi baikim puiꞌ pu ba tɨꞌyaꞌ nap cham jiñ maat na kiaꞌpɨx maaꞌnnim ba jiiñkiaꞌ gu takaaruiꞌ. Pum tɨtdañ moo Peegro.

LUUKAS 22:57

Guꞌ ji na guꞌ gu Peegro cham tu aaꞌ, jup kaiꞌch: ―¿Jax jap baꞌ kaiꞌch? Jax dhui nañ pu cham maat gu jaroiꞌ nap aaꞌ.

JUAN 13:38

Baꞌ gu Jesuus jup tɨtda: ―¿Paap gip daas nap mukiaꞌñ aꞌmkam Peegro? Pu ka gɨt nap jaꞌxñi pu baikim puiꞌ ba tɨꞌyaꞌ nap cham tuꞌñ kaichuꞌ na baꞌ pɨk moo ba jiiñkiaꞌ gu takaaruiꞌ, aañ moo yaꞌ pum tɨtda.

GU NOONBIꞌÑ GUCH XOIꞌKAM 21:13

Guꞌ ji na guꞌ cham jich jɨɨgiꞌñ gu Paablo, dai nat jup xich chɨɨdak pɨx: ―¿Jax ku pim baꞌ moo jaꞌp dhiꞌ kɨꞌn jup ba suan? Aañ baꞌ jaiꞌ puiꞌx buam jup ba tu tatdaꞌ, guꞌ aañ matgɨm cham jax jiñ aaꞌ ji sia ku mɨt jiñ buupra bhammɨ Jerusaleen. Ku guꞌ cham tuꞌ ji dai noꞌ mɨt jiñ buupra nañ baꞌ cham jax jiñ aaꞌ, guꞌ jaꞌpji sia ji noꞌ mɨt jiñ mua nañ cham jax jiñ aaꞌ, pɨx ji noꞌ mɨt dhɨꞌ kɨꞌn jiñ bhaamkidhak jiñ mua nañ miꞌ puiꞌ duiñchuꞌ na jax jix aaꞌ guiꞌ nar Gɇꞌkam na Jesuus tɨɨꞌ.