LUUKAS 21:23 - Tepehuano Tepehuán del Sureste (Durango)

²³ Tɨi joiꞌmdam jum buadaꞌ am janoꞌ gu uꞌuub guiꞌ nam aꞌaalh kɨꞌn cham bhaiꞌm taat kaꞌ, gio guiꞌ nam kiaꞌpɨx ja tɨgiaꞌ gu aꞌaalh. Giilhim jix koꞌkom jum buadaꞌ am bɨɨx pɨx gu Israel kam jaꞌtkam guiꞌ nam cham miꞌ puiꞌ jimiaꞌ na jax jix aaꞌ gu Dios, ja daam ba jimiaꞌ guꞌ gu tulhiiñaraꞌ dhiꞌ dhi jaꞌtkam.

LUUKAS 21:23 ပူးပေါင်းရင်းမြစ်များ

MATEO 21:16

Baꞌp tɨtda am gu Jesuus gu gɇꞌgɇrkam jum aaꞌndam: ―Jaꞌp xi ja tɨɨꞌn nam cham ñiokdaꞌ dhi aꞌaalh. Moo jaꞌp ja kɇɇ ap pɨx nam jax kaiꞌch. Baꞌp ja tɨtda gu Jesuus: ―Dho jax gip bua siam jax kaiꞌch, na guꞌ puiꞌm kaiꞌch gu ñioꞌkiꞌñ guñ Gɨꞌkoraꞌ miꞌ na paiꞌ tu uaꞌñix na saak siax bhaaiꞌ gu aꞌaalh nam tu daandaꞌ buiñor gu Dios, sia guiꞌ nam ka xioꞌdaꞌ. ¿Cham aa pim jɨꞌxkat tu jiñkuiꞌñ miꞌ na paiꞌ puꞌñim kaiꞌch?

MATEO 21:41

Baꞌ guiꞌp kaiꞌch am: ―Dho guꞌ ja koodaꞌ dho jia, jaiꞌ baꞌ miꞌ ja iabuꞌ gu tujuandam, nam baꞌ miꞌ dhɨr ba maakidhaꞌ guiꞌ na jɨꞌk bhaan bipioꞌdaꞌ na paiꞌ dhuuk bax bhai kaꞌ gu uubas.

MATEO 21:44

Baꞌ aañ yaꞌ pu jam tɨtda na pu taꞌtak jup jum duñiaꞌ gu jaroiꞌ noꞌt bhaan jutbuk ia dhiꞌ dhix kɨɨꞌ jodai. Piam ku guꞌ noꞌt jax dhuukat bhaan gɨi gu jaroiꞌ noꞌ miꞌ paiꞌ ka oirɨ, pu matai dhop jum duñiaꞌ.

MATEO 24:19

Jaꞌp moo joiꞌmdam jum duñiaꞌ am gu uꞌuub guiꞌ nam aꞌaalh kɨꞌn cham bhaiꞌm taat kaꞌ janoꞌ, gio guiꞌ nam ɨlhiꞌch xioꞌdam ka tu maamar kaꞌ ba puiꞌ ɨp.

MAARKOS 13:17

¡Jaꞌp moo joiꞌmdam tum duñiaꞌ ji janoꞌ, kux baꞌ guꞌ puiꞌ aa! Nam guꞌ giilhim jum tulhiiñaꞌ gu uꞌuub guiꞌ nam aꞌaalh kɨꞌn cham bhaiꞌm taat kaꞌ, gio jaiꞌ nam ɨꞌlhich ka tu maamar kaꞌ xioꞌdam.

LUUKAS 19:27

Bhaiꞌ pim jup ja uaꞌpui miꞌñi jaꞌp xi ja koodaꞌ guiꞌ nam jɨꞌk cham aagɨt nañ jir gɇꞌkam kaꞌ.

LUUKAS 19:43

Jum aajim guꞌ gu tanoolh na paiꞌ dhuuk cham bhaiꞌ tu ja jimiaꞌ, gu ja sandaaruiꞌx chuk guiꞌ nam jix ja bhaamkiꞌñ bhaiꞌ ji ja xikoolhmadaꞌ am, maap jam ji ja sooꞌmdhai pu bɨɨx maaꞌn jimdam ja koodaꞌ nam jɨꞌk bhaiꞌ oiꞌñkaꞌ.

LUUKAS 23:29

Na guꞌm aajim gu tanoolh na pim paiꞌ dhuuk jup kaiꞌchdhaꞌ tɨi: “Joidham jix bhaiꞌ tu ja jii guiꞌ na cham jir ja ai gu aꞌaalh, na mɨt cham jɨꞌxkat tu xiꞌiich, ni ku mɨt cham jɨꞌxkat jum aꞌlhich chuutkamta.”

1 KORIINTO KAM 7:26

Nam gɨt puiꞌ dɨꞌdɨlhdhɨm ba oipodaꞌ, cham tuꞌm ka ja gaꞌngadaꞌ nam jaroiꞌ ja bɨɨm tu kiichaꞌ, na guꞌx chu xijai yaꞌ dhi oiꞌñgaꞌn bhaan noꞌñ ba tɨ bɨɨnaꞌ.

1 TESALOONIKA KAM 2:16

na guꞌ noꞌch tɨi xix chu ja aꞌgidham guiꞌ nam cham jir Israel kam jaꞌtkam nam baꞌ cham jup jum tulhiiñaꞌ, guiꞌ cham aaꞌndaꞌ am nach gan tu ja aꞌgiꞌñdhaꞌ. Puꞌñi dhuuk jamɨt baꞌ bam uaꞌtulh jaꞌp gɇꞌkam kɨꞌn, ba suudaꞌ ja iꞌiiꞌmdaꞌ bhaan. Baꞌ dai na cham xiim jix ioꞌm ja tulhiiñchudaꞌ cham ja joiꞌmdat gu Dios.

ISRAEL KAM 13:16

Jam guguuxiꞌñ iñ ɨp na pim cham mɨk buppat jix bhaiꞌm duukam xip tu buadaꞌ bhaankamuꞌn gu Dios, gam na pim jix ja joiꞌndat xi chu ja maakat gu jaiꞌ gu tuꞌ noꞌ ja aꞌm jum aagaidhaꞌ, na guꞌ dhiꞌ puꞌñi jaꞌk jix kɨɨꞌ kaꞌm nɨiꞌñ gu Dios, jaꞌp ji buusandaꞌ na pim tu makgɨrxiꞌñdhaꞌ.

SANTIAGO 5:1

Baꞌ aapiꞌm na pim jir jix chutumñigam, soiꞌ pim bam ɨlhdhaꞌ buiñor guch Gɨꞌkoraꞌ, na guꞌ bam aajim na paiꞌ dhuuk cham bhaiꞌ tu jam jimiaꞌ.

1 PEEGRO 4:17

Na guꞌ xib yaꞌ aach jich bui nach jɨꞌk ba tɨ jɨɨgiꞌñ buiñor guch Xoiꞌkam, bar bhaan na paiꞌ dhuuk matgilhiaꞌ nach jɨꞌk moo jimiaꞌ jix dhaam jaꞌk buiñor gu Dios. Puiꞌ ku baꞌm aaꞌ nach jich chulhiiñaꞌ xib nach yaꞌ ka dudua dhi tutkuꞌ bhaan, na baꞌ bhaan jix maatɨꞌ kaꞌ noꞌch sɨlhkam buiñor tɨ jɨɨgiꞌñ, piam kuch guꞌ pɨx jap kaiꞌch. Dho jaiñ nach guꞌ aach puiꞌp xich chulhiiñaꞌ palhɨɨp sia kuch ba tɨ jɨɨgiꞌñ buiñor guch Xoiꞌkam nach baꞌ pɨk ba jimiaꞌ nach paiꞌ jaꞌk cham kach chulhiiñaꞌ. ¿Guiꞌ gi baꞌ nam pu cham kɨɨgalhdhat pu cham tɨ jɨɨgiꞌñ buiñor sia kum tɨi tu ja aꞌgiꞌñ gu ñioꞌkiꞌñ, jax japim ɨlhiiꞌñ na ji chu buusniaꞌ ja bui? Dho dai na xi ja aagiꞌñdhaꞌ dho na mɨt pu cham miꞌ puiꞌ jii na jax jix aaꞌ, miꞌ dhɨr dai na ba ja tulhiiñchudaꞌ.