LUUKAS 21:12 - Tepehuano Tepehuán del Sureste (Durango)

¹² ’Baꞌ bɨɨpɨꞌ na baꞌ moo bhaiꞌ ji jɨgialhchaꞌ, aapiꞌm na pim jɨꞌk tɨ jɨɨgiꞌñdhaꞌñ bui, jam daꞌngɨi jam uiꞌkaꞌ am gu jaꞌtkam mu jaꞌp nam paiꞌ jax tu chichiopiꞌ kaꞌ, miꞌ baꞌ bhaiꞌ ji jam tɨkkaꞌ am na pim jax kaiꞌñkam miꞌ puiꞌ tu daaꞌñchugɨt miꞌ puiꞌ jiim na jax aañ. Miꞌ dhɨr baꞌ mu jaꞌp ba jam uꞌaidhaꞌ am nam paiꞌ jax darkaꞌ gux kakaiꞌ gio jaiꞌ ja bui gu gɇꞌgɇrkam.

LUUKAS 21:12 ပူးပေါင်းရင်းမြစ်များ

MATEO 22:6

Gu jaiꞌ baꞌ dai na mɨt bhaiꞌ ji ja daꞌngɨ gu tujuandam tugiꞌñ gu gɇꞌkam, ja gɨbiimɨk jamɨt mi jaꞌp xi ja koodak.

MATEO 24:8

Ku baꞌ guꞌ dhiꞌ na bhaan pɨx jix maatɨꞌ kaꞌ ji na ba miamlhidhaꞌ na paiꞌ dhuuk pɨk tum kuugalhdhaꞌ yaꞌ dhi oiꞌñgaꞌn bhaan.

LUUKAS 21:11

Gio baꞌ na muiꞌ kap dɨɨlh pɨx ba joiñdhaꞌ dhi oiꞌñgaꞌn. Gam na bhiogiꞌ bhaiꞌ ji jimiaꞌ. Gio gu koꞌkdaiꞌ na bhaiꞌ ji chu aayaꞌ. Gio bha jaꞌp jix dhaam bɨɨx aixim jix ɨɨbhidham jax ña pim pɨx ba tɨ nɨiꞌñdhaꞌ na pim tuꞌ cham paiꞌ dhuuk pu chuꞌm tɨ nɨiꞌñdhaꞌ. Gam jaiꞌ bɨɨx aixim ku pim puiꞌ tɨ tɨgiaꞌ. Baꞌ dhiꞌ bhaan jix maatɨꞌ kaꞌ na ba miamlhidhaꞌ na bam tɨɨmoꞌ dhi oiꞌñgaꞌn.

JUAN 15:20

¿Cham aa guꞌ tɨꞌñcho pim nañ jup jam tɨtda na gu jax chuꞌm tujuandam jir kɇɇkam kaꞌ pɨx, cham tuꞌ jaꞌxbuiꞌp xim taat kaꞌ na jax guiꞌ na miꞌ buiñor tu juandaꞌ? Guꞌ baꞌ xib puꞌñi ɨp noꞌ mɨt aañ cham jiñ kɨɨgalh gu jaꞌtkam, aapiꞌm jam puiꞌ cham jup jam kɨɨgalhdhaꞌ, nam guꞌx mat kaꞌ na pim aañ jiñ kaichgɨdaꞌ. Piam ku mɨt guꞌ jaiꞌ dhɨt cham jax ji chɨꞌɨɨk miꞌ puiꞌ ba jii na pim jax tu ja aꞌgidhaꞌ jiñ aꞌmkam, dhiꞌ baꞌ jaꞌp ji buusniaꞌ nam aañ xiñ kɨɨgalhdhaiñ kɇɇji miꞌ puiꞌ ba jimaꞌ nañ jax tu aꞌga xib.

JUAN 15:21

Puꞌñi jaꞌk moo tu jam jimiaꞌ jiñ jaaduñ na pim jɨꞌk bañ kaichuꞌ, jam bhaamkidhai cham jam kɨɨgalhdhaꞌ am gu jaꞌtkam nañ jax ba kaiꞌch, nam guꞌ cham mat kaꞌ guiꞌ nat jaroiꞌ bhañ joot. Jaꞌp jum aaꞌndaꞌ am nañ dɨɨlh pɨx jup kaiꞌchdhaꞌ.

GU NOONBIꞌÑ GUCH XOIꞌKAM 22:30

Baꞌ buimgidhak ba tu chia gux ioꞌm ja gɇꞌkam tuk gu sandaaruiꞌx nam sap alhio ka xi dhoꞌñchoꞌ gu Paablo na buupulh bapaiñum tɨtropiñ kɨꞌn. Miꞌ dhɨr baꞌ dai nat ba tu ja joochxi gu ja gɇꞌgɇrkam tuk guiꞌ nam bhaiꞌ gɇꞌ chiop tu daandaꞌ ja aꞌmkam gu Israel kam jaꞌtkam gio baꞌ jaiꞌ guiꞌ nam jaꞌppɨx jir ja gɇꞌgɇrkam tuk kaꞌ, nax maachim nam jax kaiꞌñkam buiñor jix bhaak gu Paablo. Baꞌ na mɨt paiꞌ dhuuk bɨɨx miꞌ bam jumaap miꞌ na paiꞌ tum aꞌgadaꞌ, ba tu chia nam mu baidhikaꞌ gu Paablo, mi jaꞌp baꞌ xi ja kɨɨx ja saagiꞌñ guiꞌ nam miꞌ bax iattulhdham.

GU NOONBIꞌÑ GUCH XOIꞌKAM 5:40

Dai na mɨt xi chu chia pɨx nam ja baiꞌñpui xi ja gɨɨꞌbiaꞌ chipliin kɨꞌn gu noonbiꞌñ guch Xoiꞌkam. Miꞌ dhɨr baꞌ dai na mɨt xi ja sooꞌmchulhdhak ba ja joot nam cham naiꞌ bhaan ka tu aꞌgadaꞌ gu Jesuus.

GU NOONBIꞌÑ GUCH XOIꞌKAM 8:3

Gu Saulo guꞌ mɨlhchuꞌ ji na ja gaaꞌñchuꞌ guiꞌ nam jɨꞌk tɨ jɨɨgiꞌñ buiñor guch Xoiꞌkam, mɨjɨ jaꞌp baꞌpki chɨr baapkidhat ja tɨbaipput bha ja boosgaim gu chichioꞌñ gio gu uꞌuub. Miꞌ dhɨr baꞌ dai na ja uꞌtɨkat ja kuupaim bhaiꞌ nam paiꞌ ja kukpadaꞌ gu jaꞌtkam.

GU NOONBIꞌÑ GUCH XOIꞌKAM 9:4

Baꞌ miꞌ pu ia gu Saulo, baꞌ ba kai nat bhaiꞌ ba tum ñio bhammɨ dɨr jix dhaam, jup tum kaiꞌch: ―Aapiꞌ Saulo, ¿jax kup baꞌñ oꞌbhagiꞌñchuꞌ?

1 PEEGRO 2:13

Jam guguuxiꞌñ iñ ɨp jiñ jaaduñ na pim tuꞌ kaꞌm xi ja nɨidhat gu gɇꞌgɇrkam yaꞌ kam dhi oiꞌñgaꞌn, puiꞌ na jax gux ioꞌm gɇꞌkam Rooma kam. Puꞌñi jaꞌk jix kɨɨꞌ kaꞌm nɨiꞌñ guꞌ gu Dios na pim tuꞌ kaꞌm ja nɨiꞌñdhaꞌ gu gɇꞌgɇrkam.

NAT JAX TƗ TƗƗ GU JUAN 2:10

Baꞌ aapiꞌm cham tuꞌ bhaan jax jim aagɨt gammɨjɨ muiꞌ xix biiñak kaꞌ buiñor gu Dios. Chaꞌpim jax jum aaꞌndaꞌ sia kut bɨɨx aixim jix buam bhaiꞌ ji chu jam jii. Xi ñakooꞌndaꞌ pim sia noꞌ mɨt bhaiꞌ ji jam tulhiiñchuda gu jaꞌtkam bhaankamuꞌn gu jaꞌook, na guꞌ jax chuꞌm tanoolh puiꞌ jaꞌk ja jurtudaꞌ nam jam tulhiiñchudai jam kuupaꞌ, ku guꞌ dhiꞌ na bhaan pɨx matgilhiaꞌ ji noꞌ pim moox biiñak jiñ bui piam ku guꞌ cham. Gio guꞌ cham tuꞌ muiꞌ tanoolh jum tulhiiñaꞌ pim, mambhɨɨx tanoolh pɨx. Baꞌ noꞌ pimɨt nakoo sia ku pim puꞌñi giilhim jum tulhiiñ, jam makiaꞌ iñ gu gɇꞌgɇr jup tum duuꞌnkam nar jam namkiꞌ kaꞌ.