LUUKAS 20:35 - Tepehuano Tepehuán del Sureste (Durango)

³⁵ Guꞌ matgɨm guiꞌ nam miꞌ puiꞌ jimɨi koꞌyaꞌ ja tutkuꞌ bhaan na jax jix aaꞌ gu Dios, cham tuꞌ bhaan jup ka tɨtɨɨꞌñchokaꞌm ji janoꞌ nam paiꞌ dhuuk maakam jaꞌk aayaꞌ,

LUUKAS 20:35 ပူးပေါင်းရင်းမြစ်များ

MATEO 12:32

Baꞌ noꞌm guꞌ gampaiꞌ pɨx jiñ biaꞌ aañ nat bhañ joot guñ Gɨꞌkoraꞌ, siax bhaaiꞌ na tu ja uañdhaꞌ gu Dios gu ja uaꞌtulhdharaꞌ noꞌm soiꞌm ɨlhiiꞌñ buiñor. Guꞌ baꞌ noꞌm guꞌ gux Dhuuduꞌ kam jix Uañ Iiꞌmdagaꞌn gu Dios gampaiꞌ pɨx biaꞌ, dho gi guꞌ pu cham jɨꞌxkat tu ja uañdhaꞌ ji gu Dios gu ja uaꞌtulhdharaꞌ sia pɨk nar jax kaꞌ gɨt, nam guꞌ cham soiꞌm ɨlhiiꞌñdhaꞌ buiñor.

MATEO 22:29

Baꞌp ja tɨtda gu Jesuus: ―Dho jax dhui na pim guꞌ cham maat gu puiꞌ na jax tu uaꞌñix gu ñioꞌkiꞌñ gu Dios, ni na pim jix maat na jax jir gɇꞌkam na pu tu duñiaꞌ na jax ɨlhiiꞌñdhaꞌ.

MAARKOS 10:42

Guꞌ ji nat guꞌ gu Jesuus jotmodaꞌ maap xi ja jumpadak jup ja tɨtda: ―Jax dhui na cham jir am na pim moo kɨꞌn jup bax bhaak na pim jix aagɨt na pim jir gɇꞌgɇrkam kaꞌ. Na guꞌ dhiꞌ jaꞌp pɨx ba ji buusan na jax guiꞌ nam cham tuꞌ kaꞌm tɨ nɨiꞌñ, puiꞌ na jax guiꞌ nam jix kakaiꞌ kɨꞌn dadarrɨ, nam dai giilhim gɇꞌgɇrkam jum taat kaꞌ, sia ji guꞌ guiꞌ nam miamdagaꞌn kɨꞌn dadarrɨ.

MAARKOS 12:24

Baꞌp ja tɨtda gu Jesuus: ―¿Jix maat japim aa na pim paiꞌ jax chuꞌt jup kaiꞌch? ¿Kux guꞌ ɨlhiiꞌñ japim aa na puiꞌ kaiꞌñkam jup jum kaiꞌch gu ñioꞌkiꞌñ gu Dios miꞌ na paiꞌ tu uaꞌñix? Cham tuꞌr puiꞌ ɨp ji siamri. Guꞌ matgam gu Dios tuꞌ na pɨx jix aichuꞌn ji, guꞌ ji na pim guꞌ aapiꞌm cham maat.

LUUKAS 16:8

Baꞌ gux chumñigam gatuuk ba maat nat jix aich nat jax jaꞌk duu gu tujuandam tugiꞌñ kat na baꞌ cham mu jaꞌp pɨx maiꞌ gɨɨxix kaꞌ. Maaxik puiꞌ jaꞌk tu jim am guꞌ guiꞌ nam cham miꞌ puiꞌ jiim na jax jix aaꞌ gu Dios, jix ioꞌm jix aichuꞌn am nam jax jaꞌk duñiaꞌ gu tuꞌ na dɨɨlh jir jup ja duiñ kaꞌ, cham tuꞌ puiꞌ na guiꞌ nam miꞌ puiꞌ jiimdaꞌ na jax jix aaꞌ gu Dios.

LUUKAS 21:36

Guꞌ aapiꞌm gammɨjɨ tu daandaꞌ ji buiñor gu Dios jix dhaam jaꞌk na pim baꞌ cham jum tulhiiñaꞌ na jax gu jaꞌtkam guiꞌ nam cham tuꞌ kaꞌm tɨgiaꞌ gu Dios, gam na pim baꞌx bhaiꞌm taatɨt baasɨꞌn bañ ñamkiaꞌ nañ bhaiꞌ ba jimdaꞌ.

JUAN 5:29

Nañ guꞌ ka ja baapmiꞌñdhaꞌ nañ baꞌ moo ba ja aagiꞌñdhaꞌ na mɨt jɨꞌk miꞌ puiꞌ jii na jax jix aaꞌ guñ Gɨꞌkoraꞌ nañ baꞌ cham ka ja tulhiiñchudaꞌ, dai nañ ba ja baidhikaꞌ na paiꞌ cham ka tu muukiꞌ. Guꞌ baꞌ guiꞌ na mɨt jɨꞌk cham tuꞌ kaꞌm tɨɨ guñ Gɨꞌkoraꞌ, pɨx am tɨꞌñchokaꞌ am nañ ja jootsaꞌ mu nam paiꞌ miꞌ pup jum tulhiiñdhaꞌ gammɨjɨ.

GU NOONBIꞌÑ GUCH XOIꞌKAM 24:15

Baꞌ puꞌñip jix biiñak iñ aañ buiñor gu Dios na jax dhiꞌ am nam puiꞌ jaꞌk jix biiñak nam gatuuk duduadɨi giop baapmigiaꞌ bɨɨx gu koiꞌñgaꞌn, puiꞌ na jax guiꞌ nam cham uꞌuaꞌtulhdhix kaꞌ gio guiꞌ nam jix uꞌuaꞌtulhdhix kaꞌ.

GU NOONBIꞌÑ GUCH XOIꞌKAM 5:41

Baꞌ gu noonbiꞌñ guch Xoiꞌkam miꞌ dhɨr jup ba jii mɨt ja bui gu gɇꞌgɇrkam joidham jix bhaiꞌm taattugɨt, nam guꞌx maat na gu Dios puiꞌ jaꞌk jix aaꞌ nam jum tulhiiñdhaꞌ bhaankamuꞌn gu Jesuus.

2 TESALOONIKA KAM 1:5

Baꞌ dhiꞌ bhaan jix maatɨꞌ na aagix na jax jaꞌk jum aaꞌ nam tu jimiaꞌ guiꞌ nam jix jimiik kaꞌ buiñor gu Dios. Jix bhaiꞌ bax maatɨꞌ na pim aapiꞌm ba iimchudhix na pim buiñor aayaꞌ na paiꞌ dhɨr bɨɨx kap jir gɇꞌkam, na pim guꞌ puiꞌ jaꞌk tuiꞌñgɨt maiꞌchim na pim jum tulhiiñ.

ISRAEL KAM 11:35

Jaiꞌ dhɨt dhiꞌ nañ jaroiꞌ ja aaꞌ, jix bhaiꞌm duukam jup tu duuk jamɨt ja bui gu dɨꞌdɨlhdhɨm uꞌuub, ja duduaꞌñdhak bhaankamuꞌn gu Dios giop ja baapmiꞌ mɨt gu ja maamar nam ba koꞌiix kat. Jaiꞌ dhɨt moo xiꞌx ioꞌm jix biiñak kat am buiñor guch Gɨꞌkoraꞌ, puiꞌ ku mɨt baꞌ cham jax ɨlh na mɨt giilhim ja tulhiiñchudaimɨk ja koi nam xi chuut nam gammɨjɨ pu kaichgɨdaꞌ gu Dios sia kum tɨi ja chian nam sap cham ka kaichgɨdaꞌ, nam guꞌx aaꞌ nam ba jimiaꞌ nam paiꞌ cham tuꞌ bhaan kam tulhiiñaꞌ.

NAT JAX TƗ TƗƗ GU JUAN 3:4

Dai baꞌ guiꞌ nam jɨꞌk jiñ ñɨɨr jañ xi ja baidhai, puiꞌ na jax guiꞌ nam jɨꞌk miꞌ puiꞌ jiim na jax jix aaꞌ gu Dios miꞌ dhiꞌ Sardiis, nam cham paiꞌ dhuuk tuꞌ bhaan jum uaꞌtulhiꞌñ. Baꞌ gammɨjɨñ bɨɨm oipodaꞌ am bhammɨx dhaam joidham jix chooto ji chɨm tɨiꞌdhat.