LUUKAS 20:13 - Tepehuano Tepehuán del Sureste (Durango)

¹³ ’Baꞌp jum aaꞌ guiꞌ nat tu darai gu uubas: “¿Gi jarooñ baꞌ mu jootsaꞌ nam baꞌ cham jax ji chɨꞌji bha makiaꞌ gu uubas na jɨꞌk jiñ aꞌm jup bipioꞌ? Gi noꞌ ñich mu joot dhi dɨɨlh jiñ mar, kat jam chi iam tuꞌ kaꞌm tɨɨgɨi makiaꞌ, nam guꞌx maat nañ giilhim jix dhaꞌ.”

LUUKAS 20:13 ပူးပေါင်းရင်းမြစ်များ

MATEO 17:5

Baꞌ na miꞌ puiꞌ ka kaiꞌch gu Peegro, jotmodaꞌ bhaiꞌ ji chɨbgɨr, jix chutuap tum duu miꞌ nam paiꞌp tuꞌiiꞌ. Baꞌ bhɨjɨ dɨr jaꞌp tɨbaaꞌñ chaꞌm bhaiꞌ ji chum ñio, jup tum kaiꞌch: ―Dhi Jesuus aañ jir jiñ mar, baꞌx ioꞌm jix dhaꞌ iñ. Aañiꞌ yaꞌ dɨr mu joot na pim baꞌ miꞌ puiꞌ xi jimɨi na jax jam tɨɨdaꞌ.

MATEO 3:17

Miꞌ dhɨr baꞌ bhaiꞌ ji chum ñio bhammɨ dɨr jix dhaam, jup tum kaiꞌch: ―Dhiꞌñir diꞌ guñ mar nañ jix ioꞌm jix dhaꞌ, na ñich guꞌ pu bɨjɨk dɨr bhaan tɨ tɨɨ.

LUUKAS 18:2

Jup ja tɨtda: ―Maaꞌnnim maaꞌn gu maaꞌnkam maaꞌn kap jir gɇꞌkam kaꞌ, na paiꞌ muiꞌ paꞌ daaꞌñxim jir kikcham kaꞌ. Cham tuꞌ kaꞌm ja nɨiꞌñdhaꞌ gu jaꞌtkam dhiꞌ dhi gɇꞌkam, ni gu Dios ku tuꞌ kaꞌm nɨiꞌñdhaꞌ.

LUUKAS 18:4

guꞌ ji na guꞌ cham tuꞌp jum buixiꞌñdhaꞌ. Muiꞌ tanoolh jup duu na cham tuꞌp jum buixiꞌñdhaꞌ gu gɇꞌkam buiñor gu dɨɨlhdhɨm ubii. Baꞌ maaꞌnnim jup jum aaꞌ: “Gi noꞌ ñich aꞌmkamuꞌn jup ñio dhi ubii ku cham kañ juandaꞌ, sia kuñ tɨi cham tuꞌ kaꞌm ja nɨiꞌñ gu jaꞌtkam, ni gu Dios kuñ tuꞌ kaꞌm nɨiꞌñ. Jir maaꞌn na bha jaꞌk jiñ chooñiꞌñ.”

LUUKAS 20:12

Jumai baꞌ bhammɨ dɨr bhaiꞌ tɨip joot. Maaꞌn na mɨt jax dhooda, xi gɨbiimɨk jamɨt jix ɨꞌrsuꞌ miꞌ dhɨr jup ji aadi, pu cham tuꞌ mɨt maa.

LUUKAS 20:14

Guꞌ ji na guꞌ nat paiꞌ dhuuk tɨi mu ba ai gu maraaꞌn, jup jum tɨ tɨtda am dɨɨlh gu tujuandam: “Dhiꞌ dho baꞌr diꞌ guiꞌ na bhaan ji chu biꞌyaꞌ bɨɨx na jɨꞌk yaꞌx chu jaiꞌch na paiꞌ dhuuk mukiaꞌ gu taataꞌn. Jaꞌpji nach yaꞌ muꞌaaꞌ, kapbhaiꞌ nat yaꞌ ba ai. Aach baꞌch aꞌm ji chu biꞌyaꞌ na jɨꞌk yaꞌx chu jaiꞌch.”

LUUKAS 9:35

Baꞌ bhaiꞌ ba tum ñio bhɨjɨ dɨr, jup tum kaiꞌch: ―Aañ dhiꞌr jiñ mar. Gɇꞌkam kɨꞌn bhaan tɨ tɨɨ ñich. Miꞌ pim puiꞌ xi jiimɨt na jax jam tɨɨdaidhaꞌ.

JUAN 1:34

Xib jañ dho gi baꞌ moo bax maat ji na dhiꞌr diꞌ, baꞌ aañ yaꞌ pu jam tɨtda, na dhiꞌ Dios jir Maraaꞌn.

ROOMA KAM 8:3

Gu Dios puiꞌ jaꞌk ba tu duu guꞌ nat tuꞌ cham jɨꞌxdhaꞌ pu duu guiꞌ na jax tu aagix nat Moisees tu uaꞌnak, cham bhaaiꞌn kaꞌ guꞌ na jax dhuich pataasaꞌ guch chutkuꞌ bhaan nach jir yaꞌ kam dhi oiꞌñgaꞌn. Baꞌ gu Dios bhaiꞌ ma joot gu dɨɨlh Maraaꞌn pu chuꞌm jup xi dhuuk na jax chuꞌm gu yaꞌ kam maaꞌnkam dhi oiꞌñgaꞌn taꞌm nat baꞌ yaꞌ muu jich aꞌmkam nach jix uaꞌtulhdhix, puꞌñi dhuuk baꞌ cham tuꞌch dhaam kap tuꞌiiꞌ xib guch uaꞌtulhdharaꞌ.

GALAASIA KAM 4:4

Guꞌ ji na guꞌ yammɨ nat paiꞌ dhuuk jum ai nat paiꞌ pɨx juugɨt tu dai dɨɨlh gu Dios, bhaiꞌ ba joot gu Maraaꞌn nat baꞌ yaꞌ maaxir bhaan dɨr maaꞌn gu ubii, dhiꞌ na miꞌ puiꞌ tu daaꞌñchuꞌndaꞌ na jɨꞌk jax tu aagix ja bui bɨɨx gu Israel kam jaꞌtkam. Baꞌ dɨɨlh miꞌ puiꞌp tu duu na jɨꞌk jax tu aagix dhi Maraaꞌn gu Dios,