LUUKAS 19:21 - Tepehuano Tepehuán del Sureste (Durango)

²¹ Nañ guꞌ xim ɨɨbhiꞌñ nap jiñ ñiokdhaꞌ noꞌ mɨt mañ ɨɨx, piam ku ñich dɨɨlh maiꞌ ma iabu. Nañ guꞌx maat nap giilhim jix bhanaaꞌ tuꞌ na pɨx bhaan sia palhɨɨp jup jum duukam, pu duñiaꞌ ap jax noꞌ pich ba ɨlh, sia kum cham pu kaiꞌch gu jaꞌtkam.”

LUUKAS 19:21 ပူးပေါင်းရင်းမြစ်များ

LUUKAS 19:20

Baꞌ gu jumai nat miꞌp ai, jup tɨtda pɨx gu gɇꞌkam tugiꞌñ: “Yaꞌni baꞌ gum tumñiꞌ na pich yaꞌñ dhoꞌñchidhak. Aañ cham tuꞌ kɨꞌn tu jua. Jannulh chaꞌm jañich pɨx xi bhiibgak bha jaꞌp xi gaamuk nañ puꞌñiñ aaꞌ nañ giop bam makiaꞌ noꞌ pich yaꞌ ba ai.

LUUKAS 19:22

Baꞌ gu gɇꞌkam jup tɨtda: “Dho cham tuꞌr jix kɨɨꞌ tujuandam ap aañ nañ paiꞌ jax kaiꞌch. ¿Cham bhaaiꞌ aa nap muñ dhoꞌñchidhaꞌ gɨt nam paiꞌ muiꞌdhalhiꞌñ jaiꞌ dhɨt gu ja tumñiꞌ nap puiꞌ xiñ ɨɨbhiꞌñ, nap guꞌ puiꞌx maat nañ pu tu duñiaꞌ pɨx jax noꞌ ñich ba ɨlh sia kum cham pu kaiꞌch gu jaꞌtkam? Siamri guꞌ jɨꞌk jup ba muiꞌdhaꞌ gɨt na ñich jɨꞌk juruuñ.”

ROOMA KAM 8:15

Baꞌ chaꞌpim jix chotdonɨt miꞌ puiꞌ jiimdaꞌ na jax jam jurtudidhaꞌ gux Dhuuduꞌ kam jix Uañ Iiꞌmdaꞌ. Na guꞌ dhiꞌ cham tuꞌr diꞌ gux buam jum duukam na jaꞌp pɨx tu jam juantuꞌn na baꞌ miꞌ dhɨr cham bhaiꞌ ka tu jam jimiaꞌ, guꞌ matgɨm dhix Dhuuduꞌ kam jix Uañ Iiꞌmdaꞌ puiꞌ ba jam duu ji na pim jir maamraꞌn kaꞌ gu Dios. Dhiꞌ pɨx jix Dhuuduꞌ kam jix Uañ Iiꞌmdaꞌ puiꞌch jurtuꞌnkaꞌ nach baꞌ gu Dios puiꞌ iimdaꞌ nar jich Gɨꞌkoraꞌ.

ROOMA KAM 8:7

Gio guꞌ guiꞌ nam puꞌñi dai bhaan jix buam jum aaꞌndaꞌ na jax ja jurtuꞌnkaꞌ gu ja tutkuꞌ nar yaꞌ kam dhi oiꞌñgaꞌn, dhiꞌ bhaan jix maatɨꞌ kaꞌ nam jix bhaamkiꞌñdhaꞌ gu Dios, na guꞌ cham bhaaiꞌn kaꞌ nam jax dhui miꞌ puiꞌ jimiaꞌ na jax tu aagix buiñor, gio guꞌ cham jɨꞌxkat miꞌ puiꞌ jimiaꞌ am sia pɨk jax kaꞌ gɨt.

2 TIMOTEO 1:7

Nat guꞌ gu Dios cham tuꞌch aꞌm tajaa gu jax chuꞌm iiꞌmdaꞌ na bhaan jich ɇɇkaꞌ gu tooꞌnniꞌ, guꞌ guiꞌ ji na tu guguuxiꞌñ, gio na tu maak joiꞌmdaraꞌ, gio nañ mattuꞌnkaꞌ noꞌñ moox bhaiꞌm duukam jup tu bua.

SANTIAGO 2:10

Gu baꞌ noꞌ pim bɨɨx miꞌ puiꞌ tɨi ka duiñchuꞌ na jɨꞌk jax tu daaxix gu ñioꞌkiꞌñ, guꞌ ji noꞌ pimɨt guꞌ miꞌ paiꞌ maaꞌn kap am cham am xi bua, miꞌ pimɨt dho bam uaꞌtulh gɇꞌkam kɨꞌn, jaꞌp ji buusniaꞌ na pim moo pu bɨɨx cham am buaꞌ na jɨꞌk jax tu daaxix gu ñioꞌkiꞌñ gu Dios, sia ku pimɨt guꞌ maaꞌn kap pɨx tɨi cham am bua.

1 JUAN 4:18

Na guꞌ noꞌñ moo joidham xix chu joiꞌgɨꞌn na jax gu Dios, cham tuꞌ bhaan toodon kaꞌ iñ, dai nañ joidham jix bhaiꞌ pɨx jiñ chaat kaꞌ, pu paiꞌ na jaꞌk jax jum duñiaꞌ gu tooꞌnniꞌ. Guꞌ dai ji noꞌñ cham puiꞌp jix chu joiꞌgɨꞌn na gu Dios nañ baꞌ tɨix choodon kaꞌ, nañ guꞌx mat kaꞌ nañ bañ chulhiiñaꞌ pɨx baꞌ, nañ guꞌ dhiꞌ bhaan cham am buatuꞌndaꞌ.

JUUDAS 1:15

na bam aayaꞌ na paiꞌ dhuuk ja aagiꞌñdhaꞌ bɨɨx na jɨꞌk jaꞌtkam nam tu jax buimɨi nam duduakat gu ja tutkuꞌ bhaan. Baꞌ miꞌ dhɨr dai na ba ja tulhiiñchudaꞌ guiꞌ nam jɨꞌk bɨɨx aixim jix buam tu buimɨi na jax cham kɨɨꞌ kaꞌm nɨiꞌñ, gam guiꞌ nam bɨɨx aixim aiꞌchuxdhat jix bhaamut aꞌgimɨi gu Dios.”