LUUKAS 17:30 - Tepehuano Tepehuán del Sureste (Durango)

³⁰ Aañ baꞌ puꞌñi ɨp janoꞌ nañ gio bhaiꞌp jimdaꞌ yaꞌ dhi oiꞌñgaꞌn, cham tuꞌp jum buixiꞌñdhaꞌ am gu jaꞌtkam sia kum jaiꞌ dhɨt tɨi ja aagiꞌñ. Yaꞌ pɨx pu bañ maaxdhaꞌ iñ nam cham pum aaꞌndaꞌ.

LUUKAS 17:30 ပူးပေါင်းရင်းမြစ်များ

MATEO 16:27

Na guꞌ aañ nañ paiꞌ dhuuk gio bhaiꞌp jimdaꞌ yaꞌ dhi oiꞌñgaꞌn bhaan, jix ioꞌm gɇꞌkam kɨꞌn bha jimdaꞌ iñ, na guꞌñ aꞌm tɨ nɨidhidhaꞌ guñ Gɨꞌkoraꞌ, sia gu noonbiꞌñ jam jiñ bɨɨm jiimdaꞌ. Baꞌ yaꞌ ja makiaꞌ iñ bɨɨx gu jaꞌtkam gu tuꞌ nar ja maiꞌchɨk kaꞌ bɨɨx jɨꞌmaꞌn nam tuꞌ jax buimɨi yaꞌ dhi oiꞌñgaꞌn bhaan, noꞌm miꞌ puiꞌ jiimdat na jax jix aaꞌ gu Dios piam ku guꞌ cham.

MATEO 24:3

Baꞌ nam miꞌ puiꞌ xi chu aꞌgimɨk, moo sɨlh bhɨi mɨt baasɨꞌn dɨr jaꞌk oidhaꞌ taꞌm bhaiꞌ nam paiꞌ Oliibus kɨꞌn jix chu mat kaꞌ gu jaꞌtkam. Baꞌ jimdat bha jaꞌp ji dhaibu gu Jesuus, baꞌ gu noonbiꞌñ muiꞌ ji ai mɨt nam dɨɨlh jix chɨkkam, jup tɨtda am: ―¿Paa baꞌ pɨk duuk puiꞌ ba jim iaraꞌ gu gɇꞌ chiop, gio na jax ba tum buidhaꞌ na paiꞌ dhuuk bar miaꞌn kaꞌ nam tɨɨmoꞌ dhi oiꞌñgaꞌn, gio nap paiꞌ dhuuk aap saak gio bhaiꞌp ba jimdaꞌ?

MATEO 24:37

’Baꞌ janoꞌ nañ paiꞌ dhuuk gio bhaiꞌp jimdaꞌ yaꞌ dhi oiꞌñgaꞌn bhaan, aañ nañ xib yaꞌ oirɨ bhaankam guñ Gɨꞌkoraꞌ, puꞌñi jaꞌk jup tum duñiaꞌ nat jax tum duu janoꞌ na paiꞌ dhuuk gu Noee tɨi pup tu ja aꞌgidhimɨk gu jaꞌtkam na tɨi ja aagiꞌñdhaꞌ na jax ja doodaꞌ gu Dios, guꞌ ji na mɨt guꞌ cham jɨꞌxkat kai.

MATEO 24:39

Ni jɨꞌx kum cham pum aagɨt gu jaꞌtkam na jax jup tum duñiaꞌ, na guꞌ jotmodaꞌ pɨx nat bhaiꞌ ji dhuuꞌn nam cham pum aaꞌ, baꞌ pu bɨɨx koi mɨt bhaiꞌkuk. Baꞌ puꞌñip tum duñiaꞌ janoꞌ nañ paiꞌ dhuuk aañ gio bhaiꞌp jimdaꞌ yaꞌ dhi oiꞌñgaꞌn bhaan, aañ nañ xib bhaankam yaꞌ oirɨ guñ Gɨꞌkoraꞌ.

MATEO 26:64

Miꞌ dho gi guꞌ muiꞌ ji ñio ji gu Jesuus, jup kaiꞌch: ―Jir puiꞌ dho nap jax kaiꞌch jiñ jaduuñ. Aañ jir diꞌ. Ka na pim moo bañ chɨgiaꞌ gatuuk aañ nañ xib bhaankamuꞌn yaꞌ oirɨ guñ Gɨꞌkoraꞌ, nañ bhammɨ sonpan kɨɨꞌn dɨr jaꞌk ba daakaꞌ buiñor guiꞌ na jaroiꞌ bɨxchuꞌx chu aichuꞌn na pu tu duñiaꞌ, gio baꞌ na pim bañ chɨgiaꞌ ɨp janoꞌ nañ paiꞌ dhuuk gio bhaiꞌp jimdaꞌ yaꞌ dhi oiꞌñgaꞌn bhaan gu tɨbaaꞌ.

MAARKOS 13:26

Baꞌ aañ nat bhañ joot guñ Gɨꞌkoraꞌ, bañ chɨgiaꞌ pim nañ bhɨjɨmmɨni dhɨr bhaiꞌ ji buusniaꞌ tɨbaaꞌñ chɨr, nam baꞌ ba machiaꞌ bɨɨx na jɨꞌk jaꞌtkam nañ aañ puiꞌp jir gɇꞌkam na jax guñ Gɨꞌkoraꞌ.

LUUKAS 17:24

Na guꞌ nañ paiꞌ dhuuk gio bhaiꞌp jimdaꞌ, jaꞌp tuꞌt ya aayaꞌ iñ na jax gu duuk noꞌt bɨpgɨ na jotmodaꞌ muiꞌ kap tum tonniaꞌ.

LUUKAS 17:29

Baꞌ dai tai pɨx miꞌ ba duuꞌn nam cham pum aaꞌ, miꞌ pɨx pu tum totpok dɨbɨɨr taꞌm. Gu Lot guꞌ pu bɨɨpɨꞌ dɨr ba jimiññor miꞌ dhɨr Sodooma nat chakui tai duuꞌn. Baꞌ pu bɨɨx koi mɨt guiꞌ nam mi oiꞌñkat, nim maaꞌn kut bii.

LUUKAS 21:22

Bam aayaꞌ guꞌ gu tanoolh na paiꞌ dhuuk giilhim jix ioꞌm tulhiiñaraꞌ ja daam jimiaꞌ bɨɨx gu jaꞌtkam guiꞌ nam cham tuꞌ kaꞌm tɨ tɨgiaꞌ, baꞌ puiꞌ ba tum duñiaꞌ na jax tu uaꞌñix gu ñioꞌkiꞌñ gu Dios na mɨt tu uaꞌnak gu bɨjɨk dɨr kam.

LUUKAS 21:27

Baꞌ miꞌ dhɨr aañ nañ bhaankam ya oirɨ gu Dios, bañ chɨgiaꞌ pim nañ bhammɨ dɨr bhaiꞌ ba jimdaꞌ bhaan maaꞌn jix chua tɨbaaꞌñ chaꞌm giilhim gɇꞌkam kɨꞌn, joidham am nammɨ jaꞌp jix chu maaxchuꞌndaꞌ.

1 KORIINTO KAM 1:7

Baꞌ cham tuꞌ tuꞌ ka biꞌiix na jam aagiꞌñdhaꞌ gu Dios na pim tuꞌ jax dhuñiaꞌ, na pim guꞌ bɨɨx bax maat, dai baꞌ na pim miꞌ puiꞌ jiimdaꞌ, na pim guꞌ puꞌñi jaꞌk nɨɨrdaꞌ gu Gɇꞌkam jich Xoiꞌkam na jootom gio yaꞌp aayaꞌ dhi oiꞌñgaꞌn bhaan.

1 KORIINTO KAM 1:8

Gu Dios pɨx dɨɨlh jam palhbuiꞌñchuꞌndaꞌ na pim jax jaꞌk miꞌ puiꞌ jiimdaꞌ na jax jix aaꞌ na pim yaꞌ kap tuiꞌdhiꞌ dhi oiꞌñgaꞌn bhaan na baꞌ cham jaroiꞌ jax jam tɨɨdaꞌ na pimɨt cham am bua.

KOLOOSAS KAM 3:4

Guch Xoiꞌkam pɨx jir jam iiꞌmdaꞌ aapiꞌm, na guꞌ na paiꞌ dhuuk maaxik jam buim maaxdhaꞌ, aapiꞌm puiꞌ buiñor jup jum maaxdhaꞌ, baꞌ dai na pim buiñor jaꞌk ji aayaꞌ, gammɨjɨ pim baꞌ pu buiñor bap tuiꞌkaꞌ na paiꞌ dhɨr jix ioꞌm jir gɇꞌkam.

2 TESALOONIKA KAM 1:7

Aapiꞌm baꞌ dai na jam jɨjɨkgɨtdai ba jam jɨɨpdhatdaꞌ na pim jum tulhiiñ, sia puiꞌ na jax aach. Dhiꞌ janoꞌ puiꞌ jaꞌk tum duñiaꞌ na gu Gɇꞌkam jich Xoiꞌkam gio bhaiꞌp jimdaꞌ ja bɨɨm gu noonbiꞌñ gu Dios nam bɨxchuꞌx bhaaiꞌ nam pu tu duñiaꞌ, gɇꞌ tonnichgɨdaꞌ jaꞌp na gu tai noꞌ paiꞌ gɇꞌ mɨim na bhaiꞌ ba jimdaꞌ jix dhaam dɨr.

1 PEEGRO 1:13

Baꞌ aañ jam guguuxiꞌñ jiñ jaaduñ na pim siamri miꞌ puiꞌ xi jiimɨt na jax jix aaꞌ guch Gɨꞌkoraꞌ pɨx am tɨ nɨɨrdaꞌ janoꞌ na paiꞌ dhuuk yaꞌ aayaꞌ guch Xoiꞌkam na baꞌ miꞌ dhɨr ba jam makiaꞌ gu gɇꞌgɇr jup tum duuꞌnkam nat jam iimchuda gu Dios na jam makiaꞌ.

1 PEEGRO 1:7

Na guꞌ dhiꞌ cham pɨk jir tuꞌ sia ku pim jum tulhiiñ tuꞌ na pɨx bhaan, na guꞌ bhaan pɨx jix maatɨꞌ kaꞌ noꞌ pim moo tuꞌ sɨlhkam bɨɨx jam jujur kɨꞌn jix biiñak buiñor guch Gɨꞌkoraꞌ. Jaꞌpni na jax baꞌ jia gux uam totbikdam nax dhaꞌram namɨɨk, nam guꞌ xi mɨmɨiꞌñdhaꞌ tai chɨr nam miꞌ pɨx mamtɨdaꞌ noꞌ moor diꞌ gux kɨɨꞌ, piam ku guꞌ guiꞌ na cham pɨk tuꞌ bhaiꞌ. Aapiꞌm baꞌ puꞌñi ɨp jiñ jaaduñ, miꞌ pɨx bhaan jix maatɨꞌ kaꞌ noꞌ pim moo sɨlhkam jix biiñak buiñor guch Gɨꞌkoraꞌ noꞌ pim puꞌñi tuꞌ bhaan jum tulhiiñ. Baꞌ noꞌ pim pur maaꞌn na pim jax jix biiñak, jaꞌp ji buusniaꞌ buiñor gu Dios na pim aapiꞌm jir diꞌ guiꞌ nax dhaꞌram namɨɨk. Jix ioꞌm tuꞌ kaꞌm jam ɨlhiiꞌñ gu Dios, cham tuꞌ puiꞌ na jax gux uam totbikdam, na guꞌ dhiꞌ puiꞌ pɨx jup jum xichuiꞌdhaꞌ saalhiom. Baꞌ janoꞌ na paiꞌ dhuuk yaꞌ ba aayaꞌ guch Xoiꞌkam, joidham pɨx jix bhaiꞌ jam tɨɨdai jam baidhikaꞌ buiñor, na guꞌx mat kaꞌ na pim aapiꞌm gammɨjɨx biiñak kat buiñor sia ku pimɨt jum tulhii.

1 PEEGRO 4:13

nat guꞌ dɨɨlh guch Xoiꞌkam puꞌñi pɨk jup jum tulhiiñak. Puiꞌ ku pim baꞌ aapiꞌm gɇꞌkam kɨꞌn jix bhaiꞌ pɨx jum taat kaꞌ na pim puiꞌp jum tulhiiñ nat jax jum tulhii guiꞌ jich aꞌmkam janoꞌ na yaꞌ xi oilhimɨk gu tuukuꞌ bhaan, na baꞌ janoꞌ na paiꞌ dhuuk gio bhaiꞌp jimdaꞌ jix ioꞌm gɇꞌkam kɨꞌn, joidham jix bhaiꞌm ɨlhdhaꞌ pim buiñor, na guꞌ pɨx jix bhaiꞌ jam tɨɨdaꞌ na pimɨt puiꞌp tu jii na jax guiꞌ.

1 JUAN 2:28

Baꞌ aañ jam guguuxiꞌñ jiñ jaaduñ na pim muiꞌ xix biiñak kaꞌ buiñor guch Xoiꞌkam cham tuꞌp jum buixdhat sia ku mi jaꞌp jax tum aꞌga. Na guꞌ noꞌ chich jax dhuuk cham miꞌ puiꞌ jii na jax jix aaꞌ, jix xiꞌɨꞌrai naiꞌ gampaiꞌ jich dhuñiaꞌ ich janoꞌ na paiꞌ dhuuk gio bhaiꞌp jimdaꞌ. Guꞌ dai ji nach jix bhaiꞌch chaatɨt baasɨꞌn ba namkiaꞌ noꞌ chich miꞌ puiꞌ jii,

1 JUAN 3:2

Aach dho gi nach guꞌ bax maat nach tuꞌ sɨlhkam bar maamraꞌn gu Dios nañ jax ba jam tɨtdañ jaaduñ, sia kuch guꞌ chakui pɨk moo maat gu xib nach jax moo tuꞌm jup jich dhuñiaꞌ janoꞌ nach paiꞌ dhuuk buiñor bap tuiꞌkaꞌ guch Xoiꞌkam noꞌt bach baidhak yaꞌ dɨr dhi oiꞌñgaꞌn. Daipuꞌ nach jix maat nach saak puiꞌ tuutuꞌm jup jich dhuñiaꞌ na jax jir tuꞌm guiꞌ, nach guꞌ maap bap tuiꞌkaꞌ.

NAT JAX TƗ TƗƗ GU JUAN 1:7

Baꞌ janoꞌ na paiꞌ dhuuk gio bhaiꞌp jimdaꞌ guch Xoiꞌkam, tɨbaaꞌñ chaꞌm bhaan bhɨjɨmmɨni dhɨr bhaiꞌ ji chɨmñiaꞌ. Bɨɨx tɨgiaꞌ am gu jaꞌtkam na jɨꞌx oiꞌñgaꞌn kam, sia guiꞌ na mɨt tulhiiñchudak sissapa kuruus taꞌm janoꞌ na yaꞌ xi oilhimɨk. Baꞌx buam jum ɨlhdhai bhaiꞌ ji susuañiaꞌ am tɨi guiꞌ na mɨt jɨꞌk cham tɨ jɨɨꞌñ buiñor nam ba tɨgiaꞌ na bhaiꞌ ba jimdaꞌ, nam guꞌ puiꞌ xim aaꞌndaꞌ na mɨt cham miꞌ puiꞌ jii na jax jix aaꞌ. Kani gɨt na puiꞌ tum duñiaꞌ.