LUUKAS 17:25 - Tepehuano Tepehuán del Sureste (Durango)

²⁵ Ku guꞌ bɨɨpɨꞌm aaꞌ ji nam jiñ chulhiiñchudaꞌ gu jaꞌtkam nam xib yaꞌx jaiꞌch, nam guꞌ cham jiñ kɨɨgalhdhaꞌ.

LUUKAS 17:25 ပူးပေါင်းရင်းမြစ်များ

MATEO 16:21

Baꞌ ba ja aagiꞌñ gu Jesuus gu noonbiꞌñ na sap bhammɨ jaꞌk jim Jerusaleen, sap baꞌ noꞌt bhammɨ ba ai, tu chiñiaꞌ am nam tulhiiñchudai muꞌaaꞌ gu ja gɇꞌgɇrkam tuk gu Israel kam jaꞌtkam, gio gu ja gɇꞌgɇrkam tuk guiꞌ nam bhaiꞌ gɇꞌ chiop ja palhbuiꞌñdhaꞌ gu Israel kam jaꞌtkam nam tu daandaꞌ buiñor gu Dios, gio baꞌ guiꞌ nam sap jix mat kaꞌ gu ñioꞌkiꞌñ gu Dios. Ku baꞌ guꞌ sap baik tanoolh kɨꞌn duadɨi miꞌ ji na jax ba oirɨdaꞌ.

MATEO 21:42

Baꞌp ja tɨtda ɨp gio gu Jesuus: ―¿Cham aa pim jɨꞌxkat tu jiñkuiꞌñ gu ñioꞌkiꞌñ gu Dios miꞌ na paiꞌ tu uaꞌñix na jaꞌpnim kaiꞌch: Gu jodai na mɨt maiꞌ xi buak gu bhibhiꞌñbakchadam, guꞌ ji nat guꞌ gio miꞌp dai guch Gɨꞌkoraꞌ na baꞌ bhaan darkaꞌ gu jaiꞌ joodai, na guꞌ puiꞌ jaꞌk jix aaꞌ, baꞌ aañ joidham jix bhaiꞌñ chaat buiñor gu dhiꞌ puiꞌ nat jax tu duu?

MAARKOS 10:33

jup ja tɨtda: ―Ba aajim ich jia Jerusaleen na pim jax ba tɨ nɨiꞌñ. Moo mam ai na paiꞌ dhuuk tu daaxix nam jiñ dhagiaꞌ gu ja gɇꞌgɇrkam tuk guiꞌ nam jaiꞌ ja palhbuiꞌñdhaꞌ gu Israel kam jaꞌtkam nam tu daandaꞌ buiñor gu Dios, gio guiꞌ nam sap jix maat gu ñioꞌkiꞌñ gu Dios, baꞌ ja chiñiaꞌ am nam jiñ muꞌaaꞌ guiꞌ nam cham jir Israel kam jaꞌtkam.

MAARKOS 12:10

¿Kux cham tu jiñkaiꞌñdhaꞌ pim aa gu ñioꞌkiꞌñ gu Dios mi uꞌuan taꞌm? Nap jum kaiꞌch: Gu jodai na mɨt tɨi maiꞌ xi buak gu bhibhiꞌñbakchadam, xib dhiꞌ pɨk bhaan jix ooꞌ bɨɨx gu jaiꞌ.

MAARKOS 8:31

Miꞌ dhɨr baꞌ gio bhaiꞌp ji chu ja aꞌgi gu Jesuus gu noonbiꞌñ, jup ja tɨtda: ―Giilhim kañ chulhiiñaꞌ iñ, ku baꞌ guꞌ cham jax bua ji, nat guꞌ pu kaiꞌñkam bhañ joot guñ Gɨꞌkoraꞌ. Cham jiñ kɨɨgalhdhaꞌ am guiꞌ nam jir ja gɇꞌgɇrkam tuk kaꞌ gu Israel kam jaꞌtkam, gio gu ja gɇꞌgɇrkam tuk guiꞌ nam jaiꞌ ja palhbuiꞌñdhaꞌ gu Israel kam jaꞌtkam nam tu daandaꞌ buiñor gu Dios, gio baꞌ guiꞌ nam sap jix mat kaꞌ gu ñioꞌkiꞌñ gu Dios, tu chiñiaꞌ am nam jiñ muꞌaaꞌ. Ku baꞌ guꞌ aañ baik tanoolh kɨꞌn yaaꞌ ji nañ jax ba oirɨdaꞌ.

MAARKOS 9:31

na guꞌp ja tɨtdaim gu noonbiꞌñ: ―Aañ nat bhañ joot guñ Gɨꞌkoraꞌ, jum aayaꞌ gu tanoolh nañ miꞌ pɨx ji buusniaꞌ nam paiꞌñ oꞌbhagiꞌñdhaꞌ gu jaꞌtkam gɇꞌgɇrkam jum aaꞌndam. Miꞌ puñ dhaagɨi tu chiñiaꞌ am nam jiñ muꞌaaꞌ, ku baꞌ guꞌ aañ baik tanoolh kɨꞌn yaaꞌ ji nañ jax ba oirɨdaꞌ.

LUUKAS 18:31

Baꞌ jaꞌp jaꞌk dɨlhkob xi ja boosgak gu Jesuus dai gu mambhɨɨx daman gook gu noonbiꞌñ jup ja tɨtda: ―Xib jach baꞌ sɨlh muiꞌ pu ba jimiaꞌ Jerusaleen, bhaiꞌ na paiꞌ puiꞌ ba tum duñiaꞌ baꞌ na mɨt jɨꞌk jax tu uaꞌnak nam aañ jiñ aagɨt jup kaiꞌch guiꞌ nam bɨjɨk bhaankam ya jaꞌp tu aꞌgimɨk gu Dios.

LUUKAS 18:33

Gio nam jiñ gɨbiimɨi, miꞌ dhɨr jam ampɨx jiñ muꞌaaꞌ. Ku baꞌ guꞌ aañ baik tanoolh kɨꞌn yaaꞌ ji nañ jax ba oirɨdaꞌ.

LUUKAS 24:46

Baꞌp ja tɨtda ɨp gio: ―Bɨɨx nam jɨꞌk aañ jiñ aagɨt jup kaiꞌch na mɨt tu uaꞌnak gu bɨjɨk dɨr kam, pu puiꞌ jaꞌk tu dai mɨt na aañ nañ bhaankam ya oirɨdaꞌ gu Dios dhi oiꞌñgaꞌn bhaan, jum aaꞌ nañ puꞌñi muukɨi giop dodhiaꞌ baik tanoolh kɨꞌn na ñich jax bañ dhuu baꞌ.

LUUKAS 9:22

Baꞌ puiꞌ xi ja tɨɨdak jup ja tɨtda ɨp: ―Aañ matgɨm giilhim kañ chulhiiñaꞌ ji gatuuk. Xiñ bhaamkidhaꞌ am gu ja gɇꞌgɇrkam tuk gu Israel kam jaꞌtkam, gio guiꞌ nam sap jix mat kaꞌ gu ñioꞌkiꞌñ gu Dios, gio guiꞌ nam ja aꞌmkam tu daandaꞌ dai gu Israel kam jaꞌtkam. Tu chiñiaꞌ am nam jiñ muꞌaaꞌ, ku guꞌ aañ baik tanoolh kɨꞌn yaaꞌ ji nañ jax ba oirɨdaꞌ.

JUAN 1:11

Yaꞌ tɨi ai ja bui gu Israel kam jaꞌtkam nam paiꞌ saak tɨ jɨɨgiꞌñdhaꞌ buiñor guch Gɨꞌkoraꞌ. Pu cham kɨɨgalh jamɨt, tuꞌ pɨx ɨlh jamɨt ja jaaxmakar.

JUAN 12:38

Puiꞌ ji chu buus nat jɨꞌk jax tu uaꞌnak gu Isaiiyas guiꞌ na bɨjɨk bhaankamuꞌn tu aꞌgimɨk gu Dios, nap jum kaiꞌch: Cham jɨꞌxkat jiñ jɨɨꞌñ jamɨt gu jaꞌtkam jiñ Gɨꞌkoraꞌ nañ alh tɨi pup tu ja aꞌgidhimɨk, ni sia kuñ chɨi ja nɨiꞌñchudat jix bhaiꞌm duukam jup tu bua.