LUUKAS 16:23 - Tepehuano Tepehuán del Sureste (Durango)

²³ Baꞌ giilhim jix buam tu tatdaꞌ gux chumñigam na bam tulhiiñ ja bɨɨm guiꞌ na mɨt puiꞌ koi cham miꞌ puiꞌ ji jimɨɨk na jax jix aaꞌ gu Dios. Baꞌ mɨjɨmmɨ dɨr ba tɨɨ gu Laasar na bɨɨmaꞌn jup tuꞌiiꞌ gu Abraam.

LUUKAS 16:23 ပူးပေါင်းရင်းမြစ်များ

MATEO 11:23

Baꞌ aapiꞌm na pim Kapernaum oiꞌdhaꞌ, ¿jaꞌp jum aaꞌ pim aa na pim aayaꞌ jix dhaam jaꞌk buiñor guñ Gɨꞌkoraꞌ? Matgɨm mu jaꞌk ji na xi jam jootsaꞌ jix ioꞌm tuukab jaꞌk na paiꞌ gɇꞌ tɨ dɨꞌ, na pimɨt guꞌ cham miꞌ puiꞌ jii na jax jix aaꞌ. Na guꞌ noꞌñ mu jaꞌk Sodooma puiꞌ joidham jix kɨɨꞌp jum duukam jup tu duñiaꞌ gɨt, moo janoꞌ gɨt nam tɨ jɨɨꞌñdhai miꞌ puiꞌ jimiaꞌ na jax jix aaꞌ guñ Gɨꞌkoraꞌ, xib dho pui miꞌr kiicham kaꞌ gɨt.

MATEO 18:9

Piam ku guꞌ noꞌp guꞌ maap dɨr gum buupui kɨꞌn jup jum uaꞌtulhiꞌñ, jix bhaiꞌ ɨp puiꞌ nap jupnai mu baas buaꞌ nap baꞌ cham gammɨjɨ kɨꞌn pup jum uaꞌtulhiꞌñdhaꞌ. Na guꞌ xiꞌ cham jir am noꞌ mɨt bɨnkam mu jaꞌk xim bua na paiꞌ gammɨjɨ cham tutkɨ gu tai nap miꞌ pup jum tulhiiñdhaꞌ gammɨjɨ. Guꞌ cham ji noꞌp maap dɨr pɨx tu buupuichuꞌ nap paiꞌ dhuuk ba aayaꞌ jix dhaam, cham jax bua, na guꞌx bhaiꞌ ba tum jimiaꞌ.

MATEO 23:33

’¿Jax japim dui ɨlhiiꞌñ na pim cham mu jaꞌk bhɨɨyaꞌ na paiꞌ gammɨjɨ cham tutkɨ gu tai na pim miꞌ pup jum tulhiiñdhaꞌ gammɨjɨ? Na pim guꞌ giilhim jix bhaaꞌmnaꞌ jaꞌp na kookoꞌ.

MATEO 5:22

Baꞌ aañ yaꞌ pu jam tɨtda na sia ji nar uaꞌtulhdharaꞌ gu jaroiꞌ noꞌx bhaam pɨx buiñor gu jax chuꞌm jaꞌnniꞌñ, piam noꞌ giilhim tɨtda na jax cham jir am. Puiꞌ pɨx bax bhaaiꞌ nam daagɨi mu bhɨikaꞌ buiñor gu jax chuꞌm gɇꞌkam nam baꞌ miꞌ maap jum jumpadai tu aꞌgidhaꞌ. Piam noꞌx bhaamut jax tɨtda gu jaꞌnniꞌñ na cham juraaꞌn biaꞌ, dho guꞌ pu jimiaꞌ dho mu jaꞌk na paiꞌ gammɨjɨ miꞌ pup jum tulhiiñdhaꞌ.

MATEO 5:29

’Baꞌ noꞌp guꞌ gu jax chuꞌm jum bui kɨꞌn jum uaꞌtulhiꞌñ, jir am nap jupnai baas buaꞌ. Cham jax bua sia kup maap dɨr pɨx ba tu bui, na guꞌ cham jir am noꞌ mɨt bɨnkam mu jaꞌk xim bua nap paiꞌ gammɨjɨ miꞌ pup jum tulhiiñdhaꞌ.

MATEO 8:29

Baꞌ gɇꞌ kɨꞌn jiiñkɨt jup tɨtda am gu Jesuus: ―¡Aapiꞌ Jesuus nap jir Maraaꞌn gu Dios, chakuip jich chulhiiñchuꞌndaꞌ, nat guꞌ chakuim ai janoꞌ nap paiꞌ dhuuk jich chulhiiñchudaꞌ!

LUUKAS 16:24

Baꞌp kaiꞌch gɇꞌ kɨꞌn: “Jiñ boxii Abraam, iam xiñ palhbuiꞌñ nañ yaꞌñ chulhiiñ tai chɨr. Xi chiñiaꞌ ap dhi Laasar na iam xi bargidhai gu deeꞌn gaꞌn bhañ juulhdharaꞌñ ñɨɨn am. Giilhim jix buam tu tatdaꞌ nañ jix chanoom.”

LUUKAS 16:28

Miꞌ dharaa am jix chamaam guñ jaaduñ na ja aagiꞌñdhaꞌ na jax jaꞌk jix bhaaiꞌ nam dui cham bha jaꞌk bhɨɨyaꞌ ya tai chɨr nañ paiꞌ bañ chulhiiñ aañ. Giilhim jix buam tu tatdaꞌ guꞌ.”

LUUKAS 8:28

ba tɨɨ gu Jesuus na miꞌ kɨɨk. Baꞌ jotmodaꞌ mu mɨraak mi oꞌlhiaꞌn kɨꞌn bɨɨpɨꞌ dɨr ba kɨkbo, baꞌp tɨtda gɇꞌ kɨꞌn: ―¿Jax japich bhaiꞌ bañ dhoodam Jesuus maraaꞌn gu Gɇꞌkam Dios? Chaꞌp jiñ chulhiiñchuꞌndaꞌ. Ka tuñ uañiꞌñkaꞌ ap gu xib.

1 KORIINTO KAM 15:55

¿Paa pich baꞌ jaꞌk jax jum duu xib Muukiꞌ nap kar gɇꞌkam kat? ¿Jum ɨɨkchulh jamɨt aa guiꞌ nap kɨꞌn ka tu kooꞌndat?”

2 PEEGRO 2:4

Jaꞌpni nat jax ja doodaꞌ janoꞌ gu noonbiꞌñ na mɨt jum uaꞌtulh buiñor. Tɨɨꞌ nat moo janoꞌ tu chia nam ja daꞌngɨi ja buuprai mu jaꞌk xi ja iabuꞌ na paiꞌr tu tulhiiñaraꞌ, na giilhim jir jix chukgam kɨr, cham tuꞌ nat paiꞌp tu ja uañ na mɨt jum uaꞌtulh buiñor. Xib dho guꞌ dai nam pɨx am tɨ nɨɨr janoꞌ nam paiꞌ dhuuk bhammɨ aayaꞌx dhaam na paiꞌ ja aagiꞌñdhaꞌ guch Xoiꞌkam na mɨt tuꞌ bhaan jum uaꞌtulh nam baꞌ bam tulhiiñ.

NAT JAX TƗ TƗƗ GU JUAN 20:10

Guꞌ baꞌ gu jaꞌook nat ja iatgi, daagɨk mu xi bua mɨt na paiꞌ gɇꞌ mɨim gu tai na giilhim jix ioꞌm jix choiñ, miꞌ na mɨt paiꞌ bua gu nobiiꞌñ gio guiꞌ na bhaankamuꞌn tu aꞌgimɨk na puiꞌp ja iatgidhimɨk gu jaꞌtkam. Miꞌm baꞌ pup jum tulhiiñdhaꞌ tai chɨr nam mɨɨjidhaꞌ gammɨjɨ sia na paiꞌ dhuuk kaꞌ gɨt.