LUUKAS 15:7 - Tepehuano Tepehuán del Sureste (Durango)

⁷ Puꞌñi ɨp dhox dhaam jaꞌk, giilhim gɇꞌr koiꞌcham kaꞌ noꞌt jaroiꞌ soiꞌm ɨlhdhak puiꞌ ba tɨɨꞌn gu Dios na uañdhaꞌ gu uaꞌtulhdhar gaꞌn, nam guꞌ bɨɨx jix bhaiꞌm ɨlhdhaꞌ guiꞌ nam jix dhaam jup tuꞌiiꞌ buiñor gu jaroiꞌ na soiꞌm ɨlhdhaꞌ. Jix ioꞌm jix bhaiꞌm ɨlhdhaꞌ am dhiꞌ buiñor, cham tuꞌ puiꞌ na jax guiꞌ nam bɨɨpɨꞌ dɨr pu soiꞌ bam ɨlhdhaꞌ.

LUUKAS 15:7 ပူးပေါင်းရင်းမြစ်များ

MATEO 18:13

Baꞌ na paiꞌ dhuuk tɨgiaꞌ, jix ioꞌm jix dhaꞌdam dagiaꞌ, cham tuꞌ puiꞌ ɨlhiiꞌñdhaꞌ na jax gu jaiꞌ na mu paiꞌ xi ja doꞌñchoi.

MATEO 3:8

Guꞌ dhiꞌ jam aꞌm jum aaꞌ ji na pim yaꞌ dɨr jaꞌp jaꞌk jix kɨɨꞌp jum duukam bap tu buadaꞌ na baꞌ bhaan jix maatɨꞌ kaꞌ na pim sɨlhkam miꞌ puiꞌ ba jiim na jax jix aaꞌ gu Dios.

LUUKAS 15:10

Puꞌñi ɨp dhox dhaam jaꞌk, giilhim gɇꞌr koiꞌcham kaꞌ noꞌt jaroiꞌ soiꞌm ɨlhdhak puiꞌ ba tɨɨꞌn gu Dios na uañdhaꞌ gu uaꞌtulhdhar gaꞌn. Bɨɨx jix bhaiꞌm ɨlhdhaꞌ am guꞌ gu noonbiꞌñ guñ Gɨꞌkoraꞌ.

LUUKAS 15:29

Jup kaiꞌch gu maraaꞌn: “¿Nap baꞌ aañ cham puiꞌx bhaiꞌñ buañ chaat nañ gammɨjɨ yaꞌm palhbuiꞌñ gu tuꞌ nap jax bua? Tɨɨꞌ nañ tɨi pɨx bhaan ji bamgidhaꞌ nañ tu juantuꞌndaꞌ, pɨx cham jiñ jɨɨpdhidhaꞌ iñ. Jumai oidhaꞌ bap duñiaꞌ, yaꞌ puiꞌ nañ jax jum bɨɨm bap tuiꞌñgɨdaꞌ. Chakui ñich moo paiꞌ dhuuk maaꞌnnim cham jum kai. Miꞌ puiꞌ tu duñiidhaꞌ iñ gu tuꞌ nap jiñ chiandaꞌ. Ni kup cham paiꞌ dhuuk jax kaiꞌch nap iam tuꞌ karbax xiñ makiaꞌ nañ ja bɨɨm jup tu jugiaꞌ guiꞌ nañ jɨꞌk jup jix ja maat.

LUUKAS 15:32

Dai pɨx ji na guꞌ xib jich aꞌm jum aaꞌ nach bɨɨx maap jix bhaiꞌch chaatɨt tu jugiaꞌ nat yaꞌ ba ai gum xikuꞌ nat muiꞌ tanoolh maiꞌ gɨɨsɨk, panaas ku muukix kat gio duadɨk yaꞌp ba oirɨ.”

LUUKAS 15:6

Baꞌ mu na pich ai kiicham, xi dhaiꞌbus japich na pich ja baidham gu jaꞌtkam guiꞌ nap jɨꞌk jix ja maat, baꞌ jax ja tɨtda ap miꞌ maap ji ja jumpadak: “Aañ maaꞌn maiꞌ buak gu kasnir na ñich tu biaꞌrak. Giilhim jañich jix buam jiñ ɨlh na ñich paiꞌ dhuuk maat na maaꞌn cham tu jaiꞌch. Baꞌ ma tu gaagam jañich, siamri ñich giop tɨɨ nammɨni maaꞌn kap bapaikkam. Xib jañ baꞌ giilhim jix bhaiꞌñ chaat. Dhiꞌ pu kaiꞌñkam jach baꞌ yaꞌ maap tu jugiaꞌ, na pim baꞌ aapiꞌm puiꞌx bhaiꞌp jum taat kaꞌñ bɨɨm nat jix bhaiꞌ tuñ jii.”

LUUKAS 15:8

’Piam jaꞌpni ɨp. Noꞌ jɨꞌk mambhɨɨx aixim gu bapaiñum tuumiñ bhaiꞌ paiꞌ ka biaꞌ maaꞌn gu ubii, guꞌ ji noꞌ guꞌ cham tuꞌ jaꞌkbuiꞌ ka aix na paiꞌ dhuuk tɨi ba jaꞌkɨlhiꞌñ, baꞌx buam jum ɨlhdhak naiꞌ ji chu gaa gɇꞌ ji chɨ bɨꞌñdhak, pɨx am tu boxkaidhat tu gaagim mi jaꞌp dɨɨrap gio bhɨjɨ jaꞌp sasoosnaꞌn. Baꞌ noꞌt guꞌ siamri ma tɨɨ na miꞌ paiꞌ kaat,

LUUKAS 16:15

Baꞌp ja tɨtda gu Jesuus: ―Aapiꞌm na pim pariseos jum tɨɨtɨꞌ sap pɨk baꞌ panaas joidham miꞌ puiꞌ xi jiim japim na jax jix aaꞌ Dios, guꞌ ji na guꞌ dai nam xi jam nɨiꞌñdhaꞌ pɨx gu jaꞌtkam, nam sap baꞌ pɨx jix bhaiꞌ jam aaꞌndaꞌ. Guꞌ ji na guꞌx bhaiꞌx maat gu Dios jam jujur am na pim jax pɨk jaꞌk jir tuꞌm, sia ku pim guꞌ yaꞌ ja bui gu jaꞌtkam tɨi puiꞌ xi chuꞌiiꞌ na pim jir kɨkɨɨꞌ. Na guꞌ yaꞌ ja bui gu jaꞌtkam, sia kum moox kɨɨꞌ nɨiꞌñ panaas gu tuꞌ, gu Dios cham kɨɨꞌ nɨiꞌñdhaꞌ.

LUUKAS 5:32

Baꞌ aañ puꞌñi ɨp na ñich bha jii yaꞌ dhi oiꞌñgaꞌn, cham tuꞌ pu kaiꞌñkam bha jii ñich nañ ja baidhikaꞌ guiꞌ nam puiꞌm aaꞌ nam panaas cham tuꞌ bhaan uꞌuaꞌtulhdhix, guꞌ guiꞌ ji nam soiꞌm ɨlhdhai machiaꞌ nam jix uaꞌtulhdhix nam baꞌ miꞌ dhɨr puiꞌ ba tɨɨdaꞌ gu Dios na ja uañdhaꞌ. Dhiꞌ jɨꞌ ji pu chuꞌm gu jaꞌtkam nañ ja baidhikaꞌ.

ROOMA KAM 7:9

Nañ paiꞌ dhuuk chakui mat kaꞌ aañ na jax tu aagix kaꞌ, joidham jix bhaiꞌ tu jimdaꞌ iñ panaas, pu cham paiꞌ bhaan jax jiñ aaꞌndaꞌ iñ gu tuꞌ uaꞌtulhdharaꞌ. Guꞌ ji na guꞌ na ñich paiꞌ dhuuk bhaiꞌ ji maat na jɨꞌk jax tu aagix, panaas kut miꞌ dhɨr kiaꞌpɨx bhaiꞌ ji jaiꞌchdhɨr gu uaꞌtulhdharaꞌ,