LUUKAS 15:27 - Tepehuano Tepehuán del Sureste (Durango)

²⁷ Baꞌp tɨtda: “Dho sap nat giilhim jix bhaiꞌm ɨlh gum taat nat gio yaꞌp ba ai gum xikuꞌ nat maiꞌ gɨɨsɨk, nat guꞌ sap jix kɨɨꞌ ya ai. Tu chia baꞌ nam muꞌaaꞌ maaꞌn gu tuur jix dhuakam nach tu jugiaꞌ. Miꞌ dho baꞌ bhaajim xib.”

LUUKAS 15:27 ပူးပေါင်းရင်းမြစ်များ

MATEO 22:4

Baꞌ gatuuk jaiꞌ gio muiꞌ tɨip ja joot jup xi ja tɨɨdak: “Ea na pim aapiꞌm muiꞌp jimiaꞌ na pim ja baiꞌñpuꞌ gu jaꞌtkam nam yaꞌni tu jugiaꞌ gu koiꞌ. Jaꞌp japim ja tɨɨdaꞌ na yaꞌ bax chu bhai, na ñich guꞌ tu chia gu tutuur gux dhudua kam nam ja koodai tu jidhooraꞌ gu bakaax.”

LUUKAS 15:26

maaꞌn gu tujuandam xi baidhak xi chɨkka na tuꞌ jax jum bua.

LUUKAS 15:28

Baꞌ guiꞌ dai nat bhaiꞌ ji bhaam. Mummɨ jaꞌp mɨk pɨx pup kɨɨk. Cham muiꞌ ka ai. Baꞌ mu jimɨɨk gu taataꞌn tɨi soiꞌ ba tɨtda na mu aayaꞌ.

LUUKAS 15:30

Guꞌ dhiꞌ gi baꞌ gum tumñiꞌ nat xi ja onbaiꞌñdharak gu oipodam uꞌuub bhaiꞌ gaꞌm ba jim, miꞌ xi muiꞌ pich ji guꞌ gu tuur jix dhuakam sia kup tɨix maat nat jax jum alhio.”

GU NOONBIꞌÑ GUCH XOIꞌKAM 22:13

Baꞌ dhiꞌ jɨꞌ dhich jaduuñ Ananiiyas tɨɨgim muiꞌ ma jii mu na mɨt paiꞌñ chɨbiaptuda, jup jiñ chɨtda baꞌ mu ji ɇɇk: “Aapiꞌñ jaduuñ Saulo, bhañ joot guch Gɨꞌkoraꞌ nap sap giop bax ñia kaꞌ xib dɨr jaꞌp jaꞌk.” Baꞌ miꞌ jotmodaꞌ bhaiꞌ ji ñiata ñich nat jax puñ chɨɨꞌn. Jix bhaiꞌ giop bax chu maax nañ naiꞌ xi chɨ nɨiꞌñ.

GU NOONBIꞌÑ GUCH XOIꞌKAM 9:17

Baꞌ gu Ananiiyas muiꞌp ma jii mu na paiꞌ tɨbiap gu Saulo. Baꞌ na jax jim bhaiꞌ xi dhaagɨk jup tɨtda: ―Aapiꞌñ jaduuñ Saulo, aañ jup jiñ chɨɨdak bhañ joot gu Gɇꞌkam guiꞌ na Jesuus tɨɨꞌ, guiꞌ nat jum buim maax gaꞌm gu bɨɨx boi nap bhaiꞌ ka jim, nañ sap bhaiꞌ xim dagiaꞌ nap baꞌ giop bax ñia kaꞌ, gio sap baꞌ nam aꞌm bam tajaanaꞌ gux Dhuuduꞌ kam jix Uañ Iiꞌmdaꞌ.

PILIMOON 1:16

Baꞌ puiꞌ pɨx jaꞌk jap jup ba ɨlhdhaꞌ na jax gu jaiꞌch jaaduñ jich Xoiꞌkam bhaan. Jix joiꞌmdat jap nɨiꞌñdhaꞌ, cham tuꞌp puiꞌ jaꞌk ka ɨlhiiꞌñdhaꞌ na jax bɨɨpɨꞌ dɨr nap tujuandam kɨꞌn ka biaꞌkaꞌ puiꞌ cham ji namkidhat. Jix kɨɨgalhiꞌñ iñ guꞌ aañ. Aap jum aꞌm jum aaꞌ nap jix ioꞌm jix dhaꞌram ɨlhiiꞌñdhaꞌ, cham tuꞌ puiꞌ na aañ, na guꞌ bar jix kɨɨꞌ maaꞌnkam, gio na puiꞌp bar jum jaduuñ na ba tɨ jɨɨgiꞌñ buiñor guch Xoiꞌkam.