LUUKAS 15:22 - Tepehuano Tepehuán del Sureste (Durango)

²² Guꞌ ji na guꞌ gu taataꞌn cham puiꞌ ɨlhiiꞌñ, jup ja tɨtda gu tujuandam tugiꞌñ: “Gor xi chɨ tɨꞌiiꞌñ dhiñ chioꞌñ gu jajannulh gux kɨkɨɨꞌ, xi chu uaꞌpui pim mɨjɨ na naangiaꞌ baꞌk chɨr. Suusak japim jup xi aaꞌñdhaꞌ, gio maaꞌn aniiyu pim jup xi dhaaxdhaꞌ nobiꞌram.

LUUKAS 15:22 ပူးပေါင်းရင်းမြစ်များ

LUUKAS 15:21

Baꞌp kaiꞌch gu maraaꞌn: “Jiñ chaat, aañ gɇꞌkam kɨꞌn mañ uaꞌtulh buiñor gu Dios gio aap jum bui. Chaꞌp puiꞌ kañ iimdaꞌ nañ jir jum mar, na ñich guꞌ buam pɨx jum alhio.”

LUUKAS 15:23

Xi boopoyaꞌ pim ɨp baꞌ na pim saaꞌnpuꞌ gu tuur jax chuꞌm nax dhua. Miꞌ pim baꞌ xi muꞌaaꞌ kuch yaꞌ tu jugiaꞌ.

ROOMA KAM 13:14

Gu jaꞌpji nach gammɨjɨ miꞌ puiꞌ xi jiimdaꞌ na jax jix aaꞌ guch Xoiꞌkam. Chaꞌch jich dhoꞌñchokaꞌ na jax jich jurtuꞌnkaꞌ gux buam jum duukam, na guꞌ dhiꞌ dai nach bach uaꞌtulhdhaꞌ noꞌch mi jɨɨgiꞌñ.

ROOMA KAM 8:15

Baꞌ chaꞌpim jix chotdonɨt miꞌ puiꞌ jiimdaꞌ na jax jam jurtudidhaꞌ gux Dhuuduꞌ kam jix Uañ Iiꞌmdaꞌ. Na guꞌ dhiꞌ cham tuꞌr diꞌ gux buam jum duukam na jaꞌp pɨx tu jam juantuꞌn na baꞌ miꞌ dhɨr cham bhaiꞌ ka tu jam jimiaꞌ, guꞌ matgɨm dhix Dhuuduꞌ kam jix Uañ Iiꞌmdaꞌ puiꞌ ba jam duu ji na pim jir maamraꞌn kaꞌ gu Dios. Dhiꞌ pɨx jix Dhuuduꞌ kam jix Uañ Iiꞌmdaꞌ puiꞌch jurtuꞌnkaꞌ nach baꞌ gu Dios puiꞌ iimdaꞌ nar jich Gɨꞌkoraꞌ.

GALAASIA KAM 3:27

na pimɨt guꞌm bopko suudaiꞌ kɨꞌn. Dhiꞌ baꞌ bhaan matgir ɨp na pimɨt maaꞌn tuukuꞌp duu maap guch Xoiꞌkam, xib baꞌ puiꞌ jaꞌk jup ba tu jim japim na jax guiꞌ.

EEPESO KAM 6:15

Gammɨjɨ pim jix kɨɨꞌm duukaꞌ na pim baꞌ cham xijaichdhaꞌ na pim naiꞌ tu aꞌgaꞌ gux bhaiꞌm kaiꞌchdham ñioꞌkiꞌñ guch Xoiꞌkam na bhaan tu aꞌga nach jax jaꞌk jix bhaiꞌch chaatɨt tu oiꞌñkaꞌ. Baꞌ dhiꞌ jaꞌp ji buusandaꞌ na pim aaꞌnkaꞌ gu sussak guiꞌ nam jax chuꞌm sandaaruiꞌx ja aꞌda.

NAT JAX TƗ TƗƗ GU JUAN 19:8

ba tɨtɨiꞌ mɨt gux chua jannulh na joidham jir jix kɨɨꞌ gio nar totbikdam. Gux chua jannulh, dhiꞌ pɨx kat jup jum kaiꞌch na mɨt joidham jix bhaiꞌ tu jii na jax jix aaꞌ gu Dios nam duduakat gu ja tutkuꞌ bhaan guiꞌ nam jɨꞌk tɨ jɨɨꞌñ buiñor.

NAT JAX TƗ TƗƗ GU JUAN 2:17

Jaꞌpni ku pim baꞌ siamri miꞌ puiꞌ xi jimɨi nañ jax jam tɨtda, na guꞌ noꞌ pimɨt moo miꞌ puiꞌ xi jii nañ jax jix aaꞌ cham tuꞌ bhaan jax jim aagɨt sia ku pimɨt bɨxchuꞌ bhaan bhaiꞌ jim tulhii, aañ bhammɨ jaꞌk jam aichdhaix dhaam jam makiaꞌ gux kɨɨꞌ koiꞌ na manaa jum tɨɨtɨꞌ na pim kɨꞌn gammɨjɨx jɨjɨkgɨm bap tuiꞌkaꞌ. Gio baꞌ moo gu aꞌlhich koꞌkmarak joodai sopkoñxim ɨp na joidham jix chooto na bhaan mi uaꞌñixchuꞌndaꞌ na pim jax jaꞌk ba tɨɨꞌkaꞌ miꞌ dhɨr jaꞌp jaꞌk. Cham jaroiꞌ mat kaꞌ, dai aapiꞌm dɨɨlh. Gu baꞌ noꞌ jaroiꞌ maadɨt jix kaim gu ñioꞌkiꞌñ gu Dios, bɨɨx juraaꞌn kɨꞌn xi kɇɇkɇꞌ na jax tu aꞌgadaꞌ gux Dhuuduꞌ kam jix Uañ Iiꞌmdaꞌ mu jaꞌp chichiop nam paiꞌm jumpadat tu daandaꞌ guiꞌ nam jiñ bui tɨ jɨɨgiꞌñ.”

NAT JAX TƗ TƗƗ GU JUAN 3:18

Paa gip jir puiꞌ na pim jax jum aaꞌ. Cham tuꞌ biaꞌ pim guiꞌ nax ioꞌm jix dhaꞌram namɨɨk. Noꞌ pim jix aaꞌ na pim biaꞌkaꞌ dhiꞌ nax ioꞌm jix dhaꞌram namɨɨk, jum aaꞌ na pim aañ jiñ chañiaꞌ, na baꞌ dhiꞌ kɨꞌn puiꞌ bam kaiꞌchdhaꞌ na pim jir jix chutumñigam. Daipuꞌ aañ biaꞌ jia dhiꞌ jɨꞌ nax ioꞌm jix dhaꞌram namɨɨk. Baꞌ noꞌ pimɨt jiñ chaa, cham tuꞌx dhaꞌnpakat ka oipodaꞌ pim gu jam iꞌiiꞌmdaꞌ bhaan, jaꞌp ji buusniaꞌ guꞌ na pim ba tɨm tɨiꞌdhaꞌ joidham jix chooto gu jajannulh, gio na pim ba tum juulhiaꞌ guiꞌ na duduaꞌñdhaꞌ gu jam buupui na pim cham ñiññiaꞌ.

NAT JAX TƗ TƗƗ GU JUAN 6:11

Baꞌ bɨɨx jɨꞌmaꞌn dhiꞌ nam miꞌ guguuk sonpan gu sasoiꞌ mɨmɨiꞌñkar, xi ja tɨiꞌ mɨt gu jajannulh joidham jix chooto, gio baꞌ nam jup ja tɨtda nam sap ka xim nɨɨraꞌ alhiꞌch pɨx baꞌ, nam bɨɨx bhammɨ ka xi aayaꞌ guiꞌ na mɨt chakui ja koi, nam pui ka tu aꞌgichuꞌ gux bhaiꞌm kaiꞌchdham ñioꞌkiꞌñ gu Dios bɨɨx kap na jɨꞌx oiꞌñgaꞌn nam jɨꞌk daaxix nam puꞌñi ja koodaꞌ, na baꞌ miꞌ dhɨr puiꞌ ba tu kuugalhdhaꞌ gu Dios nam jax kaiꞌch.

NAT JAX TƗ TƗƗ GU JUAN 7:9

Baꞌ miꞌ dhɨr muiꞌ miꞌ bam maax jamɨt gu jaꞌtkam cham daaxix kam, jaꞌpni bɨɨpɨꞌ dɨr na paiꞌ daa gux ioꞌm Gɇꞌkam gio guiꞌ na jaꞌp ji buusan na gux kɨɨꞌ kasnir, pu cham jaroiꞌ maat nam jɨꞌk aix, puiꞌ pɨx tuꞌiiꞌ am. Bɨɨx kap dɨr miꞌ guguuk am gu jaꞌtkam na jɨꞌx oiꞌñgaꞌn kam, nam bɨɨx aixim tuꞌm tu ñiok gam bɨɨx aixim tuutuꞌm. Jix ioꞌm muiꞌ dho baꞌ ji gu jaꞌtkam nam mi guguuk, nam pu cham jɨꞌxdhaꞌ jaroiꞌ ja tɨɨmoꞌ siat tɨi ma ja jaꞌkɨlh. Bɨɨx jix chooto tɨ tɨꞌ am, gio nam jɨꞌmaꞌn ja daadaꞌ gu koꞌkmarak jaajaꞌ.