LUUKAS 13:32 - Tepehuano Tepehuán del Sureste (Durango)

³² Baꞌ gu Jesuus jup ja tɨtda: ―Jaꞌp jum ɨlhiiꞌñ dho gu Eroodis na gu kaxio. Jaꞌp japim tɨɨdaꞌ nañ dai xib gio kabuimuk pɨx ya jaꞌp ba ja duduaꞌñdhaꞌ gu jaꞌtkam nam jix kakoꞌk, gio jaiꞌ nañ ja aꞌm dɨr maiꞌ ka xi ja jootsaꞌ gu cham kɨkɨɨꞌ iꞌiiꞌmdaꞌ na ja aꞌm jup tuiꞌdhiꞌ. Maaxdhiñ baꞌ ba tɨɨmoꞌ,

LUUKAS 13:32 ပူးပေါင်းရင်းမြစ်များ

MAARKOS 6:14

Baꞌ gu Eroodis guiꞌ nar gɇꞌkam kaꞌ puiꞌ ba tɨ kai na mu paiꞌ oirɨt jix bhaiꞌ tu bua gu Jesuus, nam guꞌ pɨx jaꞌx puiꞌ tu aꞌga gu jaꞌtkam. Baꞌp kaiꞌchdhaꞌ: ―Dhiꞌ bak gu Juan jaꞌtkam bopkondam gio duadɨk jup ba buus mu dɨr koiꞌñgaꞌn tɨr, puiꞌ ku baꞌx ioꞌm jix bhaiꞌ ba tu buim gu tuꞌ nax bhaiꞌr jum duukam.

JUAN 10:32

Guꞌ ji na guꞌp ja tɨtda gu Jesuus: ―¿Jax baꞌ ku pim baꞌ bhaiꞌ bañ ñɨiꞌñchuꞌn gu joodai? Na pim guꞌ tɨiñ ñɨiꞌñ nañ jix bhaiꞌm duukam jup tu bua bhaankamuꞌn guñ Gɨꞌkoraꞌ. ¿Dhiꞌ kɨꞌn aa pim baꞌ moo yaꞌ ba xiñ maꞌyasam?

JUAN 19:30

Baꞌ pɨx muuk sai gu Jesuus, na guꞌx chanoom. Miꞌ dhɨr baꞌp kaiꞌch nat xi iꞌchok: ―Xib dho gi baꞌ bɨɨx puiꞌ ba tu kuugalhdhix ji nat jɨꞌk jax tum uaꞌnak bɨjɨk. Daipuꞌ xi chɨꞌɨɨk naiꞌ ji mugia, pu muu.

ISRAEL KAM 2:10

Gu Dios bɨɨx jup tu duu na jɨꞌk tuꞌx chu jaiꞌch bɨɨx kap nat tuꞌ ɨlh dɨɨlh, na jax bar tu guiꞌ gaꞌn baꞌ gu xib sia nar tuꞌ. Baꞌ tɨix aaꞌ na gu jaꞌtkam nat jup ja duu bɨɨx dappaam bhammɨ aayaꞌ am gɨt jix dhaam na paiꞌp tuꞌiiꞌ nam bar maamraꞌn kaꞌ, na guꞌ tɨix ja joiꞌgɨꞌn, na baꞌ bɨɨx jaiꞌ ja aꞌm jup tu biꞌyaꞌ guiꞌ na jɨꞌk jir tu guiꞌ gaꞌn. Baꞌm aagat na puꞌñi maadɨt bha jootsaꞌ bhammɨ dɨr jix dhaam, nat jax bhaiꞌ ba joot baꞌ gu Maraaꞌn jich Xoiꞌkam. Ku guꞌ puiꞌ jaꞌk duuji gu Dios na puiꞌp xim tulhiiñdhaꞌ gu Maraaꞌn yaꞌ dhi oiꞌñgaꞌn nam jax jum tulhiiñ gu yaꞌ kam jaꞌtkam, na bhaan matgilhiaꞌ noꞌt moo cham jum oꞌjolhdhak pu maaꞌn jimdam jum uaꞌtulh, na sap baꞌ noꞌt cham jum oꞌjolhdhak jum uaꞌtulh, miꞌ dhɨr jix bhaaiꞌn kaꞌ na ja aꞌmkam mukiaꞌ bɨɨx gu jaꞌtkam.

ISRAEL KAM 5:9

Guꞌ baꞌ nat guꞌ cham jɨꞌxdhaꞌ paiꞌ dhuuk tuꞌ bhaan jum uaꞌtulhdhak buiñor gu Dios, bɨɨx miꞌ puiꞌ tu kuugalh na jax jix aaꞌ, baꞌ puiꞌ jaꞌk duu gu Dios nar am na ja aꞌmkam mukiaꞌ gu jaꞌtkam, na tu ja namkixdhaꞌ gu ja uaꞌtulhdharaꞌ, na baꞌ miꞌ dhɨr puꞌñi duuji bax bhaaiꞌn kaꞌ nam jimiaꞌ jix dhaam nam paiꞌ gammɨjɨx jɨjɨkgɨm bap tuiꞌkaꞌ, guiꞌ dho ji nam jɨꞌk soiꞌm ɨlhdhai tɨ jɨɨꞌñdhaꞌ buiñor gio nam miꞌ puiꞌ jimiaꞌ na jax jix aaꞌ.

ISRAEL KAM 7:28

Na guꞌ guiꞌ nam bɨjɨk ja palhbuidhimɨk gu jaꞌtkam nam tu makgɨrxiꞌñdhaꞌ gu sasoiꞌ gu Dios gam nam tu ja daañxiꞌñdhaꞌ nat ja darsak gu Moisees, cham jɨꞌxdhaꞌ uañchudak jamɨt ji gu dɨɨlh ja uaꞌtulhdharaꞌ, gammɨjɨ pɨx jum uaꞌtulhiꞌñdhaꞌ am jaꞌp na gu jaꞌppɨx jaꞌtkam. Baꞌ na guꞌ tɨix aaꞌ gu Dios na maadɨt gɨt jax chuꞌm na cham uaꞌtulhdhix kaꞌ na pu chuꞌm kɨꞌn daakaꞌ, baꞌ gu Maraaꞌn jich Xoiꞌkam nat cham paiꞌ dhuuk jum uaꞌtulhdhak janoꞌ na yaꞌ xi oilhimɨk, pu chuꞌm kɨꞌn dai guch Gɨꞌkoraꞌ na sap puꞌñi gammɨjɨ puiꞌ ji buusandaꞌ na jax gu ja gɇꞌkam tuk guiꞌ nam bhaiꞌ gɇꞌ chiop tu juandaꞌ na tu ja daañxiꞌñdhaꞌ gu jaꞌtkam gio na ja palhbuiꞌñdhaꞌ nam tu daandaꞌ buiñor gu Dios.