LUUKAS 10:27 - Tepehuano Tepehuán del Sureste (Durango)

²⁷ Baꞌp kaiꞌch: ―Dho sap nach gammɨjɨ tuꞌ kaꞌm nɨiꞌñdhaꞌ gu Dios, gio nach gammɨjɨ tɨꞌñchokaꞌ bɨɨx jich jujur kɨꞌn gio na jɨꞌx jich iꞌiiꞌmdaꞌ kɨꞌn, bɨɨx nach jɨꞌx pup jich chaat. Gio sap baꞌ nach jix joiꞌmdai tɨɨgɨix bhaiꞌ dhuñiaꞌ gu jaroiꞌ noꞌ tuꞌ bhaan jum tulhiiñ, panaas ku sap moo aach pɨx jir guiꞌ kaꞌ.

LUUKAS 10:27 ပူးပေါင်းရင်းမြစ်များ

MATEO 19:19

Gio baꞌ nap tuꞌ kaꞌm nɨidhat gum taat gio gum naan. Gio baꞌ nap bɨɨx pɨx jix ja joiꞌgɨꞌndaꞌ gu jaꞌtkam sia nar jaroiꞌ kaꞌ gɨt, jaꞌp nap jax xim joiꞌgɨꞌndaꞌ aap dɨɨlh.”

LUUKAS 10:26

Baꞌ gu Jesuus jup tɨtda: ―¿Dho jax gim kaiꞌch nap tu jiñkaiꞌñdhaꞌ miꞌ na paiꞌ tu uaꞌñix gu ñioꞌkiꞌñ gu Dios na mɨt tu uaꞌnak gu bɨjɨk dɨr kam na tuꞌ pɨk jix ioꞌm jum aaꞌ nach pu duñiaꞌ?

ROOMA KAM 13:9

Jaꞌpni tu aagix guꞌ buiñor gu Dios nach tu duiñchuꞌndaꞌ: “Chaꞌp jaiꞌ ja bɨɨm boppodaꞌ gu uꞌuub, daipuꞌ gum bɨɨnaꞌ nap jax chuꞌm bɨɨmaꞌn tu kiokaꞌ. Chaꞌp ja kooꞌndaꞌ gu jaꞌtkam. Chaꞌp jix joiꞌñdhaꞌ gu tuꞌ noꞌr jumai gaꞌn.” Baꞌ dhiꞌ puiꞌ na jax tu aagix, gam bɨɨx gu jaiꞌ, dhiꞌ pɨx bhaan jim tɨtmo na jaꞌpnim kaiꞌch: “Jix ja joiꞌmdat jap jix bhaiꞌ ja buadaꞌ gu jaꞌtkam sia nar jaroiꞌ kaꞌ gɨt. Puiꞌp jaꞌk jix ja joiꞌmdat jix bhaiꞌ ja buadaꞌ nap jax dɨɨlh xim joiꞌmdat jix bhaiꞌm buadaꞌ.”

GALAASIA KAM 5:13

Baꞌ aapiꞌm jiñ jaaduñ jich Xoiꞌkam bhaan, dɨɨlh pɨx gu Dios jam aꞌm tɨ tɨɨgɨk miꞌ jam tuttu na pim miꞌ puiꞌ ba jimiaꞌ nat jax jaꞌk tu dai na tu tuiꞌkaꞌ yaꞌ dɨr jaꞌp jaꞌk, na cham tuꞌ puiꞌ jaꞌk kiaꞌ nat jax tu uaꞌnak gu Moisees na tu aagix kaꞌ. Cham tuꞌ pu kaiꞌñkam jam aꞌm tɨ tɨɨ na pim pu tu duñiaꞌ na pim dɨɨlh jax ɨlhiiꞌñ. Xim jajoiꞌmdat japim jup jum papalhbuiꞌñdhaꞌ bɨɨx jɨꞌmaꞌn,

ISRAEL KAM 8:10

Guꞌ dhiꞌ matgam nañ jax jaꞌk ɨlhiiꞌñ xib nañ tu daasaꞌ jam bui aapiꞌm Israel kam jaꞌtkam na tu aagix kaꞌ, cham tuꞌ puiꞌ ji kiaꞌ na jax janoꞌ. Xib jañ ji jam jujur am uaꞌnaꞌ ji guñ ñiꞌook, baꞌ gammɨjɨ tɨꞌñchot miꞌ puiꞌ jiimdaꞌ pim nañ jax jix aaꞌ. Aañ jam buip tuiꞌñgɨdaꞌ gammɨjɨ, gio aapiꞌm mu dɨr bha jaꞌk jiñ buip tuiꞌñgɨdaꞌ.

SANTIAGO 2:8

Guꞌ dhiꞌm aaꞌ ji na pim miꞌ puiꞌ xi chu daaꞌñchuꞌndaꞌ na jax jum kaiꞌch miꞌ paiꞌ uꞌuan taꞌm na tu daaxix gu ñioꞌkiꞌñ gu Dios nap jum kaiꞌch: “Jix ja joiꞌndat jap jix bhaiꞌ ja buadaꞌ gu jaꞌtkam sia jaroiꞌ na pɨx, jaꞌp nap jax xim joiꞌndat jix bhaiꞌ buadaꞌ aap dɨɨlh.” Dhiꞌ jɨꞌ noꞌ pim puꞌñi jaꞌk duiñchuꞌ na pim baꞌ bhaan puiꞌ ba ɨlhiiꞌñdhaꞌ na pim miꞌ puiꞌ bhɨichuꞌ na jax jum kaiꞌch gu ñioꞌkiꞌñ gu Dios.

1 JUAN 3:18

Baꞌ aapiꞌm cham pu chuꞌt jiñ jaaduñ jich Xoiꞌkam bhaan, jaꞌpji nach xi ja palhbuidhat guch jaaduñ kɨꞌn gu tuꞌ na ja aꞌm jum aagaidhaꞌ na baꞌ bhaan jix maatɨꞌ kaꞌ nach sɨlhkam bax chu joiꞌgɨꞌn, cham tuꞌ nach puiꞌ pɨx kaiꞌchdhaꞌ.