LUUKAS 1:78 - Tepehuano Tepehuán del Sureste (Durango)

⁷⁸ Nat guꞌ gu Dios jich Gɨꞌkoraꞌ gɇꞌkam kɨꞌn ba xich joiꞌgɨlh, yaꞌ bach aichulh jix dhaam dɨr maaꞌn guiꞌ na gɇꞌ mɨimtuꞌ. Dhiꞌ jaꞌp ji buus jich bui nat kiaꞌpɨx bhaiꞌ ba tu kobxi gu tanoolh xiaꞌlhbui dhɨr.

LUUKAS 1:78 ပူးပေါင်းရင်းမြစ်များ

JUAN 3:16

Na guꞌ giilhim tɨix ja joiꞌgɨꞌn gu Dios bɨɨx na jɨꞌk gu jaꞌtkam, puiꞌ kut baꞌ bha joot gu dai maaꞌn maraaꞌn yaꞌ dhi oiꞌñgaꞌn, na sap baꞌ bɨɨx guiꞌ nam jɨꞌk tɨ jɨɨꞌñdhaꞌ buiñor, cham tuꞌ kam tulhiiñaꞌ am, dai nam ba jimiaꞌ jix dhaam jaꞌk.

EEPESO KAM 5:14

Puiꞌ ku baꞌp jum kaiꞌch maaꞌn kap na mɨt paiꞌ tu uaꞌnak gu bɨjɨk dɨr kam: Gor xi ñiññia, chaꞌpim ka kookos kaꞌ. Xi baapmigiaꞌ pim miꞌ dhɨr koiꞌñgaꞌn tɨr na baꞌ jam bɨꞌñxidhaꞌ guch Xoiꞌkam.

PILIIPOS KAM 1:8

Jix maat gu Dios nañ tɨi xi jam tɨɨgim bɨɨx jɨꞌmaꞌn aapiꞌm, nañ guꞌ xi jam joiꞌgɨꞌn bhaankam guch Xoiꞌkam.

PILIIPOS KAM 2:1

Aapiꞌm jiñ jaaduñ, noꞌ pim bax maat na guch Xoiꞌkam pɨx jam guguuxiꞌñ bɨɨx aixim bhaan, gio noꞌ gux Dhuuduꞌ kam jix Uañ Iiꞌmdaꞌ jam aꞌm tajaañix, gio noꞌ pim jix maat na jax jaꞌk jum bua noꞌ pim nɨiꞌñ na maadɨt miꞌ paiꞌm tulhiiñ,

KOLOOSAS KAM 3:12

Jix ioꞌm xi jam joiꞌgɨꞌn aapiꞌm gu Dios, baꞌ miꞌ jam tuttu ja bui guiꞌ nam jir jaꞌtkam tugiꞌñ na pim baꞌ aapiꞌm puiꞌp bar jaꞌtkam tugiꞌñ kaꞌ. Dai baꞌ na pim miꞌ puiꞌ ba jiimdaꞌ na jax jaꞌk jum aaꞌ na pim miꞌ puiꞌ jiimdaꞌ na pim bar jaꞌtkam tugiꞌñ. Xix jajoiꞌmdat japim gu jaiꞌ, jir jix bhabhaiꞌkam kaꞌ pim. Soiꞌ pim jum ɨlhiiꞌñdhaꞌ, chaꞌpim naiꞌ tu kokdadaꞌ.

2 PEEGRO 1:19

Baꞌ aañ jam guguuxiꞌñ jiñ jaaduñ na pim kɇɇkɇt miꞌ puiꞌ xi jiimdaꞌ nach jax tu jam aꞌgiꞌñ dhix bhaiꞌm kaiꞌchdham ñioꞌkiꞌñ gu Dios na baꞌ bhaan jix maatɨꞌ kaꞌ na cham tuꞌr jaꞌp pɨx na mɨt jax tu uaꞌnak guiꞌ nam bɨjɨk ya jaꞌp bhaankamuꞌn tu aꞌgimɨk gu Dios nam dhiꞌ pɨx aagɨt jup kaiꞌch guch Xoiꞌkam na puꞌñi bha jimdaꞌ. Dhix bhaiꞌm kaiꞌchdham ñiꞌook baꞌ puiꞌ ji buusan na joidham gɇꞌ tanoor, na tu tonniꞌñkaꞌ paiꞌ noꞌx chukgam. Gammɨjɨ yaꞌ pu gɇꞌ tanoordaꞌ dhi ñioꞌkiꞌñ gu Dios nammɨ juugɨt na paiꞌ dhuuk gio bhaiꞌp jimdaꞌ guch Xoiꞌkam. Janoꞌ guch Xoiꞌkam jaꞌp ji buusniaꞌ na jax gu gɇꞌ chiꞌɨɨꞌ guiꞌ na katukgab bha tɨssaꞌn na baꞌ miꞌ dhɨr dɨɨlh ba jam bɨꞌñxiꞌñkaꞌ bɨɨx jɨꞌmaꞌn jam jujur am bhaan.

1 JUAN 3:17

Dhiꞌ jɨꞌ puꞌñi jaꞌk noꞌch xi dhuiñchuꞌ na baꞌ puiꞌ bam kaiꞌch nach bax maat na jax kaiꞌñkam puiꞌm kaiꞌch nach jix chu joiꞌgɨꞌndaꞌ. Guꞌ ji noꞌ guꞌ puiꞌ na jax gu jaroiꞌ noꞌ tɨir jix chumñigam, baꞌ noꞌ guꞌ tɨi nɨiꞌñ na tuꞌ aꞌmiram jum aaꞌ gu jax chuꞌm jich Xoiꞌkam jɨɨgiꞌñdham, ji noꞌt guꞌ pu cham paiꞌ iam jix joiꞌndak xi maa, dhiꞌ pu cham tuꞌx mat kaꞌ na jax kaiꞌñkam puiꞌm kaiꞌchdhaꞌ nañ jix chu joiꞌgɨꞌn, na guꞌ bak pu cham mat kaꞌ na jax jir tuꞌm kam gu Dios.

NAT JAX TƗ TƗƗ GU JUAN 22:16

’Aañiꞌ Jesuus yaꞌ dɨr mu joot jañich guiꞌ nar nobiiꞌñ gu Dios mummu buiñor guñ chujuandam tuk Juan na baꞌ puiꞌ tu mattudaꞌ nañ jɨꞌk jax tu duñiaꞌ jootom, na baꞌ miꞌ dhɨr gu Juan bɨɨx kap ba ja aagiꞌñdhaꞌ guiꞌ nam ba tɨ jɨɨgiꞌñ aañ jiñ bui na jɨꞌx oiꞌñgaꞌn nam baꞌ puiꞌ tu machiaꞌ. Aañ puiꞌ ji buusan na jax gu gɇꞌ chiꞌɨɨꞌ guiꞌ na katukgab bha tɨssaꞌn. Jir diꞌ pɨx iñ gu boxiiꞌñ gu Dabii guiꞌ na bɨjɨk jir gɇꞌkam kat.