LUUKAS 1:43 - Tepehuano Tepehuán del Sureste (Durango)

⁴³ ¿Aañ baꞌ jax jup jiñ ɨlhiiꞌñ nat baꞌ jaꞌkbuiꞌ kat bhaiꞌp jiñ chɨɨgim gu dɨꞌɨɨꞌn guñ Gɇꞌkam tuk?

LUUKAS 1:43 ပူးပေါင်းရင်းမြစ်များ

MATEO 12:46

Baꞌ na pui miꞌ ka tu ja aꞌgiꞌñchuꞌ gu Jesuus gu jaꞌtkam, miꞌ ba ai mɨt gu jajaaꞌnniꞌñ gio gu dɨꞌɨɨꞌn nam jix chu aꞌgidhamtuꞌ, baꞌ mummɨ jaꞌp dɨɨrap dɨr pɨx ji guguu mɨt.

MATEO 3:14

Baꞌ nat paiꞌ dhuuk mummɨ ba ai, jaꞌkbuiꞌ kat bhaiꞌ bax aaꞌ gu Juan na bakuanaꞌ gu Jesuus, jup tɨtda: ―Guꞌ aañ puiꞌ ɨlhiiꞌñ ji nap aap jaꞌkbuiꞌ kat jiñ bakuanaꞌ, guꞌ aap jaꞌkbuiꞌ kat bhaiꞌ bañ chiañim nañ jum bakuanaꞌ.

LUUKAS 1:42

Baꞌp kaiꞌch gɇꞌ kɨꞌn: ―¡Aa guꞌ gɇꞌkam kɨꞌn bhaan tɨ nɨidhim ji jia gu Dios gum alhii chuk nap jum ɨraab dɨr uaꞌ! Jaꞌp moox bhaiꞌ tum jii, na guꞌ cham jax chuꞌm ubii jaꞌxbuiꞌ puiꞌ gɇꞌkam kɨꞌn bhaan tɨ nɨnɨidhat na jax aap.

LUUKAS 1:44

Na guꞌ na ñich jum kai na pich bha tu ñioꞌki, jotmodaꞌ joi guñ alhii chuk nañ jiñ ɨraab dɨr uaꞌ nat jix bhaiꞌm ɨlh.

LUUKAS 2:11

Jaꞌpniñ tuꞌm jam uaꞌtulhiꞌñ: Maaꞌn bhaꞌñi dhɨr maaxir gu alhii xib dhi tukaaꞌ na paiꞌ kiokat bɨjɨk gu Dabii. Dhiꞌr diꞌ guiꞌ na pim nɨɨra na saak bha jootsaꞌ gu Dios yaꞌ dhi oiꞌñgaꞌn na jam palhbuidhaꞌ.

LUUKAS 7:7

Puiꞌ ku ñich baꞌ cham jiñ guguux nañ dɨɨlh jum gaaꞌmɨrai soiꞌm tɨɨdaꞌ nap duaꞌñdhaꞌ guñ chujuandam tuk. Miꞌ dhɨr jap pɨx puiꞌ xi chɨꞌyaꞌ na ba dodhiaꞌ guñ chujuandam tuk.

JUAN 13:13

Aañ sɨlhkam dhor gɇꞌkam na pim jax bañ chɨɨtɨꞌ, gio nañ bɨxchuꞌx aichuꞌn. Cham tuꞌr gama jaꞌk na pim jax kaiꞌch jiñ jaaduñ.

JUAN 20:28

Baꞌ giilhim jix bhaiꞌm ɨlh gu Tomaas, jup kaiꞌch: ―¡Aaja guñ Gɇꞌkam tuk! Giop dua ji bak guꞌ sɨlhkam gu Dios jiñ Gɨꞌkoraꞌ.

PILIIPOS KAM 2:3

Chaꞌpim gɇꞌgɇrkam jum taatɨt bɨɨx aixim tu buadaꞌ na pim dɨɨlh jax ɨlhiiꞌñ, na guꞌ dhiꞌ dai na pim jax dhui bhaan pɨx jix bhaak kaꞌ, guꞌ jaꞌpji na pim soiꞌm ɨlhdhat tuꞌ jax buadaꞌ nar jix bhaiꞌm duukam. Puiꞌ pim ja biaꞌkaꞌ gu jaiꞌ nam jix ioꞌm muiꞌ namɨɨk, cham tuꞌ puiꞌ na aapiꞌm.

PILIIPOS KAM 3:8

Jaꞌp pɨx guꞌ nañ miꞌ puiꞌ jimdaꞌ bak sia kuñ cham tuꞌ mi chɨɨgim jiñ iiꞌmdaꞌ bhaan, guꞌ guch Xoiꞌkam ji nar gɇꞌkam nax ioꞌm jum aaꞌ nañ machiaꞌ nar tuꞌp tuꞌm daꞌ. Dhiꞌ bhaan jañ baꞌ gampaiꞌ pɨx ba ɨlhiiꞌñ nañ jɨꞌk jax tu jimdat bɨɨpɨꞌ dɨr, dai guch Xoiꞌkam jañ pɨx bax dhaan gio nañ buiñor bax biiñak, na guꞌñ aꞌm tɨ nɨidhim,