LUUKAS 1:20 - Tepehuano Tepehuán del Sureste (Durango)

²⁰ Guꞌ xib baꞌ tuꞌ na jax chuiꞌkaꞌ, nap guꞌ cham jiñ jɨɨgiꞌñ, cham ka tu ñiokdaꞌ ap janoꞌ juugɨt na paiꞌ dhuuk maaxilhiaꞌ gu jam alhii chuk. Baꞌ pu jii gu nobiiꞌñ gu Dios puiꞌ xi chɨɨdak gu Sakariiyas.

LUUKAS 1:20 ပူးပေါင်းရင်းမြစ်များ

MAARKOS 16:14

Baꞌ mɨkkat mummu bam maax dho gi ji baꞌ gu Jesuus ja bui gu mambhɨɨx daman maaꞌn gu noonbiꞌñ, mu nam paiꞌ daraat ka tu kuaꞌ. Baꞌ pɨx am ja ñiokiꞌñ, tuꞌ sap ku baꞌ moo jaꞌp jix kaapak gu ja jujur nam baꞌ cham ja jɨɨgiꞌñ nam tɨi ja aagiꞌñ guiꞌ na mɨt bɨɨpɨꞌ dɨr tɨɨ nat giop ba dua.

MAARKOS 9:19

Baꞌp ja tɨtda gu Jesuus bɨɨx nam jɨꞌk miꞌp tuꞌiiꞌ: ―¿Jax ku pim baꞌ moo jaꞌp cham jɨꞌx buiñor jix biiñak guñ Gɨꞌkoraꞌ? ¿Jɨꞌx jañ baꞌ ya jaꞌp oirɨt jup tu jam aagiꞌñdhaꞌ? Bhaiꞌ gor xiñ baiꞌñxiꞌñbup gux koꞌkkam.

LUUKAS 1:19

Baꞌ gu nobiiꞌñ gu Dios jup tɨtda: ―Jaꞌpji nañ guꞌ aañ sɨlhkam yaꞌ puiꞌm tɨtda, cham tuꞌp jax jum aaꞌndaꞌ nañ puiꞌ pɨx kaiꞌch. Jir nobiiꞌñ iñ guꞌ aañ gu Dios. Aañ jir diꞌ nañ Gabrial tɨɨꞌ. Guiꞌ pɨx bhañ joot nañ yaꞌm aagiꞌñdhaꞌ na jax jix bhaiꞌ kaiꞌch.

LUUKAS 1:21

Guꞌ baꞌ gu jaꞌtkam guiꞌ nam baas dɨr jaꞌp jup ka tu daanɨt, tɨi pɨx gan bam juan am na cham paiꞌ dhɨr ka buusnim gu Sakariiyas. Tɨi bam tɨ tɨkka am na sap jax kut baꞌ ba mɨɨkim.

LUUKAS 1:22

Mɨkkat baꞌ siamri bhɨjɨ dɨr ba ji buus. Pu cham bhaaiꞌ na jax dhui tu aꞌgaꞌ, dai gu noonbiꞌñ kɨꞌn pɨx jaꞌp tɨi tu bua na tu ja aꞌgiꞌñ. Baꞌ gu jaꞌtkam jotmodaꞌ puiꞌm aa mɨt ɨp nat jax ji nat tɨ tɨɨ bhɨjɨ na ka baax na paiꞌx ioꞌm jix chu xidhuu kut baꞌ puiꞌm duu, cham tuꞌ gu jaꞌp pɨx. Puiꞌ baꞌ cham tu ñiokdaꞌ gu Sakariiyas, dai noonbiꞌñ kɨꞌn pɨx jaꞌp tu buadaꞌ na paiꞌ dhuuk tu aꞌgadaꞌ.

LUUKAS 1:45

¡Jaꞌp moo joidham jix bhaiꞌm duu na pich bɨɨx jum jur kɨꞌn tɨ jɨɨꞌñ na puiꞌ tum duñiaꞌ na jax jum tɨtda guch Gɇꞌkam tuk!

LUUKAS 1:64

Baꞌ miꞌ jotmodaꞌ bhaiꞌ ji chu ñiokcha ɨp gio gu Sakariiyas, jix bhaiꞌm taatɨt xi gɇꞌkamtuꞌn gu Dios jix dhaam jaꞌk.

ROOMA KAM 3:3

¿Baꞌ aapiꞌm jax ɨlhiiꞌñ na tu tuꞌiiꞌ nam baꞌ cham miꞌ puiꞌ jiim jaiꞌ dhɨt na jɨꞌk jax tu aagix? ¿Panaas aa gu Dios puiꞌ cham miꞌ puiꞌp ka tu duiñchuꞌ nat jax tɨi?

2 TIMOTEO 2:13

Gio noꞌch aach jɨꞌx cham miꞌ puiꞌ jiim na jax guiꞌ, dɨɨlh maaꞌn na jax miꞌ puiꞌ jimdaꞌ, na guꞌ dɨɨlh cham jɨꞌxkat jum oꞌjolhdhaꞌ.

TIITO 1:2

Jum aaꞌ na puꞌñi jaꞌk tu jimiaꞌ gu jaroiꞌ na baꞌx bhaaiꞌn kaꞌ na buiñor jimiaꞌ gu Dios na baꞌ gammɨjɨ buiñor bap tuiꞌkaꞌ. Gu Dios dɨɨlh pu puiꞌ tɨi bɨɨpɨꞌ dɨr nat baꞌ moo bap duu dhi oiꞌñgaꞌn na puꞌñi ja baidhikaꞌ gu jaꞌtkam guiꞌ nam jɨꞌk soiꞌm ɨlhdhai buiñor jum biiñkadai tɨ jɨɨꞌñdhaꞌ. Baꞌ dhiꞌ puiꞌ ji chu buusniaꞌ, na guꞌ gu Dios cham jɨꞌxkat iataꞌ.

ISRAEL KAM 6:18

Xib jach dho baꞌ bax maat jiñ jaaduñ na gu Dios jich Gɨꞌkoraꞌ cham jɨꞌxdhaꞌ iat, jir puiꞌ kaꞌ jax noꞌt ba tɨi. Dhiꞌch baꞌ bhaan jix bhaiꞌch chaat kaꞌ nach jɨꞌk buiñor ba tɨ jɨɨgiꞌñ, na guꞌ cham tuꞌ pɨx jap kaiꞌch nat tuch iimchuda na bhammɨch aichdhaꞌ nach paiꞌ gammɨjɨx jɨjɨkgɨm bap tuiꞌkaꞌ, gio nap kaiꞌch na gammɨjɨch nuukdaidhaꞌ nach jɨꞌk yaꞌ ka oipo dhi oiꞌñgaꞌn bhaan.

NAT JAX TƗ TƗƗ GU JUAN 3:19

Jaꞌp jañ dho kaiꞌñkam jup jam tɨtda, na pim soiꞌm ɨlhdhai miꞌ puiꞌ ba jimiaꞌ nañ jax jix aaꞌ, chaꞌpim kam uaꞌtulhiꞌñdhaꞌ. Piam ku guꞌ cham, jam tulhiiñchudaꞌ iñ na pim jɨꞌx pɨx juugɨt soiꞌm ɨlhdhaꞌ aañ jiñ bui, nañ guꞌ tɨi xi jam joiꞌgɨꞌn. Puꞌñi jaꞌk jañ ja buaꞌt ja sɨlhkaꞌn jia guiꞌ nañ jɨꞌk jix ja daꞌ.