JUUDAS 1:7 - Tepehuano Tepehuán del Sureste (Durango)

⁷ Gio jaꞌpni ɨp na pim jax bax maat nat tu ja dooda bɨjɨk guiꞌ nam mu oiꞌñkat Sodooma, gio jaꞌpni jaꞌk na paiꞌ Gomorra tɨ tɨɨꞌ, gio miꞌ dhɨr jaꞌp bɨɨx xikoolh na jax aꞌlhich jir kikcham kat, nat tai kɨꞌn ja koi bo gu Dios nam cham tuꞌ kaꞌm nɨiꞌñdhaꞌ. Puꞌñi bɨɨx aixim tu buadaꞌ am na jax cham kɨɨꞌ kaꞌm nɨiꞌñdhaꞌ, gam nam giilhim muiꞌ ja bɨɨm boppodaꞌ gu uꞌuub, gam sia dɨɨlh dai chichioꞌñ. Gammɨjɨ nam jax aajidhaꞌ nam pu tu buichgɨdaꞌ, jaꞌpni kaiꞌñkam baꞌ ja mɨiꞌñ gu Dios, na mɨt guꞌ giilhim gɇꞌ bam uaꞌtulh buiñor. Sia xib jam dho pui mɨɨjim mu na paiꞌ gɇꞌ mɨim gu tai na cham jɨꞌxdhaꞌ tukiaꞌ, baꞌ dhiꞌ gammɨjɨ miꞌ pup jum tulhiiñdhaꞌ am. Dhiꞌch baꞌ bhaan tɨꞌñchokaꞌ xib na puꞌñip tuch jimiaꞌ aach noꞌch jax dhuuk cham tuꞌ kaꞌm tɨgiaꞌ gu Dios.

JUUDAS 1:7 ပူးပေါင်းရင်းမြစ်များ

MATEO 10:15

Baꞌ aañ yaꞌ pu jam tɨtda nax ioꞌm cham bhaiꞌ tu ja jimiaꞌ dhiꞌ dhi jaꞌtkam janoꞌ na paiꞌ dhuuk tum kuugalhdhaꞌ yaꞌ dhi oiꞌñgaꞌn bhaan, nam guꞌ giilhim jum tulhiiñaꞌ, cham tuꞌ puiꞌ na jax gu Sodooma kam gio gu Gomorra kam.

MATEO 11:24

Baꞌ aañ yaꞌ pu jam tɨtda na janoꞌ na paiꞌ dhuuk ja aagiꞌñdhaꞌ guñ Gɨꞌkoraꞌ bɨɨx gu jaꞌtkam nam tuꞌ jax buimɨi, aapiꞌm giilhim jam tulhiiñchudaꞌ, cham tuꞌ puiꞌ na jax gu Sodooma kam kat.

MATEO 25:41

’Guꞌ baꞌ guiꞌ nam oꞌnsop dɨr jaꞌk jup guꞌkuyaꞌ jup ja tɨɨdaꞌ iñ ɨp: “Baꞌ aapiꞌm na pim cham tuꞌ kaꞌm tɨ nɨiꞌñ, na pim cham tu joiꞌgɨꞌn, mu pim jimiaꞌ mu na paiꞌ gammɨjɨ cham tutkɨ gu tai, miꞌ na mɨt paiꞌp duiñ gu jaꞌook na baꞌ miꞌm tulhiiñaꞌ ja bɨɨm gu noonbiꞌñ jix ioꞌm, ja bɨɨm baꞌ aapiꞌm na pim cham tuꞌ kaꞌm tɨ nɨiꞌñ.

LUUKAS 17:29

Baꞌ dai tai pɨx miꞌ ba duuꞌn nam cham pum aaꞌ, miꞌ pɨx pu tum totpok dɨbɨɨr taꞌm. Gu Lot guꞌ pu bɨɨpɨꞌ dɨr ba jimiññor miꞌ dhɨr Sodooma nat chakui tai duuꞌn. Baꞌ pu bɨɨx koi mɨt guiꞌ nam mi oiꞌñkat, nim maaꞌn kut bii.

1 KORIINTO KAM 6:9

Iam guꞌr cham pu tuꞌt jiñ jaaduñ, cham jɨꞌxkat aayaꞌm guꞌ buiñor gu Dios na paiꞌ dhɨr bɨɨx kap jir gɇꞌkam guiꞌ nam puꞌñi bɨɨx aixim jix buam tu buadaꞌ. Puiꞌ na jax guiꞌ nam ganaiꞌ pɨx ja bɨɨm boppodaꞌ muiꞌ gu uꞌuub, gio guiꞌ nam bɨɨx aixim tuꞌm tu didios tuk. Gio guiꞌ nam jaiꞌ ja bɨɨm boppodaꞌ gu uꞌuub sia kum tɨi tɨ bɨpnaꞌ. Gio guiꞌ nam dai chichioꞌñ maap boppodaꞌ nam puiꞌ ji dhui dɨɨlh na maadɨt jir ubii kaꞌ. Gio guiꞌ nam bɨɨx aixim tɨ ɨɨxiꞌñdhaꞌ. Gio guiꞌ nam jaꞌp pɨx jix chu aaꞌndaꞌ nam gɨt bɨɨx aixim xi chu biaꞌkaꞌ. Gio guiꞌ nam daix maik kaꞌ. Gio guiꞌ nam bɨɨx aixim bhaan iatdaꞌ. Gio guiꞌ nam bɨɨx aixim bhaan ja iatgidhat gu jaꞌtkam dhiꞌ kɨꞌn ja mamaiꞌchɨkdaꞌ.

2 TESALOONIKA KAM 1:7

Aapiꞌm baꞌ dai na jam jɨjɨkgɨtdai ba jam jɨɨpdhatdaꞌ na pim jum tulhiiñ, sia puiꞌ na jax aach. Dhiꞌ janoꞌ puiꞌ jaꞌk tum duñiaꞌ na gu Gɇꞌkam jich Xoiꞌkam gio bhaiꞌp jimdaꞌ ja bɨɨm gu noonbiꞌñ gu Dios nam bɨxchuꞌx bhaaiꞌ nam pu tu duñiaꞌ, gɇꞌ tonnichgɨdaꞌ jaꞌp na gu tai noꞌ paiꞌ gɇꞌ mɨim na bhaiꞌ ba jimdaꞌ jix dhaam dɨr.

2 TESALOONIKA KAM 1:8

Pu kaiꞌñkam pɨx bha jimiaꞌ na yaꞌ ja tulhiiñchudaꞌ guiꞌ nam cham tuꞌp jum buixdhaꞌ na jax jum kaiꞌchdhaꞌ gux bhaiꞌm kaiꞌchdham ñioꞌkiꞌñ, na bhaan tu aꞌga nam jax jaꞌk dui cham kam tulhiiñaꞌ gɨt, nam dai tuꞌ pɨx ɨlhdhaꞌ gu Dios.

2 PEEGRO 2:2

Muiꞌ gu jaꞌtkam joidham ɨlhdhaꞌ am nam jax jaꞌk tu aꞌgidhaꞌ dhiꞌ pu chuꞌm gu jaꞌtkam, nam guꞌ puiꞌ tu ja aꞌgidhidhaꞌ na cham tuꞌr uaꞌtulhdharaꞌ kaꞌ siam chi bɨɨx aixim tu bua na jax cham jir am. Baꞌ bhaiꞌ ji bhaamkidhaꞌ am gux bhaiꞌm kaiꞌchdham ñioꞌkiꞌñ gu Dios dhiꞌ na tɨi sɨlhkam tum aꞌga, nam guꞌ maakam ba ja aagiꞌñdhaꞌ guiꞌ nam naiꞌ jiimɨt maakam tu iatgidhidhaꞌ puiꞌ xi kaiꞌchɨt nam Dios bhaankamuꞌn tu aꞌgadaꞌ. Baꞌ guiꞌ nam chakui tɨ jɨɨgiꞌñdhaꞌ buiñor guch Xoiꞌkam, bɨɨx aixim bhaiꞌp ji aiꞌchuxdhaꞌ am gu ñioꞌkiꞌñ gu Dios, iatdaꞌ pɨx ba ɨlhiiꞌñdhaꞌ am.

2 PEEGRO 2:6

Gio puiꞌ na jax guiꞌ nam bɨjɨk mu oiꞌñkat Sodooma gio jaꞌpni jaꞌk na paiꞌ Gomorra tɨ tɨɨgich nam puꞌñi cham tuꞌ kaꞌm nɨidhat gu Dios, bɨɨx aixim tu buadaꞌ am na jax cham kɨɨꞌ kaꞌm nɨiꞌñ. Jaiñ nat puiꞌ cham jup ja joiꞌgɨlh gu Dios, pu maaꞌn jimdam ji nat ja koi tai kɨꞌn, mataip ja dooda bɨɨx dappaam. Dhiꞌm sap baꞌ bhaan jix mat kaꞌ gu jaiꞌ jaꞌtkam nam jaiꞌchdhɨlhiaꞌ gatuuk na puꞌñip tu ja doodaꞌ noꞌm jax dhuukat cham tuꞌ kaꞌm nɨiꞌñ puꞌñi, noꞌm guꞌ bɨɨx aixim tu bua na jax cham kɨɨꞌ kaꞌm nɨiꞌñ.

2 PEEGRO 3:7

Guꞌ baꞌ gu xib na yaꞌ ba miamlhim ɨp na paiꞌ dhuuk tum kuugalhdhaꞌ yaꞌ dhi oiꞌñgaꞌn, gu Dios na jaroiꞌ bɨxchuꞌx aichuꞌn na pu tu duñiaꞌ, puiꞌ jaꞌk ba tu dai na tai kɨꞌn mɨidhai tɨɨmoꞌ dhi oiꞌñgaꞌn. Gio baꞌ na tai chɨr ja tulhiiñchudaꞌ guiꞌ nam jɨꞌk buam pɨx tu buadaꞌ na jax cham kɨɨꞌ kaꞌm nɨiꞌñ, daipuꞌ na xi ja aaꞌñdhai na mɨt tuꞌ bhaan jum uaꞌtulh janoꞌ nam paiꞌ dhuuk bhammɨm jumpadaꞌ gu jaꞌtkam buiñor.