JUAN 6:69 - Tepehuano Tepehuán del Sureste (Durango)

⁶⁹ Guꞌ aach dai aap pɨx bhaiꞌ bam nɨidhim ji, na chich guꞌ bɨɨx jich jujur kɨꞌn ba tɨ jɨɨꞌñ aap jum bui, nach guꞌ bax maat nap aap jir diꞌ guch Xoiꞌkam nap jir Maraaꞌn gu Dios nat bham joot.

JUAN 6:69 ပူးပေါင်းရင်းမြစ်များ

MATEO 16:16

Baꞌ muiꞌ ji ñio gu Simoon guiꞌ nam Peegro kɨꞌn jup jix mat kaꞌ, jup kaiꞌch: ―Dho aapiꞌ dhor diꞌ guch Xoiꞌkam guiꞌ na saak bha jootsaꞌ gɨt gu Dios.

MAARKOS 1:1

Jaꞌpni jaꞌk bhaiꞌ jim tɨbgai dhix bhaiꞌm kaiꞌchdham ñiꞌook na bhaan tu aꞌga guch Xoiꞌkam, Maraaꞌn gu Dios,

MAARKOS 1:24

―¿Jax japich bhaiꞌ bach dhoodam Jesuus Nasareet kam? ¿Kaꞌp ti bhaiꞌ bach koodam aa? ¡Aañ jix maat jia nap aap jir diꞌ gu Dios gu maaxik duakam!

MAARKOS 8:29

Baꞌ dɨɨlh jup xi ja tɨkka gu Jesuus, jup ja tɨtda: ―Aapiꞌm gi, ¿xiñ maat japim aa nañ jir tuꞌp tuꞌm daꞌ? Baꞌ muiꞌ ji ñio gu Peegro, jup kaiꞌch: ―Dho aapiꞌ dhor diꞌ guch Xoiꞌkam guiꞌ na saak bha jootsaꞌ gɨt guch Gɨꞌkoraꞌ.

LUUKAS 9:20

Baꞌ dɨɨlh jup xi ja tɨkka gu Jesuus, jup ja tɨtda: ―Aapiꞌm gi, ¿xiñ maat japim aa nañ jir jaroiꞌ dhaꞌ gio nañ paiꞌ dhɨr jaꞌk jim? Baꞌp kaiꞌch gu Peegro: ―Dho aap jir diꞌ guch Xoiꞌkam nach jaroiꞌ nɨɨrat na bhach joochxidhaꞌ gu Dios jix dhaam dɨr.

JUAN 1:29

Baꞌ buimgidhak miꞌ ba ai gu Jesuus na paiꞌ ja bopkon suudaiꞌ kɨꞌn gu jaꞌtkam gu Juan. Baꞌ nat ba tɨɨ gu Juan na muiꞌ ba jim gu Jesuus, jup ja tɨtda gu jaꞌtkam: ―Dhiꞌñir diꞌ na muni dhɨr bhaiꞌ ba jim guiꞌ nat Dios bha joot nach aꞌmkam mukiaꞌ bɨɨx na jɨꞌk jaꞌtkam yaꞌ dhi oiꞌñgaꞌn, na baꞌ puꞌñi dhuuji tu namkix kaꞌ guch uaꞌtulhdharaꞌ. Dhiꞌ puiꞌ ji buusan na jax maaꞌn gux kɨɨꞌ kasnir, na guꞌm makgartaꞌ gatuuk.

JUAN 1:41

Baꞌ xim jotmaꞌn gu Anrees nat gaagam gu jaꞌnniꞌñ Simoon. Baꞌ nammɨ gama jaꞌk tɨɨgɨk ba aagiꞌñ, jup tɨtda: ―Ampɨx maat jachich dho gi ji baꞌ guch Xoiꞌkam guiꞌ na saak Dios bha jootsaꞌ. Kani maik jach tɨɨꞌmpuꞌ.

JUAN 10:36

Guꞌ baꞌ aañ puꞌñi ɨp xib, miꞌ puiꞌ xi chu duñiim iñ nat jɨꞌk jax jiñ chɨɨdak bhañ joot guñ Gɨꞌkoraꞌ yaꞌ dhi oiꞌñgaꞌn bhaan. Guꞌ ji na pim guꞌ aapiꞌm yaꞌ puiꞌñ chɨtda nañ gɇꞌkam kɨꞌn jiñ uaꞌtulhiꞌñ buiñor nañ puiꞌ xi jam tɨtda nañ guiꞌr maraaꞌn nat bhañ joot.

JUAN 11:27

Baꞌp kaiꞌch gu Maarta: ―Tɨ jɨɨgiꞌñ iñ ji bɨɨx nap jɨꞌk jax kaiꞌch jiñ jaduuñ, nañ guꞌ aañ jix maat jia nap aap jir diꞌ guch Xoiꞌkam, Maraaꞌn gu Dios, guiꞌ na saak bha jimdaꞌ yaꞌ dhi oiꞌñgaꞌn.

JUAN 20:28

Baꞌ giilhim jix bhaiꞌm ɨlh gu Tomaas, jup kaiꞌch: ―¡Aaja guñ Gɇꞌkam tuk! Giop dua ji bak guꞌ sɨlhkam gu Dios jiñ Gɨꞌkoraꞌ.

JUAN 20:31

Daipuꞌ dhiꞌ na jɨꞌk pɨx yaꞌ tu daa na pim ba nɨiꞌñ, na pim baꞌ tu jiñkuidhai tɨ jɨɨꞌñdhaꞌ na gu Jesuus jir diꞌ guch Xoiꞌkam na maaxik yaꞌ xi oilhimɨk dhi oiꞌñgaꞌn bhaan, nar Maraaꞌn gu Dios nat bha joot. Na baꞌ gu jaroiꞌ na tɨ jɨɨꞌñdhaꞌ buiñor baidhikaꞌx dhaam jaꞌk na paiꞌ gammɨjɨ pu ba duakaꞌ.

GU NOONBIꞌÑ GUCH XOIꞌKAM 8:36

Baꞌ palhɨɨp gama jaꞌk na mɨt ji bhɨi na paiꞌ gɇꞌ suuꞌnkaꞌ gu suudaiꞌ, jup kaiꞌch gu Etiopiiya kam: ―Gi noꞌ pich xiñ bakuanak jiñ jaduuñ na kapbhaiꞌ na yaꞌni pɨx suuꞌn dhi suudaiꞌ.

ROOMA KAM 1:3

Baꞌ dhix bhaiꞌm kaiꞌchdham ñioꞌkiꞌñ gu Dios bhaan tu aꞌga gu Maraaꞌn, dhiꞌ nach jaroiꞌ iim aach nar jich Xoiꞌkam gio nar jich Gɇꞌkam tuk, na tuukuꞌ bhaan jir boxiiꞌñ gu Dabii guiꞌ na bɨjɨk jir gɇꞌkam kat. Nat guꞌ guch Xoiꞌkam maaxik maaꞌnkam jup jim duuk yaꞌ maaxir dhi oiꞌñgaꞌn bhaan, dai gu iiꞌmdagaꞌn nar jix uañ.

EEPESO KAM 4:13

nach baꞌ miꞌ dhɨr bɨɨx maaꞌn nach jax jix ioꞌm buiñor tɨ jɨɨgiꞌñdhaꞌ, gio nach bɨɨx maap miꞌ puiꞌ jiimdaꞌ na jax jix aaꞌ, bɨɨx jix bhaiꞌ bax mat kaꞌ ich guꞌ na jax jaꞌk jir tuꞌm kam gu Dios. Baꞌ jaꞌxbuiꞌ miꞌ puiꞌp ba jiimdaꞌ ich nat jɨꞌx miꞌ puiꞌ jii guch Xoiꞌkam, chakui jupaaban bhɨi chich guꞌ na jɨꞌx jum aaꞌ.

1 JUAN 4:16

Baꞌ aach nach jɨꞌk ba tɨ jɨɨgiꞌñ bɨɨx jich jujur kɨꞌn buiñor guch Xoiꞌkam, jix bhaiꞌ bax maat ich na gu Dios joidham xich joiꞌgɨꞌn, na guꞌr diꞌ pɨx gux chu joiꞌgɨꞌn. Baꞌ gu jaroiꞌ noꞌ puiꞌp jix chu joiꞌgɨꞌn na guiꞌ, dhiꞌ bhaan bax maatɨꞌ kaꞌ na sɨlhkam bax maat gu Dios, baꞌ puiꞌ bam kaiꞌchdhaꞌ na bhaan ba tɨ nɨidhim.

1 JUAN 5:1

Gu jaroiꞌ noꞌ bɨɨx juraaꞌn kɨꞌn tɨ jɨɨgiꞌñ na gu Jesuus jir diꞌ guch Xoiꞌkam nat Dios bha joot, dhiꞌ jɨꞌ puiꞌ bam kaiꞌchdhaꞌ na Dios jir Maraaꞌn. Baꞌ noꞌ puiꞌ bam tɨɨtɨꞌ na Dios bar Maraaꞌn, jum aaꞌ nax ja joiꞌndat jix bhaiꞌ ja tɨtdadaꞌ gu jaiꞌ nam puiꞌp jir maamraꞌn gu Dios.

1 JUAN 5:20

Aach nach guꞌ bax maat gu sɨlhkam Dios na jaroiꞌx ioꞌm jir gɇꞌkam, nat guꞌ bach mattuda gu Maraaꞌn jich Xoiꞌkam nat bhammɨ dɨr bha joot jix dhaam na puꞌñi yaꞌch aagiꞌñdhaꞌ na jax jir tuꞌm kam guch Gɨꞌkoraꞌ. Puiꞌ kuch baꞌ aach xib dai guch Xoiꞌkam buiñor tɨ jɨɨꞌñdhat miꞌ puiꞌ bhɨichuꞌ na jax jix aaꞌ, nach guꞌ bax maat nar diꞌ gu sɨlhkam Dios nax ioꞌm jir gɇꞌkam, gio nax bhaaiꞌ nach baidhikaꞌ gatuuk jix dhaam jaꞌk nach paiꞌ gammɨjɨx jɨjɨkgɨm bap tuiꞌkaꞌ.