JUAN 6:62 - Tepehuano Tepehuán del Sureste (Durango)

⁶² ¿Jax japim baꞌm duñiaꞌ noꞌ guꞌ aañ nat bhañ joot guñ Gɨꞌkoraꞌ nañ yaꞌ ka tu aꞌga, jotmodaꞌ bhaꞌñi pu tɨs jañich bhɨjɨmmɨni jaꞌk jix dhaam na ñich paiꞌ dhɨr bha jii?

JUAN 6:62 ပူးပေါင်းရင်းမြစ်များ

MATEO 8:20

Baꞌ gu Jesuus jup tɨtda: ―Jax dhui na guꞌ aañ nat bhañ joot guñ Gɨꞌkoraꞌ yaꞌ dhi oiꞌñgaꞌn bhaan, pu cham paiꞌ bhaaiꞌ nañ gɨt joidham xiñ jɨɨpiꞌñkaꞌ, cham puiꞌ na jax gu kaxio, na guꞌ sɨlh jimiaꞌ mu paiꞌ nar chiob kaꞌ noꞌ bax kooxim. Gio gu uꞌiiꞌ na guꞌ puiꞌp tu kos kaꞌ, dai na ba koxiaꞌ na paiꞌ dhuuk ɨlhiiꞌñdhaꞌ.

MAARKOS 16:19

Baꞌ daipuꞌ na jax puiꞌ jɨꞌ xi chu ja aꞌgidhimɨk gu Jesuus, pu jiix dhaam jaꞌk, baꞌ bhammɨ ji dhaibu kɨɨꞌn dɨr sonpan gu Dios.

LUUKAS 24:51

Baꞌ puiꞌ ja aꞌmkam ji chu dañiidhat gamaiꞌ ji bam jix dhaam jaꞌk, bhɨjɨmmɨ ji bhiꞌñ, guiꞌ baꞌ miꞌ pup bii mɨt.

JUAN 16:28

Xib jañ dho gio am bhaiꞌ jaꞌk jup ba tɨ nɨiꞌñ buiñor na ñich paiꞌ dhɨr bha jii, nat guꞌ alhio pɨx bhañ joot yaꞌ dhi oiꞌñgaꞌn.

JUAN 17:11

’Aap baꞌ ja aꞌm ka tɨ nɨidhidhaꞌñ Gɨꞌkoraꞌ dhiꞌ nam jɨꞌk bañ kaichuꞌ nam dɨɨlh yaꞌ ji biꞌyaꞌ dhi oiꞌñgaꞌn bhaan, nañ guꞌ aañ gio mu jaꞌk jup ba bhɨichuꞌ aap jum bui, nam baꞌ cham tuꞌ bhaan jax jim aagat maaꞌn ñiꞌook jup duukat gammɨjɨ miꞌ puiꞌ jiimdaꞌ nap jax jix aaꞌ aapiꞌ Gɇꞌkam nap giilhim jix uañ kɨꞌn kɨɨk, jaꞌp na jax aach nach maaꞌn ñiꞌook jup duukat maap jich dhaaꞌ.

JUAN 3:13

’Na guꞌ aañ jix dhaam dɨr jimdat jup kaiꞌch na paiꞌ cham jaroiꞌ tɨ nɨiꞌñ, dai aañ nañ jir bhammɨ kam nat baꞌ bhañ joot guñ Gɨꞌkoraꞌ.

JUAN 6:27

Moo pim cham gam ɨrdat oipodaꞌñ jaaduñ. Xim gaꞌngadaꞌ pim na pim jax jaꞌk duuji biaꞌkaꞌ gu koiꞌ na cham tu juꞌngɨ, cham tuꞌ na pim dai bhaan tɨtɨɨꞌñchokaꞌ gu koiꞌ na ampɨx tu juꞌngɨ na kɨꞌn jum guguuxiꞌñ dhi jam tutkuꞌ. Guꞌ jaꞌpji na pim xim gaꞌngadaꞌ ji na jax jaꞌk gammɨjɨ jam aꞌm ba tɨ nɨidhidhaꞌ guñ Gɨꞌkoraꞌ na pim baꞌ ba biaꞌkaꞌ gu koiꞌ guiꞌ na cham tu juꞌngɨ. Aañiꞌ dho tu maak noꞌ jaroiꞌ soiꞌm ɨlhdhat jiñ chaan, nat guꞌ puiꞌñ chɨɨdak bhañ joot guñ Gɨꞌkoraꞌ.

JUAN 6:42

Bhaiꞌ ji ñiokbo mɨt, jup kaiꞌch am: ―¿Jax ku baꞌ puiꞌ kaiꞌch dhi jaduuñ? ¿Cham aar diꞌ gu Jesuus tɨɨgim, maraaꞌn gu Josee, gio gu dɨꞌɨɨꞌn jach jup jix maat ɨp? ¿Jax gi ji ku baꞌp jich chɨtda: “Aañ bhammɨ dɨr jim jix dhaam”?

JUAN 6:53

Guꞌ ji na guꞌ ja kɇɇ gu Jesuus na mɨt giop ba ji ñiokbo, baꞌp ja tɨtda: ―Tuꞌ sɨlhkam jañ yaꞌ pu jam tɨɨdaꞌ, gu jaroiꞌ noꞌt cham tu juu dhiñ chuukuꞌ gio noꞌt cham tu ii guñ ɨꞌɨɨr, aañ na ñich jix dhaam dɨr bha jii, cham tuꞌ bhaan tɨ nɨidhidhaꞌ guñ Gɨꞌkoraꞌ.

GU NOONBIꞌÑ GUCH XOIꞌKAM 1:9

Baꞌ daipuꞌ nat puꞌñi xi ja tɨɨdak gu Jesuus guiꞌ nam jɨꞌk bhaiꞌp tuꞌiiꞌ buiñor, pu gamaiꞌ ji chɨs jix dhaam jaꞌk, baꞌ bhammɨ pɨx ji baa tɨbaaꞌñ chaꞌm, pu cham paiꞌ ka tɨɨ mɨt.

1 PEEGRO 3:22

guiꞌ na jaroiꞌ yaꞌ xi oilhimɨk giop tɨs bhɨjɨmmɨni jaꞌk jix dhaam, na xib bhammɨ sonpan ba daa gu Dios kɨɨꞌn dɨr jaꞌk. Baꞌ bɨɨx pɨx tuꞌ kaꞌm nɨiꞌñ am guiꞌ nam bhammɨr noonbiꞌñ gu Dios, sia guiꞌ nam bhammɨ gɇꞌgɇrkam kɨꞌn dalhxix.